انت قدري

الحلقه الخامسه عشر

#انت_قدري
#البارت_15
#الكاتبه /// Rehab /// 

مساء الفرج ع وطني الحبيب 🕊
مساء الانتصار بأذن الله 🇮🇶 🕊

تُرافقني بِـ أُغنية
و بـِ حلمٍ جديد و بـِ قصيدة
و كأنكَ  ظلي بظلامٍ دامس . .

……………………

_ منووو ولج ؟

_ ماكو غيرها تريد تخرب بينكم

_ شو گولي بمنو تشكين حتى اقطع الشك باليقين

_ سهام !

سكتت وبس انفاسها المتضاربه اسمعها
انفاسها الي انملت بغضب وعصبيه
وكأنها تنفث نار هايجه

_ الوو وهج وين رحتي

_ ها وياج

_ شوفي اني متأكده هي وره كل هاي الشغلات والمحادثات تگدر بكل سهوله تسوي حساب جديد والصور هو ماشاء الله حسابه متروس صور اله بكل مناسبه وبكل مكان يروحله لازم يوثق حضوره بصور ينزلهن بحسابه

_ ضيعته من ايده شسوي رقيه كله من غبائي وعدم ثقتي بي

_ اهدي ومراح يصير شي لاتخافين مصطفى واعي وفاهم ويعرف هاي من غيرتج عليه هيج اتصرفتي ولو انت غلطانه ميه بالميه بس شنسوي لازم هيج احجي

_ ولج وعرسي شلون اهلي شجاوبهم وشگلهم والنبي يذبحوني اذا عرفوا متجاوزه عليه وشامره الحلقه بوجهه

_ اتصرفي ع طبيعتج ولاتحجيلهم شي بس حاولي تصلحين غلطج واتعذري منه وهاي لاتنطينها مجال تضحك عليج سويلها حظر وخلي تولي

_ اصلا حسابها اتهكر قبل لااحجي وياج دخلت عليها ردت اغلط عليها واشوف بلكت غلطانه لگيت مسجل مستخدم فيسبوك

_ اي طبعا تهكره مو هي حصلت ع مرادها وغايتها الباقي بس تسمع خبر فسخ خطوبتكم ومخططها يكون ناجح

_ اوووف مني شلون صدگت بيها

_ عادي حبي انت من غيرتج عليه عقلج شطح واتصرفتي بدون تفكير

_ تتوقعين يسامحني !

_ انت وشطارتج بعد تگدرين تمتصين غضبه وتراضي لو لا هاي يمج انت اعرف بطبعه من يقفل ويزعل
_ اروح اراضي بلكت يسامحني

_ وبدربج كثري من الغزل 😂 هسه يجيج طاير ويسامحج وهو مغمض

_ عابت ولي

غلقته وبقى بالي يمها
ياريت تصحح غلطها قبل لاتخسره وتتندم
يمكن عقلي يعذرها بس اني اعرف مصطفى شنو اخو خيته ويموت عليها ومستحيل يفكر يخونها
هو يعد الساعات حتى يتزوجون !

مو يخون ويعرف راح توصل المحادثات وممكن يخسرها للابد نهائيا
مااعرف مرات اگول حقها ..

اي وحده بمكانها جان سوت نفسها ومثل فعلتها
بس كان لازم تفكر عدل قبل كل تصرف
وتحسب حساب لكلشي
ليش هسه متحسره ومتحسفه ع الغلط والتجاوز تجاهه
دخت واني افكر بحالهم ..