انت قدري

الحلقه السادسه

#انت_قدري
#البارت_السادس
#الكاتبه /// Rehab ///

مساء الهيل ...

طلعت من غرفتها ترجف
وگفت بالباب خايفه كلش وتاكل بأضافيرها
صرت يمها وصفگتها براشدي
صفرت اذنها لزمت خدها تبجي وتناشغ
نصت راسها

_ قسمآ بذات الله اذا كلامج عن عباس يتكرر مره ثانيه وتحجين عليه بشي موزين وربي انسى الدلال واكسر راسج فاهمه

رفعت سبابه ايدي بتحذير
واحجي وياها بعصبيه
وصاير بركان من الغضب

كلشي ولاعباس
هذا عضيدي وضلعي
ياما وگف وياي وسندني
وماخلاني بعازه احد حتى ابوي
الي هو اقرب شخص اليه
ماوگف وياي مثل عباس
بمحنتي وايامي القاسيه
الي مرت عليه وشفتها بعيني

من كنت صغير واني اتجرع الالم والمر
وعباس كان بلسم لجروحي والامي
ع صوتنا وبجي ريحانه اجت خاله تركض

_ بسم الله شكو يمه شبيكم شصاير

التفتت عليه متفاجئه لان اول مرة امد ايدي ع ريحانه كلها تگلي هاي المدلله مالتك خط احمر محد يجيسها او يسمعها كلمه تبجيها

_ شبيك حيدر احجي خاله هاي اول مره اشوفك تمد ايدك ع ريحانه شكو شصاير فهمني

_ خااله حجت ع عباس گدامج وذاك سامع حجيها شلون تحجي عليه وهسه اجاني يگلي اذا تحتاج شي تعال لبيتنا او بالشارع ندرس الولد ماخذ ع خاطره وحقه اعتبرها طرده لان الخاتون حجيها يزرف بالگلب

_ حقك بكلشي تسوي وياها الظاهر الدلال خلاها تنغر وتحجي كلام اكبر منها وموگده

اندارت عليها نترت
_ وووولج صخام بعدج توج 10 سنين وهيج لسانج واطردين بالعالم لو كبرتي شتسوين شوفي ولج طول عمري اني صاحبه واجب وبيتنا مفتوح للكل وعباس واحد منه وبينه شايفه اخوج هذا حيدر اتربوا سويه مااتفرقوا ولا لحظه وكل واحد بيهم معتبر بيت الثاني هو بيته مو تجين انت بأخر وكت واطردين بعباس

بقت ساكته ماحجت شي بس تبجي ولازمه خدها الظاهر الراشدي جان حيل قوي واذاها
او يمكن لان مجانت متخيله
في يوم من الايام اكون قاسي وياها

انقهرت عليها كلش
واشوفها شلون خاله ترزل بيها
تركتها ورحت مااريدها
تتعلم ع طوله اللسان هسه
هي صغيره وعباس اتأثر بحجيها

اذا نسكتلها باجر عگبه كلشي تسوي
ويمكن گدامه ماتخجل وتحجيها
وهذا الاغم بسرعه يتحسس وياخذ ع خاطره

مدري شبي هو هم اثول
يعني هي طفله ليش اخلي كلامها يأثر عليك
اوووف بساعتها طار واهسي من الدراسه افتح الكتاب وارجع اسده كلش انغثيت وضايج

ضايج ع عباس وبنفس الوقت
لان ضربت ريحانتي
شويه وصعدت ويه خاله تسحلها
دخلت وگفت گدامي منصيه ومبرطمه
بدموع حجت