واضح بعد مايحتاج تتعذر
من نشفت الشفة ولونها اتغير
من ثلج البديك يصل صليل وداع
والحجي السلس بلسانك اتعثر
من ظلمة عيونك والشمس رمحين
جلجل ليلهن واتحزمن بالشر
من رجفة جفوفك والبرد بالكيض
علامة كلب صاح الصاحبه اتنكر
يامثنى الخواصر والحمول اثكال
وحمولك عفه اعله الخصر تتبطر
ياحايل ثمر من الجدم للراس
كل حايل ثمر معذور من يغتر
ياهمزة وصل سبحان من سواك
والخله الظبي اعله النمر يتنمر
يالكلك ترف وشصار هالطغيان
ربك فوك كل جبار يتجبر
ياتين العجم ياطعم خمرة دير
تسكيني ابكرم وتلومني من اسكر
من تدلع غنج عندك عذر مقبول
رمانك لحك والزيج ماينزر
وبعيونك غريب الخوف
آه واوف......آه واوف
ليله اختلط بيها البوح والأسرار
وانطبكن سويه الفرح ويه الخوف
ليله بلا وجل والعمر بآخر شوط
ودنيه مسودنه وحنه اعله جفها اضيوف
سدت بابها اعله اهل الكلت والكال
واطتنه البخت عالحجي المامكشوف
يمخالط رفيفك وي رفيف هواك
تسري ابنبض روحي ابراحتك وتطوف
زف حافي الجدم واتنكل ابممشاك
من طبع الحمام اعله الحمام يزف
آه واوف
يمسلط عليه امشرعات البين
لاتطلك ردف ومتيمك مجتوف
ضنيتك هدي وفيض الوكت راويك
لنّك عطش دنيا وللورد ملهوف
لاح السهر عينك والجفن سكران
ورموشك عرايس والكحل زافوف
يامحيي الهرش بأول نثاثة كيض
اثني بفيض زخه وفيض ود وشوف
حتى انثر حياتي كوام جيل ابجيل
واتخير امهنا شتاخذ وشتعوف
كلبك دره بروحي الماعرف يختار
اختار الكباحه وضيع المعروف
يالآهك بطر بيها الغنج مرسوم
وآنه العمر جبته ابين آه واوف
من تهمس تجيس الليل غفوة ليل
واصفوف النجوم بلا مجره اتطوف
حتى الكمر يخدر والنسيم ايطيب
وتلالي الثريا بطية النفنوف
يمعود وحكك من تريد اتعيل
دنيا بحالها توكف اصفوف اصفوف
ياصفحة غزل ياحيرتي من أقراك
والكه آخر سطر من عشرتك محذوف
طش بيدي الخرز واحزر بيا ميحان
تاخذني الحواجب هدر موت اسيوف
فتحت عيوني والوعي رجع اليٰـهہ دفعته كل قوتي وكمت من يمه كتله انت انت انت شنوو من بشر
شلون تسوي هيج تشتريني تساوم اخوتي عليه انت واحد جبان مكدرت تاخذ كلبي اخذتني غفل وغصب
مـَـــ̯ﮧـاااٰحبك ولا اريدك ولا اصير مرتك وهسه تطلع تطلكني
احمد ..... غلااااااااا
اششششش صوتج لا يعله .. تقربت منها وصارت بيني وبين الحايط خليت اديه داير مدايرهه وعيني بعينهه وعيونه كلهن غضب وعصبيه
همست الها .. شنو ها الحجي انتي شلون فكرتي هيج ؟
الله شاهد ممتقرب يم اخوتج كلشي صدفه واني اعرف اهلج من زمان بس تفاجئت بقضيه اخوج فضل
من كلفني بيهه العميد وكته ردت اساعده لان من يوم الي حبيتج لليوم واني اعرف كلشي عنج وعن اهلج
واعرف ها السالفه متطلع من اخوج .. قاطعتني
غلا .. لا تتوقع اصدك بيك انت هددتني قبل وكلت اخذج من بين اخوتج
وهسه انت صدك سويته ارتاحيت ؟؟؟
طلكني هسه
أنت تقرأ
عاشكته
ChickLitقصه باللهجه العراقيه الجنوبيه 🖤 🔞🔞جريئئه 🔞🔞 🔞🔞 غزل وعقاب جريئ 🔞🔞 🔞🔞 لمسات حب وغضب 🔞🔞 احداثهه تدور حول بنت تعجب ملازم اول ⭐⭐ يسوي المستحيل لخاطرهه والمفاجئه ............😱😱 .. ماريد اطول عليكم و احرك الاحداث تابعو وياي
