قدري بلا لون (مكتملة)

الجزء 5

بقى كيداوي فيها تنعسات سرحها فوق الناموسية وغطاها وخرج ... منعم: غدا ملي تفيق خصني نهدر معاها هادي ماشي عيشة اللي عيشينها ... غدا نشاءالله يصبح ويفتح ... فاقت نعمة مخلوعة ناضت بالزربة واخا عضيماتها مزال مقصحين مي الخلعة كدير العجب فبنادم ههههههههههه .... -منعم: نتيا واااااديك البنت ... - نعمة: انا؟؟؟ -منعم: لا انا ... شكون من غيرك نتي ... اجي لهنا ... -نعمة : واا خخا هانا جاية ... -منعم: سمعيني ومتقطعينيش اولا سمحي ليا بزاااف على الحالة اللي درت ليك ولكن راك عصبتيني معقلت حتى بديت كنضربك لمهم سمحي ليا بزاف وهادي اخر مرة نحط يدي عليك ...الحاجة التانية ا نعمة هي هاد العيشة اللي عايشين ماشي هي هاديك حنا واخا مزوجين على لوراق ولكن تقد علاقتنا احسن من هكدا ... -نعمة: كي كيييفاش ؟؟؟ -منعم:نكونو اصدقاء هكدا على الاقل تكون علاقة زوينة ومحترمة حسن منكونو نكرهو بعضنا وطبعا كل واحد يعيش حياتو كيف بغى لمهم الصداع والمشاكيل ميكونوش بيناتنا .... -نعمة: زعما نكونو اونكوبل تكون صااح.. -منعم: هههههه لا لا غير اصدقاء عادي اوك الالا نعمة ... -نعمة : ههههه اوووف الحمد الله اه هكدا مزيان كنت كنكول اويلي اش كيخربق هاد المكلخ انا وراجلي نتص...هههههههه ... -منعم: واخا اكبيرت المكلخين ههههه يالله نخليك دابا مي فريند هههههه من بعد هاد الاتفاق ولات حياتهوم مزيانا واخا مكيتلاقوش بزاف بحكم الخدمة ديال منعم والقرايا ديال نعمة كانت وجبة العشى علاش كيتجمعو وكيبقاو يهدرو ويجمعو نعمة ديما كانت كتهدر ومنعم كيتصنت كتعجبو هدرتها وحراكتها الطفولية فاش كتعبر وكتشرح ليه ...وجبة العشة بالنسبة ليه كانت هي المتنفس الوحيد ليه من الهام اللي ولات لاصقاه وخنقاه من بعد ماكان كيبغيها وحتى نعمة كانت كتسنى امتى تكمل السطاج وترجع توجد العشى وتوجد شنو الموضوع اللي غيهدرو فيه وخا ملي كتفكر الهام وانها واحد النهار ختاخد بلاصتها كتخنق ولكن كتكول لملهم انا معاه دبا اصلا هادشي غير اعجاب ا ولف <واراه الموصيبة الولف كتر من الحب ههههههه>.... دازو ليام ونعمة كملات السطاج وتقبلات فالخدمة حيت كانت معقولة وخدمتها متقونة وبحال هادو دغيا كيطيرو بيهم .. بدات الخدمة ومكالت والو لمنعم اصلا هوما تافقو كل واحد يعيش حياتو يعني ماشي ضروري تكول ليه واش خدمات او كالسة فالدار...لمهم نعمة بدات الخدمة وماجات فين تكمل شهر حتى دارت بلاصتها فالشركة ولات محبوبة تماك حيت هي الصغيرة فالموضفين كلهم وحيت كتسمع لهدرة وعقلها خفيف ودكية زائد الجمال ديالها اللي دار ليها بزاف ديال المعجبين اللي كامنوش عارفين واش هي مزوجة........