عاشكته

البارت 12 ( قسمه محب )

احبج واليحب بلوة 
وين الله وقسمتي تروح يم عيونج الحلوة 
واسولفلج عليج اهواي 
واتبلل يواهس ماي 
عينج يمي لاتغفة 
اريدن كون وجهج يترس الغرفة 
واشتم بيج حنية 
احبج حيل يبنية 
جهالي بحضنج ينامون 
هنياااااالي 
اضل جم دوب اسولفلج على العرسان 
من زفوهم كبالي 
ويمر مني عرس واذكرج 
وانسه اتنفس واشتاكلج يمج 
يبت گلبي ياوجه الماي 
انه ميت عليج اهواي 
غورت الكمر بخدودج السمره 
احب عيونج #الشكره 
اباوع واصفن بكل قوتي بعيونج 
واكولن ماخذت حكي 
انتي اول بشر #صدكي 
وين الله او علية اهلج #يحنون 
واجي يم بابكم عريس #ممنون 
اشوفنج #عروسة واجي وانطيج #بوسة 
واموت ابابكم بس كون #يرضون 
وازفج ع الشمس ماترهم #الكاع 
سوالفنه برد نستبرد #بساع 
لتخافين #ادفيج 
وبين ضلوعي #اخليج 
وطش روحي هلاهل مادري شون 
وغنيلج غنة يونس العصافير 
البلابل تستحي وكبالنة تحير 
غنه مايوم مطروق 
يل حبيتج بذوق 
صدك تكبر فرحتي 
واخليج بغرفتي 
يرب ماتفرج عليه 
حته الاحبه اصير اليه 
وليل يخلص من وكت 
وبسرعه يطلع صبحه 
والكاها يمي امدده و استشهد من الفرحه

غلا ... يحجون واني احس روحي طلعت عفت الغده وركضت لغرفتي وقفلت الباب عليه .

💬 غلاتي

💬 مشتاق وفي قلبي لوعه وداعت عيونج

غلا ... باع هذا اني وين وانت وين

خل ادزله ..

احمد تره اني انخطبت .........

💬  اَهـˆ⌣ˆــا منو سعيد الحظ ؟؟

غلا .. صديق اخوتي ( عزااااا صدمني رده شعجب لا حجه لا عيط لا صخم .. احجي بكلبي )

💬 اي مبيه شي اذا خوش ولد ليش لا .

غلا .. اني ما احب احمد بس طريقته كلش نرفزتني وحسستني لازكه بي رغم هو العكس هو الي لازك بيه

اي ان شاء الله خير .. يله راح انام تصبح ع خير

💬 ان شاء الله .. اوك غزالتي وانتي بخير 

غلا .... خرب عشيرتك باع هذا شون يرد ببرود وانوب غزالتي .. وجعععع شكد سخيف

نمت والصبح جانت عطله مكعدت مالي خلكهم ..

عدت ايام الاسبوع واهلي خلص انطو للولد موافقه مبدئيه وكالو اله تعال شوف البنت وتشوفك بس استغربو انو الولد رفض كلهم اني شاريكم وما ادور شكول .. اتفقو المشيه تصير يوم الجمعه لان عطله
وهو هم مبلغ اهله وعمامه كال ل اخوتي الجمعه اجيب وياي سيد حتى نمهر مهر سيد والبسهه ذهب لان محضر كلشي ..

الايام تمشي بسرعه واني بغير عالم احس ح تصير مصيبه اباوع ع امي وخواتي يحضرن ب البيت وترتيبات وخبصه

صفنت شنو اتزوج واني حتى مشايفته

صاحني ابوي .. باوعي بنتي الرجال ما يتعيب وهو بعده شاب وكبر بعيني من رفض يشوفج كال ل اخوتج اني شاريكم