عاشكته

البارت الرابع

🖤🖤

هو انت هم مثل الشتا
بارد ويوصل للعظم..
بس مَدري ليش نحبّه

🖤🖤

غلا .. اوك ست .. بلشت احجي وعيني ع المديره وذاك الضابط احسه اكلني بعيونه لدرجه ايدي ضلت ترجف وصوتي يرجف
مادري خوف من اهلي مادري خجل من الموقف

⭐⭐  انتبهت ع نفسي من سكتت غلا وحسيت ب اتبراكهه وانتبهت عليه جنت صافن بيه .. صار لازم احجي شي خو مو اضل مسطول بعيونه 🤤😂

اوك صار واضح الي صار بس اخر خطوبه واعتذر منج انسه غلا اذا دا ازعجج بس هذا لمصلحتج ولمصلحه سمعتج .. ممكن رقم اخوج الي صعدتي ويا ك اجراء احترازي لا اكثر .. طبعا انا احجي وكلامي بنبره جديه ونضره حادثه لازم اسيطر ع نفسي شني السالفه ولك احمد ما شايف 👮🏻‍♂️🤦🏻‍♂️

غلا .. اوك سيدي رقم اخوي 077053 .....

انطيته الرقم بعد شكو ابقى خل اولي لدروسي هاي والله بلوه امده حظي ..

العفو ست ح اروح اكمل الدرس ..

المديره .. تفضلي ماما ..

⭐⭐ خرب جدي راح تروح خل الحك اكوم وراهه

ست مشكوره ع تعاونكم واتمنى تعذرينه بس من حرصنه ع مدرستكم وحتى متصير حجايه مو حلوﯛهۂ ع البنت .. انا اترخص من حضرتج .. في امان الله

المديره .. ولو استاذ شكرا ل اهتمام حضرتكم وحرصكم ع طالباتي .. اخذ راحتك في امان الله .

غلا .. طلعت واني الخوف مالي كلبي اووف منج بطه اووف ولج هسه لو اسويج تشريب ما تبرد ناري
اني وين وهاي السالفه وين 🤦🏻‍♀️ امده حظي البازه 🤦🏻‍♀️

جاي امشي وصاحت عليه بنيه صديقتي . ولج غلوش شنو شو يكولون موكفه المركز تك رجل البارحه 😂🤤

غلا .. اهوووو امهات العلوم منيلج ها التمسلت طركاعه متنضم سالفه 😑🙄

⭐⭐ خرب وين راحت امشي وعيوني تدور عليهه وكلبي يدك .. شفته واكفه ويا بنت تسولف ..

امشي واباوع عليه واحجي بكلبي انا شجاي اسوي شحجي وياهه شكول اوف احترك جدج غلا 🤦🏻‍♂️

غلا .. جنت احجي وانتبهت هذا الضابط مدري الملازم اول جاي ب اتجاهي شو هذا عينه صلفه وبس يباوع

خاب هو هذا حظي امداااني .. اني من الله اكره اي واحد بالدوله واتخبل منهم لان قبل خالي وعمي عدهم ذاك النظام واشوف امي من تبجي وتتحسر ع اخوهه

بقت ببالي من اني طفله لهذا اليوم .

⭐⭐ غلا غلا 

نعم ؟؟

⭐⭐اعصابج من غير كلشي ماعرف شحجي وياج 🤦🏻‍♂️

شنو شتحجي مدا افهم حضرتك !! الي عندي حجيته كدام المديره وما اعتقد صار شي مهم حتى هيج يصير تحقيق ؟؟
اطلع بحجاب بتراك ببدله بصخام عندي اهل وقابلين مفهمت ع شنو التحقيق وجيه حضرتك ؟؟

⭐⭐ بوووووووووويه فلك صاب جدج ع ها اللسان
شني عمي انطينه درب اكلتيني بكشوري

غلا .. اني محترك كلبي من حجي صديقتي ومن امس نار بكلبي وهذا منا جاي صافن بوجهي

هو حجه واني مدري منين اجتني القوه وضليت اغرد 🤦🏻‍♀️😑

والله لعد وين اطفي نار كلبي 🤦🏻‍♀️

استاذ اني محجيت شي غلط بس دا احسك تسوي شي من ال لا شي

من رخصتك عندي درس .. باوعتله من ورا خشمي ومشيت ..

⭐⭐ انا بنت زعطوطه هيج تحجي وياي احس نااار اشتعلت بعيوني ودخنت والدخان طلع من راسي من الحركه 🤬

حجت ولبستني ومشت وانا بودي الزمها اسحلها واطيح حظهه .. صحت وراهه ..

غلااااا  هذا خشمج راح اكسره الج سهله يغلا ..

ضربت الحايط ب ايدي ومشيت بس نار بكلبي حركتني شني هاي الزعطوطه وتحجي هيج معلك وياي
ولج هذا غرورج احمد يكسره الج بنت ال ... شايفه روحه وتشمر بالحجي .. سهله سهله

غلا .. عفته ومشيت شو هذا صاح وراي  غلا خشمج هذا راح اكسره الج .. يمه دخيلك ربي صوته دك براسي
هذا شبي شنو عرف ولف ويهدد والله يا الله هاي البلاوي منين تجيني
بصراحه دخلت للصف وكملت المدرسه وبطه وباقي البنات يحجن وياي ما اجاوب لو بس اهز راسي اني وين وهنه وين احس جبل هم ع كلبي سترك ربي مالي غيرك يا الله لا تفشلني ويا اهلي .. دك الجرس وصار وكت الطلعه طلعت
لكيت فضل منتضرني صعدت بالسياره واني مالي خلك شي واحس كلبي يرجف من الخوف 

فضل .. سلامج وراج كدامج شو ساكته ؟؟ بيج شي ؟؟

غلا .. هاا اعذرني شلونك فضولي والله مبيه شي بس دايخه يمكن لان مماكله شي .

بكلبي اسولف اكوله لو لا ع جيه الضابط ..

ورا دقايق .. فضل اريد اكلك شي

فضل .. عين ع الطريق وعين ع غلا .. كولي ؟

غلا .. اليوم حجيت للمديره ع الي صار امس خفت تسمع من غيري وتفهم السالفه غلط

فضل .. عفيه عليج اخيتي

غلا .. بس وراهه اجه ضابط وصاحتني المديره وهم حجيت الي صار .

فضل .. ضابط ؟؟ ليش جريمه مسويه ولج ؟؟

غلا .. لااا والله كلشي ممسويه بس يمكن لان يمنا المركز 🤷🏻‍♀️

فضل .. هاا ان شاء الله خير .

سكتنا وصلنا للبيت ...

🖤🖤🧚🏻‍♀️🖤🖤🧚🏻‍♀️🖤🖤

يتبع **$**$**