شفته فتح اليٰـهہ باب الصدر .. صعدت وكلي حقد وكره اله هددني ونفذ تهديده اخذني من حياتي من بيئتي
فاركني عن اهلي
دخل ع اخوتي بمكر وحيله وكسبهم لجانبه
اوووف شلون راح اخلص عمري وياك
........
صعد يمي وشغل سيارته ومشت ورانه السيارات ال ٢
هنا حسيت انتهت حياتي ويا اهلي
وراح ابلش حياة جديده غريبه عني
احمد .. اخذتها وحركت سيارتي ومشيت اباوع
عليهه مهمومه وذبلانه والدمعه مخنوكه بعينها
انهضمت اني اريدهه تفرح ماريد احس نفسي سبب لوعته ..
تنهدت بحسره وكسرت حاجز الصمت والهدوء وحجيت .. خو ما دايخه من الطريق
غلا .. هزيت راسي بمعنى لا
عطشانه جوعانه كولي لا تستحين حتى اوكف السياره .. احجي اباوع الها من جوه ليجوه
غلا .. كلشي ما اريد
تنفست بقهر وهمست الها ..
لا تضوجين بس تشتاقين ل اهلج اجيبج والله وغلاتج عندي
غلا .. مهتميت لكلامه بقيت ساكته ومرخيه راسي ع جام باب السياره وعيني ع الطريق
اليوم راح اوديكم لبيت اختي الجبيره حتى ترتاحين والعصر البنات يردن يسون الج حنه واني حنتي بالليل
وباجر العرس .. اي شي ببالج كولي شنو تحتاجين شنو بنفسج
غلا .. ماريد شي وماريد حنه اهلي سوولي
ميخالف خواتي يردن يفرحن بيه اني الجبير وكلهم متحضرين للعرس
بس اريد اطلب منج طلب
غلا .. باوعت اله بطرف عيني وجاوبته شنو طلبك
باوعي اني ابن شيخ واهلي وعمامي وخوالي هواي وكرايبنه وعشيرتنه كلها راح تحضر عرسنه
اريد منج ترفعين راسي وتنطين زواجنه فرصه
واي حجايه تسمعينه تغثج لا تهتمين تعاي الي واحجي حقج يوصلج مربع
غلا .. سمعت كلامه وحسيت صارت نغزه بكلبي
سترك ربي صبرني ولا تخليني انزل راس اهلي لو تجيهم حجايه بسببي
جاوبته بهدوء .. ليش منو ممكن يغثني وشنو السبب ؟؟
هاا محد بس هاي دنيا ما تنحزر .. خلي ببالج اعشكج وامد روحي بساط الج بس كون ترضين والله
غلا .. تنهدت وسكتت ورجعت درت وجهي عنهر
مر الوكت ووصلنا للعماره وحسيت بمغص لزمني
سترك ربي
دخل بمنطقه مو ريفيه بس كلها بساتين واشكاا الزرع والاشجار واباوع البيوت كلها بنيان حديث
ورا دقايق وصلنا لبيت جبير وبي حديقه عبالك بستان زغير .. احمد خبص الجو ب الهورن واني ميته خجل ثواني وطلعت مره من البيت ورجال وولد اعمارهن بين ١٣ و ١٠ سنوات
تلكت احمد تبوس بي تفضلو تفضلو
عرفت هاي اخته وزوجهه وجهالهم
دخل السياره ب البيت ونزلت واجتي اخته حضنتني تبوس بيه وطايره من الفرح هلا هلا وميه هلا مرت الغالي بعد روحي
اسمها هيام بعدين من فتت للبيت عرفته
دخلنا للبيت اني وامي وخواتي وخطيه هيه تحير شنو تقدم النا احمد مشفته فات لل الاستقبال هو وزوج اختهى
حاضتني وفرحانه حسيتته حنينه كلشش ولج غلا احمد خابص الدنيا بيج مرتي بصراويه مرتي بصراويه ولج شمسويه ل ابو فهد باوعت الها منو ابو فهد خطيه ماتت من الضحك كالت ولج هو يريد يسمي ابنكم فهد هنا اني شو مدري شجاني خجلت ونزلت عيني واني مبتسمه
ماكو اقل ساعه وما احس اله خواته كلهن اجن وامه وخالاته وبناتهم وعماته ونسوان عمه
الناس كلهه مخبوصه ع ابو اجت عروس احمد البصراويه
تعبت كلش هلكد ما باوست وسلمت ومنا الطريق ثولني ثول
صارت ساعه ب ٣ الظهر اجت اخته هيام جان تكول يله حبيبه يله اجت ام الصالون خل تعدلج ولو انتي مصبوبه صبابه من الله تحجي وتحظني
ها الحجي امي دك سوالف ويا ام احمد وخواتي بسرعه اندمجن ويا خواته وكامن سوالف وضحك اله اني جني غريبه بينهن
جاوبت هيام والله ماله داعي اهلي سوو حنه واني تعبانه حسيت هيام ضاجت كالت حبيبه اخوتي كلهم تزوجو مهميت بس هذا عرس ابو فهد شمعة بيتنه ونريد نفرح ليش تكسرين واهسنه هنا ماما ردت
ياا خاله صدك جذب البنيه بنيتكم وماعاشت الي تكسر واهسجن باوعتلي وخزرتني بمعنى عيب عليج استحي
مكدرت ارد خجلت كلش باوعت لهيام اسفه بس لان تعبانه والله مو قصدي اضوجج
خطيه حظتني وشمتني شم كالت ولج والله انتب فرحة عمرنه تعالي ومعليج كلشي جاهز
فتت للغرفه وشفت البنات ملتمات وام الصالون وياها ٣ يساعدهنه واني صافنه
كالت الها بس مكياج خفيف وشعرهه بقي مفتوح اخويه يحبه مفتوح تباوعلي وتغمز .. مدري شصار بيه من الخجل .. جاوبته ام الصالون تدللين عيني ام اصيل قصدهه ع هيام
بس بدتله يا لون
ردت عليه هيام .. والله احمد جابه لون بعدهي بجنطته هسه اجيبه
راحت واجت جايبتها فستان حفلات بس كلششش نازك وهادء لونه ماروني طوخ وشويه يجي موديله قصير وبدون شيالات ولا ردانات والصدر مالته كصه قلب
بصراحه كلش حبيته وتعجبت شعجب مجايب بدله نفش
باوعتلي هيام عبالك حست بالي اريد اسئله .. ردت شفتي شجايب عزا هههه ولا يكعد راحه ومن كتله ليش مجايب بدله نفش يكلي عليمن اريدهه حوريه كدامي اصفن بجسمه ههههه اثاري اخيي محترك حرك 😂
فعلا
أنت تقرأ
عاشكته
ChickLitقصه باللهجه العراقيه الجنوبيه 🖤 🔞🔞جريئئه 🔞🔞 🔞🔞 غزل وعقاب جريئ 🔞🔞 🔞🔞 لمسات حب وغضب 🔞🔞 احداثهه تدور حول بنت تعجب ملازم اول ⭐⭐ يسوي المستحيل لخاطرهه والمفاجئه ............😱😱 .. ماريد اطول عليكم و احرك الاحداث تابعو وياي
