قدري بلا لون (مكتملة)

الجزء 4

كان صوتها حنين وحتى عينيها والشوفة اللي كتشوف فيه حنينة السيد ولا كيكب اتاي بال عقل وكلشي كيضحك عليه ... لمهم دوزو النهار مجموعين والعيالات عاونو نعمة فالرواين والواليدة ديال منعم بقات كتوصي فنعمة وتعاود ديري وفعلي وتركي ونعمة مسكينة كتكول اه واخا ميكون غي خاطرك ا خالتي ومع راسها كتكول كن عرفتي ولدك شنو دار ليا نهار عرسنا كون هبطتي عليه بداك الشربيل اللي فرجليك هههههههه .... -نعمة: انا خديت البيت لاخور فاش غنعس تصبح على خير... -منعم : الدار دارك ديري اللي عجبك فيها ونعسي فين ما بغيتي ا نعمة لمهم دابا تصبحي على خير مورا هاد النهار بقاو ايام الله كيدوزو والعلاقة بين منعم ونعمة هي هي نفس البرود ملي يكونو مع بعضهم وملي تكون العائلة تحلف عليهم بلي كيموتو على بعضياتهم ... فديك شهرين الاولا حاولت نعمة تدير اللي فجهدها تغير منعم ويولي يبغيها كانت مسكينة كل ليلتة توجد العشا والشلايض وتسناه يجي باش يتعشاو مجموعين وكل ليلة كانت كتبات بلا عشا حيت ديما سي منعم معشي مع لالاهم الهام الله يوكلو فيه جغديد ههههههه وملي كيرجع كيلقى نعمة ناعسة فوق الطبلة هي والعشا كيتسناوه .. كيضحك ويدخل ينعس ديما هكداك تادازت شهرين ونص منعم ولف يلقاها كتسناه واخا ناعسة لمهم كتسناه ومطيبة دوك الشهيوات على ودو ولى كيزرب يرجع للدار باش يشوفها وهي ناعسة ويبقى يتامل فيها بكل حرية وبلا متحصلو ... شهرين ونص على هاد الحالة تال واحد النهار دخل منعم ملقا لا العشا ولا نعمة والدار مظلمة .... -منعم : نعمة واااا ونعمة (واه فين مشات هادي) وااا نعمة واش نبقى بلا عشى ولا شنو دابا ... وااااااا نعمة (نمشي نقلب عليها الجوع ومايدير اما كاع مانديها فيها لا هي ولا عشاها).. قلب منعم الدار كاملة بقى ليه غير بيتها مشى حلو بشوية ولقاها دايرا ديك النعسة العجيبة ديالها ... فلتي منها اما اليوم ندوش ليك الالا نعمة انا تخليني بلا عشى واخا غدا ونتحاسبو ... مع 7 الصباح نعمة خارجة كتكسل وبشوية عليها مع الحلة دالباب كتلقى راسها فااااازكة بالما وشي بنادم مكرشخ بالضحك ... -منعم : ههههههههههههههههههههه دجاجة الما ههههههه مرة اخرى تعلمي تخليني بلا عشى هههههههههههه الصراحة جا معاك نيو لوك هههههههههههههه .... منعم ميت بالضحك ونعمة كتخنزر فيه تسناتو تا كمل ومعرفتش منين جاتها الجراة تاجمعات معاه بتصرفيقة ... -نعمة: هاد الضحك الباسل ديالك متبقاش ديرو معايا ديه لالالك الهام وانا ماشي خدامة عندك باش نطيب لك ونقابلك غير نتا انا هنا تنشوفو كيف نفكو هاد الحريرة كيما كلتي .... منعم اللي معمرشي ولد مرا ضربو ضرباتو مراتو بقى كيضربها تاخوى غدايدو كاملين سبها وعايرها ما خلا فيها غير اللي نسى ضرب بالباب وخرج اما نعمة بقات كتبكي دوك الدموع اللي حلفات متبقى تنزلهم هاهي اليوم حطات دموعها كاملين ... صبرات راسها ودخلات دوشات وكمدات دوك الضربات اللي دارو بلاصتهم فلحمها منعم: انا برهوشة ديال 22 عام ضربني لااا مزيان تبرك الله داكشي اللي بقى... كان صايك بسرعة كبييرة عصباتو وفقصاتو ولكن واخا هكداك بقات فيه حيت معمرو ضرب شي بنت ... كان مازال كيدي ويجيب فالهدرة مع راسو تاصونا ليه البورطابل ... -الهام: الو فينك واش ماجايش ؟؟؟ -منعم: لا ماجايش اعمري... -الهام: اوك اوك لمهم ا حبيبة الى ماجيتيش صيفت ليا الفلوس الي كلت ليك راه ضروري خصني نتقدى شي حاجة تبيني كلاس فالحفلة دالافتتاح اوك بي بي متنساش باي .... قطعات وخلاتو كيشوف مخلاتو حتى يكمل ليها ويشكي عليها .اللي كيهمها هو فلوسو وشحال كيربح اما هو يمرض ينعس يموت يتفركع كاع ماسوقهاش.... داكشي اللي كان خصني كملتيه ليا ا الهام اللي كيهمك فلوسي اما انا غير دمدومة طيحتيه وانا اللي كنت انخسر واليديا على ودك ..... فالدار كان جو اخر واخا كلات قتلة ديال العصى الحمار دالطاحونة مكيكلهاش ولكن عدراتو -نعمة: اويييلي انا شنو درت هو جا يضحك معايا وانا هجرتو ليه ... ولكن تاهو زاد فييه واه سطل دلما على الصباح ...ولكن تانا زدت فيه هو قدو قداش وصرفقتو .. اااايييييي سييييير ا منعم الله يعطيك دقة اييييييي كتافي وضلوعي كلي وليت ملونة ... سيير ا منعم بغيت دوك اليدين يتهرسو متلقى باش تاكل داير ليا هاد الحالة على العشى يخخخخخ علا بش... ماجات فين تكملها تلقاتو واقف كيشوف فيها وكيخنزر وجاي لجيهتها .. بالخلعة والخوف والتلفة مشات كتعرج ودخلات لبيتو وسدات يالله كالت اووف دخل وسد الباب بالساروت نعمة : ناااااري ليوما نموت ليوما يكمل ليا داكشي للي خصني ... -نعمة: منعم خليني نخرج والله منكولها لحد غير خليتي نخرج هاااااالعار .. -منعم : سكتينا ... مشا لبلاكار وجبد صنديقة صغيورة بيضا وبدا كيداوي ليها الجروح والكدمات وهي كتقفقف بالخلعة كيحساب ليها غادي يداويها ويضربها تاني هههههههه.............