قدري بلا لون (مكتملة)

الجزء 14

الغد ليه فاقو ونعمة ماقدراش تشوف فيه حشماات منو ومن الهدرة اللي كال وبزاف ملي شافت دوك لي شوميز دو نوي كولهم معيقييييييين وتاوحد فيهم مامستور مقدرات حتى تخيل راسها لابسهم تلبسهم وقداااام منعم مستحيييييييييييلل ... كانت مزال شادا فداك الشوميز ملي دخل منعم ولقاها ساهية ... -منعم: اممممم كلت ليك الحمر كيجي غزااااالل وبزاف معاك نتي لبسيه اليوم باش نكول رايي النهائي ومتنسايش طلقي شعرك اوك حبيبة .... الوان الطيف دازو فوجه نعمة تبقى الون الحمر فحنيكتها مقدت تهدر خرجات بالزربة قبل ليكول شي كلمة اخري وتسخف ليه تماك هههههههه مسكينة القلب عندها هشييييش هههههههههههه ... ديك السيمانة دازت دغيا فدار نعمة ولات كتحس بمنعم طرف منها كضحك الى ضحك وتغوبش الى غوبش ولات كتحس بيه شي حاااااجة فحياتها واكتر حاجة مكتحملهاش ملي يكونو خارجين ويبداو البنات يشوفو فيه كانت لا شعوريا كتشد ليه فدراعو وتحاول تخليه يهدر وينسى كلشي وهو كان عاايق بيها وفرحاان ملي كتغير عليه وكتقبط ليه فدراعو بحال الى كتكول ليه نتا ديالي بوووحدي ... نهار الاخير فدار نعمة كلسو مجموعين دارو كسكروط وتوادعو مع الحاج والحاجة ... -الحاج : بسلامة اولدي تهلاو فبعضكم ورد ليها البال راها هي عويناتي ... -منعم: كون هاني الحاج راها مراتي والحبيبة ديالي .. نعمة مورا كلمة الحبيبة مشات كتجري ركبات فالطوموبيل اما الحاج والحاجة ومنعم بقاو كيضحكو عليها ... -منعم: بسلامة وكيما تافقنا الحاج في امان الله .. -الحاج والحاجة : كون هاني اولدي كييما تافقنا ... وسلم على الوالد والوالدة الله يوصلكم على خير ....شدو الطريق هاد لمرة لدار منعم تماك غيبقاو سيمانة اخرى مع عائلة منعم وخوتو .... -نعمة: شنو كلتي لبابا علاش تافقتي معاه ؟؟؟؟؟ -منعم: ونتي مالك سوقك هادك سوق الرجال لعيالات معندهوم ميديرو بيه .... -نعمة: اه سوقي وبغيت نعرف يالاه طلقنا خلاص وكول .... -منعم : انا صايق دبا سكتي تنوصلو .... -نعمة : لااااا دبا تكول دابا بغيت نعر.... قبل متكل كلامها منعم وقف الطوموبيل ودار لعندها ... منعم: اااااخر مرة تغوتي عليا وانا صايك واللي بيني وبين الواليد ديالك مااشي سوقك دابا كلسي وسكتينا تنوصلو .... مبقات زادت هدرة الطريق كلها وهو ساكت وهي مكتشوفش فيه ومدوره وجهها .. كانت عارفة راسها غلطات ولكن العناد ديالها وديالو ديما كيرجعهم اللور .... -منعم ونعمة فنفس الوقت : سمح لي .. سمحي لي ... هههههههه انا للولا سمح لي مقصدت نغوت عليك وحتى انا سمحي لي مقصدت نقلقك اقيمرونتي ..... انا ماشي قيمرونة انا نعمة ا بوراس ,,, هههههه لا نتي قيمرونة اللي غتلبس الحمر قريييبا ههههههههههههههههه يالاه دابا سكتي هههههههه .... وصلو معطلين نعمة كانت ناعسة دخل للدار هازها بين يديه حطها فبيتو ورجع يجيب الحوايج ... دخل لقاها مكمشة كيديما غطاها وخرج لعند واليديه اللي بقاو يتسناو فيهم واخا وصلو معطلين ... هدرو شوية وجمعو ودخل لبيتو غطاها ونعس فوق الناموسية هاد المرة بلا ورق حجر مقص........