خواطر انثي من زمن الحلم

ازمة ونس

لما بتتحط قدام أزمة كنت بتحتاج فيها وجود مساعدة من أخ او صديق او حبيب و تحلها لوحدك بتفقد احتياجك لوجود الأشخاص دى و روابطك معاهم بتقل ، ومع الوقت بتفقدهم..
و بتلاقى نفسك واحده واحده داخل جوه دوامة الوحده و متأقلم فيها و بتفقد حاجتك ليهم و تكمل حياتك وحيد من غيرهم.. نفس الشئ للحب و الاهتمام اللي بتقدر تكمل حياتك بدونهم دلوقتي و معدش فيه اي سبب يخليك تحتاجهم او حتى تقدر تحسهم.
المشكلة الحقيقية لما الأزمات دي تكبر و تبقى أكثر تعقيداً و -للأسف- تنجح في حلها لوحدك.. ساعتها بتفقد معاني كتير في حياتك زي الصداقة و الأهل و الحب لأن معدش فيه أي حاجة تربطك بيهم.
محدش بيصحى الصبح و يقرر انه هيكون وحيد النهاردة، لكنه مر بسلسلة من الاحداث اللي كان فيها لوحده و فقد بسببها حاجته للأخرين.. فى الفتره دى بتكون فقدت شهيتك و حاجتك للأحرين نتيجة لما تعرضت له من خيبة أمل و صدمات و ظروف صعبه مريت بيها لواحدك ..

أحدهم كتب مرة: "لا جدوى من أشياء تأتي متأخّرة.. كقبلة اعتذار على جبين ميّت".
🖤👌