#حالة
هو انا ازاي بقيت هشة اوي كدة !؟... ما بقتش مستحملة اي وجع ...ألم فراق ...زعل من حد ..أي حد يتجرح او يتوجع ..أي حد يفقد أي حبيب ..مرض ..موت ...فراق ..ما بقتش قادرة أستحمل أشوف حد موجوع او تعبان ...قلبي بيتعصر ...الدموع زي ما تكون بتتلكك تنزل ...زي ما تكون أطفال حبساهم بالعافية ..ما تصدق تجري
وجع واحد قاتل يمر بالإنسان كفيل انه يفقده كل اسلحته على الصمود ... كل لحظة ألم بنمر بيها ...بتكسر حاجة جوانا ... لغاية ما بتوصل انك تبقى زي لوح الإزاز المشروخ ..المتفتت مليون حتة بس لسة واقف مكانه ...بتحاول بكل الطرق تحميه من الإنهيار ...علشان دي بتكون آخر شعراية بينك و بين تمسكك بالحياة .
💔
أنت تقرأ
خواطر انثي من زمن الحلم
Randomكلمات في مكنون روحي تعبر عن مشاعرنا جميعا لخظات الانكسار في الحب ولحظات الانتصار .. حياة مليئة بالمتاعب مما اوجع القلب واوهن الروح ملامح لشخصيتي التي تمتليء بالتناقض والتيه والهذيان
