فعلا صارت الحنه وبصراحه اهله كلش ماقصرو
حفله مرتبه وكلهاا فرحانه ما عدا خالته وبنته شو مدري شون نضراتهن اني مهتميت هو اني بحالهن افكر بالضيم الي منتضرني باجر تعبت كلش ونمت عبالك ميته .. ها الحجي كله واحمد لا اتصل لا شفته بكلبي كلت اوي خفتا وراحه
( صباح يوم الخميس .. يوم العرس )
كعدنا الصبح ع صوت الهلاهل والهوسه وناس فايته ناس طالعه طبعا مو يمنه بس الصوت قريب تريكنا
دخلني للحمام سبحني سبحه العرس واني خجلانه بس مقبلن ع ابو عروس ابو فهد انريدها ما تتعب وجابن البدله جانت فخمه كلشش ونازكه بنفس الوقت والطرحه مالته ( الاكليل ) طويل كلش وداير مدايره تول وبي فصوص تلمع فضيه والماسكه ورد جوري طبيعي ومخلي وياها اغصان ورد ابيض معرفت اسمه بقيت صافنه ابد متوقعت هيج تحضيرات ع بالي العماره ماعدهم هيج وانصدمت البدله والماسكه ذوق احمد اخته ترتب بيهن وتكلي ابو فهد ما خلانه نختار كال اني اختار ل امريتي وتبتسم وتغمزلي
بقيت احجي بداخلي هو ليش هيج وياي معقوله يحبني لها الدرجه ياربي سهله عليه وخليني اتقبله ولتخليني اجيب الفشله ل اهلي
احمد .. وصلت للعماره وهيه يمي بالصدر كاعده ما اكدر اوصف شعوري والاحساس الي جنت بي طاير بين السما والكاع
صح احس بيهه ممتقبلتني واهله جبروهه بس قابل مدام يمي ووياي اقبل حتى لو اغصبه
يمكن تنتقدوني وتكولون الحب مو هيج
بس والله ماكدر اختنك بدونه احس روحي مفرفحه مثل الطير المذبوح
وديتهم لبيت اختي هيام حتى ترتاح لان اريد اسوي زفه وادخله لبيت اهلي
حضرت كلشي الها بدلات الحنه والعرس والاكيل حتى المسكه خليتهه ورد طبيعي
مردت اخلي شي بنفسهه هيه متطلب بس اني اريد اسوي الها كلشي حتى قبل لا تطلبه
طبعا بيت اهلي بستان كلشش جبير الفين متر والبيت بنصه بيتنا جان بيت تقليدي بس قبل سنتين دكيته للكاع وبنيت كله حديث بحيث مخليت بي نقص ذره
سويت البيت ٣ طوابق وكل طابق شقتين الطابق الثاني ل اخوتي سلمان وسلطان الحمد لله متزوجين وعدهم جهال ماخذين بنات عمي سلمان عنده ولد اثنين سيف وحسام وبنت جنات وسلطان عنده توم بنت وولد جود و ود الطابق الارضي غرفه للوالد والوالده وغرفتين للبنات من يجن الديوان معزول لحاله برا البيت والهول كلش كبرته اني اختاريت الطابق الثالث شقتي غرفتين وحمام وكليدور زغير
اختاريت غرفه اخشاب مصريه من هاي الفخمات وجبت ثلاجه ونص طخم قنفات واثثت الغرفه من كلشي جانت ناقصه بس غلا تنورهه
عزمت العماره كلها ع عرسي اولا اني ابن شيخ وعشيرتنه كلش جبيره ثانيا ملازم اول وعندي معارف واصدقاء بكل مكان
لحد ساعه ٣ الضهر مخليت التلفون يسكت كل شويه اخابر ع وحده من خواتي واسئلهن شصار كملت العروس لو بعد من وصلت غلا واهلها لبيت اختي منعت نفسي اخابرها لو احجي اريدهه ترتاح وهم بلكت تشتاقلي
طلعت السيارات من بيتنه لبيت اختي والهوسات والرمي واحد من جماعتي جايب فرقه
وصلنا لبيت اختي دخلت عليه
واني بكل خطوه كلبي يركض ركض شفتهه منزله راسهه ومخليه بين اديهه قرأن زغير وباقه الورد
شطالعه حوريه ونازله تخبل والبدله مفصله عليهه والصدر يذبح ذبح
وصلت يم̲ـَھھٰٰٖہ ودنكت عليها بستهه من راسهه واني كلشي بيه خدر حتى عيوني
هيه ترجف اباوع عليهه حتى شفتهه ترجف
صحت ع البنات يله لبسوها نروح لان بعد ما اتحمل اباوع عليهه والدنيا مخبوصه واني احس بس اني وهيه اريدهه تباوعلي ماكو اريد اخدر بعيونه بس مانعه نفسه عني
غلا .. كملت مكياج والبدله والناس بلشت تجي قرايب وجوارين ومعارف الدنيا مخبوصه
اخذوني البنات لل الاستقبال كعدت مسوين كوشه مرتبه كلش
واسمع الهلاهل طرشتني والتبسبس بين النساوين ياا فدوه تخبل ياا بصراويه حاره اليوم احميد يلعب جوله
اني خجلانه ع خايفه ع متوتره من حجي خوااتي فهمني شنو لازم اسوي من يدخل عليه احمد سلمي نفسج ولا تعاندين رخي نفسج اله حتى لا يعورج هنه كالن هيج واني ضل وجهي ينطي الوان اوف يا ربي شها البلوه انوب ما اطيقه والله مـَـــ̯ﮧـاااٰحبه
شويه واجت الزفه ودخل هو ولا رفعت عيني بعينه باسني من كصتي حتى ماكو دقايق صاح يله بويه لبسوهه خل نروح
بكلبي احجي وجععع شكو مستعجل تريد تكسر خشمي
................
يتبع ______
أنت تقرأ
عاشكته
ChickLitقصه باللهجه العراقيه الجنوبيه 🖤 🔞🔞جريئئه 🔞🔞 🔞🔞 غزل وعقاب جريئ 🔞🔞 🔞🔞 لمسات حب وغضب 🔞🔞 احداثهه تدور حول بنت تعجب ملازم اول ⭐⭐ يسوي المستحيل لخاطرهه والمفاجئه ............😱😱 .. ماريد اطول عليكم و احرك الاحداث تابعو وياي
