قدري بلا لون (مكتملة)

الجزء 6

لخدمة كانت كتبدا من 9 وكتسالي مع 4 وطبعا كاينا استراحة المحارب ههههههه يعني ساعة ديال الغدا ... -نعمة:ياللهو نتغداو انا ميتة بالجوع امين لمياء وااايالللههه غنلقاو البلاصة مشات ... -لمياء: ختي نعمة بغيت نعرف الماكلة اللي كتاكلي فين كتمشي كضللي تاكلي ومكيبنش فيك واقيلا السينتة هههههههههه - نعمة: لا القنبة هادي ماشي السينتة ههههه اختي هادا سر معرفو حد هههههه ويالله طلقي من داك المشقوف خلاص امين تكعد تنتا ... -امين : واخا ا السينتة هههههه بغيت نكول الشاف هههههههه خرجو السنافر الثلاثة يتغداو مجموعين وهادي هي عادتهم من نهار ولاو كروب واحد فالشركة حيت بثلاثة كيخدمو داكشي ديال العلاقات العامة وديما محمرين وجه الراس الكبيرة اللي معمرهم شافوه ....دخل امين تبعاتو نعمة وكلسو فالطبلة ديالهم ولمياء مشات توصي عل الغدا ديالهم طاجين المعزي بالبصل والزبيب كلسو وضحكو وهدرو ونعمة باركة على الضحك والتقشاب مع امين ولمياء ومرداتش البال لمنعم اللي كان معروض مع الناس دالخدمة ... سمع الضحكة ديالها ودار وشافها اما هيا كااع مكيناش فيه عايشا فالعالم ديال السنافر مع الفريق ديالها...كملو الغدا وخلصو وخرجو ورجعو ام منعم بقا كيسول فراسو شنو كدير وشكون هاداك للي معاها وعلاش لابسا دوك الحوايج دالخدمة ...اووووف وانا مالي حنا غير فريندز حياتها هاديك دير اللي عجبها ... واخا هكاك ماهنناه راسو دوز داك الاجتماع غير بزز بغى يرجع للدار ويسولها فين كانت ومع من وعلاش وكيفاش ... الحاصول تحقيق كيتسنا نعمة وصافي ملي ترجع تعطل بزاااف معرفت مالو هادي اول مرة يديرها ... نعيط ليه و اللي ليها ليها .. -نعمة: ااالو منعم ؟؟فينك واش ماجايش ؟؟ ... -منعم: لا ماجايش ومتسناينيش ... -نعمة:بلاش كاع لا تجي وقبل ماتقطع سمعات واحد الضحكة فشكلللللل ... -نعمة: ياااك اسي منعم انا كالسا كنتسناك ونتا مقصر مع ديك خيتي واااخا سري انا للي مشطونة عليك ... نعسات واخا قلبها ماخلاها بقات كتسنا فيه تا12 ونعسات مع العيا دالخدمة ...ملي حلات عينيها لقات راسها فبيتها ومغطية وكاس دلويزة حدا راسها ... -منعم:صباح الخير ... -نعمة وهي مكشة فالمانطة : ص صصباح الخير ... -منعم: متخافيش مداير ليك وال اصلا مكيعجبونيش البنات بحالك والشعر الطويل مكياترش فيا جيت نسولك فين كنتي البارح؟؟؟ ... نعمة فخاطرها : كاع لانعجبك باراكا عليك ديك المنتوفة ديالك لايقين لبعضكم -منعم: فين كنت البارح -نعمة :.. مكنت فين البارح ..اه لا كنت خارجة ... -منعم: وفين ؟؟؟ ... -نعمة: ياك كلتي كل واحد يعيش حياتو وميدخل فلاخر انا كنعيش حياتي وماشي مضطرة نكول ليك شنو كندير او فين كنت اوك ا مي فريند .... -منعم:اوو اووك الالا تنتي تحل ليك اللسان ... خرج وضرب بالباب اما لالا نعمة بقات غير كضحك حيت عرفاتو يموت ويعرف فين كانت يعني كيهتم بيها ويقدر كاع يكون كيبغيها علاش لا ... ناضت من بلاصتها توضات وصلات وجمعات الدار وكلسات توجد الغدا حيت السبت والحد روبو اما منعم مشى الخدمة ديالو ومرجع تالوقيت العشى .. لقاها فالكوزينة وعاطياه بالظهر ولابسة بيجاما قصيرة وطالقا الشعر اللي مغطي ظهرها كامل ...بقى حال عينيه وكيشوف واش نيت نعمة اللي قدامو اولا بدلوها ليه كانت فنيونة وكل حاجة فيها مغرية عينيها وحنيكاتها وشعرها وعنقها وكولشي فيها حمقو وخاصة داك مولاي الشعر ...بقى كيشوف فيها وكيتخيلها وتاهيا كانت حاسة بيه واش كاين ودارت راسها ماحاسة بوالو <تكنيييييك اوا تعلمو ههههه> -نعمة: ياك كلتي البنات بحالي مكيعجبوك اوا جمع عينيك راك كليتيني ... -منعم: ااا نن ناااا لاا .. دبا ... غير هو انا ... حطي العشا خلاص راه ميت بالجوع .. ومشى هرب للصالون وخلاها ميتة بالضحك عليه...............