السيمانا دازت كالبرد وجا النهار اللي غيجي فيه الوفد .... الشركة كانت مقلوبة والداخل كتر من الخارج والراس الكبيرة سي منصف مقابل الخدمة بغى كولشي يكون مصاوب خاصة ان الشركة المنافسة غتكون حاضرة فشخص مديرها اللي ديما داخل فصراع مع منصف ومنافس معاه فالسوق .... نعمة كانت مكلفة بالحفلة اللي غتكون من بعد توقيع اتفاقية بين الشركتين كانت مشغولة هي وامين ولمياء بالتنسيق مع منظمي الحفل والتريتور ومع باقي الموظفين باش الخطة اللي كانو دايرين تمشي مزيان ,,,,, وصلات الوقت وجا الوفد اللي كان عبارة عن مجموعة رجال اعمال بالضافة لرئيس الشركة المنافسة .... -منصف : مرحبا بيكم تفضلو اهلا وسهلا برجال الاعمال فرصة سعيدة ليا ولناس اللي معايا .... -رجال الاعمال: مرحبا بسي منصف تبارك الله عليك -منصف : الله يبارك فيكم ولكن كيبان ليا ناقصكم شي واحد ولا خاف يجي ههههههه ..... -الشخص المجهول : هانا جيت ا سي منصف ماشي انا للي نخاف ومتنساش باللي الاتفاقية انا مولاها .... - منصف: وي عندك الحق تفضلو دخلو مرحبا بيكم وبمول الاتفاقية ههههههه .... رجال الاعمال عجبهم التنظيم والديكورات وحتى الموظفين والكفاءة ديالهم والروح باش كيخدمو - رجال الاعمال + الشخص المجهول : تبارك الله هادشي غزال ومنظم بلا شك شي منظم المؤتمرات هادا.... -منصف: لا هادا فريق العلاقات العامة هدية من السما تبارك الله عليهم وخاصة المديرة ديالهم من بعد توقيع الاتفاقية غنعرفكوم بيهم . منصف وضيوفو دارو جولة فالشركة اللي خلاتهم منباهرين بالتنظيم والدقة والكفاءة اللي موجودة عند منصف والناس للي معاه ... وقعو الاتفاقية وجا الوقت فاش يتعرفو الموظفين على الوفد ديال الرئيس ديالهم ... رجال الاعمال بداو كيتعرفو على الموظفين بحسب القطاع اللي هوما فيه واخيييرا وصلو لناس دالعلاقات العامة ... -منصف: هاني كيما وعدتكم هاهي لالا نعمة والفريق ديالها المسؤلين على هاد التنظيم الرائع .... -رجال الاعمال : تبارك الله عليك انسة نعمة هادشي غزال نتي والفريق ديال حمرتو الوجه هكدا نقدرو نقولو باللي اختيارنا كان موفق ... -الشخص المجهول: مدام نعمة تبارك الله عليك ... وتحنى لعندها وكال ليها من بين سنانو تالدار ونتفاهمو ا انسة نعمة...... نعمة مكانت كتسمع تا كلمة نظرات الشخص المجهول او منعم ليها خلاتها تجمد فبلاصتها وبزاف ملي كال تالدار ونتفاهمو .. الحفلة دازت غزالة واخا الصدمة جمدات نعمة فالاول ولكن قدرات تكمل خدمتها ... كانت كتهدر مع الموظفين وتحرك هنا ولهيه ومنعم متبعها وحتى هو كان مصدوم مراتو خدامة عند المنافس ديالو واااااخا الالا نعمة الدار ونتفاهمو..........
أنت تقرأ
قدري بلا لون (مكتملة)
Romantizm⬅ قصة كوميدية رومانسية :) #قصة بعنوان :#قدري بلا لون❤ 👱☆☆☆ 💎💎💎💎💎 😉 #قراءة_ممتعة واش بصح كيجي لحب بعد زواج ولا هذا مجرد كلام ومستحيل يوقع نخليكم مع لقصة لأبطال ديالها منعم ونعمة لي غيدوزوا ظروف صعيبة كوميدية ومنساش رومانسية ❤
