عاشكته

البارت السادس ( اعتراف )

دوروني بغيابك وشلكو بيه
لكو صورت اغيابك خانكه الريه
لكو لمساتك مخليات اثر بعضاي
لكو عافيتي بعدك ظاله شويه
لكو شفتي معطبه وبيها اثر دخان
لكو وجهك بفص عيني وسواجيه
لكو بس اشلكو من قاسو النبضات ...
طلع بسمك يدك مليون بالميه .....

غلا .. اخويه منو انت وشنو رايد ؟؟

احمد .. احسسس كلبي انخمش من كالت اخويه 🤦🏻‍♂️
انا مو اخوج رجعي بذاكرتج ليوم طلعتج من المدرسه بتراك .. حجيت هيج وانا شويه مبتسم ☺️

غلا .. شنووو شمدريك ؟؟

احمد ⭐⭐ شمدريني ؟؟ ولج صار اكثر من سنه وانا لا ليلي ليل ولا نهاري نهار
كضيت روحي عنج كووه يبنت الناس
وهسه اجيتج مدني خاف تكولين لابس عسكري وجاي يحجي حتى اخاف ..

انا الملازم اول احمد ال .... بيوم الي طلعتي من مدرستج الضهر ولابسه تراك وانا خليتج حلالي
ثاني يوم اجيتج للمدرسه اريد اشوفج واسمع صوتج ما خليت اعتبار ل اكبر واحد لان ببالي شي واحد انتي وبسسسسس
بيومها شفتج ورجف كلبي عليج بس حجيج الي من طلعتي من غرفه المديره لجمني هوااي ساعه اعذرج واكول البت حكهااا ماتعرف انا رايدهه با الحلال وساعه اكول لا والله ها المغروره ششافت نفسها وهيج تحجي وياي ويصير كلبي نااار عليج
يبنت الناس انا مراقبج واعرف البيج والموبيج وادري دخلتي كليه ..
قررت اجيج واطلبج من اهلج بس ماردت اطلبج قبل لا احجي وياج
شكلتي غلا ؟؟ انا رايدج حلالي

غلا .. هو يحجي واني صافنه عليه
وبلشت استرجع ذكريات ذاك اليوم وتذكرت الضابط الي اجه للمدرسه وراد يتماده وياي بالحجي واني رديته .. عزااااااااا عزااااااااا هذا هوه نفسه يمه هذا شيريد مني انوب يكلي حلال هو غير انتم تضحكون ع بنات العالم والله يا الله

شنو ؟؟ رايدني ؟؟

اني اني ممفكره اتربط اريد اكمل كليه واتعين وابلش حياتي .. اعذرني اني رايحه لحد يشوفنه سويه ويصير حجي اني بغنى عنه وهمين اخوي ع جيه
وكفت ع حيلي وشلت الملازم  جان حسيت واحد عاط بيه وجر الملازم شمرهن اني وكته معرفت شسوي بقيت ارجف واباوع الغضب والحقد بعيونه

احمد ⭐⭐  جاوبتني وره صفنه مطولت دقيقتين ورفضت !! اي اي رفضت بدون متنطيني فرصه ولا تقدر صبري عليها ولا تقدر مشاعري الها ؟؟ هاي شني من بشر ششايفه روحها
والبلوه الجبيره كامت و تريد تمشي وتلبسني
ولج شنهي ماكو احترام زلمه لو خراعه خضره كدامج
حسيت نار اشتعلت بيه محسيت بنفسي غير جار الملازم منها وشامرهن وعطت بيها عيطه بيه كل الالم والحركه الي بكلبي غلاااااااااااااااا

جفلت كدامي تقربت الها ولزمت ايدهه وانا احس كلبي يدك الف ولج خرب عشيرتج بهذلتيني هذا انا ابن الشيوخ هيج حالي ( احجي بكلبي )
عصرت ايدهه حيل وهيه خافت وتحاول تخلص ايدهه مني .. ب الايد الثانيه عصرت شفتهه الجوه وصحت بكلبي اووووووف كون اضوكنج بعد خلص حيلي
انتبهت ع نفسي وانا ارجف من العصبيه غمضت عيني ثواني اريد اهدأ زحمه ولكم زحمه انا انرفض ومنين انرفض من البت الي كلبي عشكه ليش هيج يا ربي