#انت_قدري
#البارت_16
#الكاتبه /// Rehab ///
مساء الهيل 🕊
يتّمدد في أوردتي ،
من أين لك كل هذة الوفرة
وكل هذا الحضور ؟
...........................
_ يخطبونج !
فتحت عيوني ع وسعهن مصدومه ومتفاجأه
_ شنوووو
_ يااا شبيج انطرشتي ؟
_ ماما شنو يخطبوني ومنو گال اني موافقه
_ بسم الله هسه هنه توهن راحن من عنده شبسرعه رفضتي وگلتي لا
_ اي مااريد منو گال اريد اتزوج
_ هو انت عرفتي منو شبيج ملگوفه تاخذين الحجايه من طرفها
_ مايهمني اعرف منو رجعيلهم خبر رفضي مااريد
_ وولج شبيج اتخبلتي خليني احجي
نترت
_ ماااريد ماما الله يخليج ولاتفتحين السيره گدام عباس من هسه اگلج رافضه وياريت ترجعين خبر هسه افضل اليه گليلهم ماتريد تزوج
_ خابه ولي من گدامي لااگوملج انتف شعرج تنتف موعبالج كبرتي وصرتي تعلين صوتج وتنترين گدامج وفوگاها تتأمر ومعاجبها
_ اسفه ماما والله موقصدي ارفع صوتي بس اني مااريد اتزوج بعدني ادرس واني لو اعرف جيتهن وراها سالفه خطوبه وعرس جان دخلتلهن ورديتهن بساعتها
_ اي اي عفيه ببنيتي ووولج رقيه تردين تخزيني گدام العالم شتردين يگولون ماعرفت تربي وتطرد بالناس وهمه بضيافتهم مع الاسف والله گومي من گدامي لاابتلي بيج واعلمج ان الله حق
تأفأفت وگمت
دخلت للمطبخ اكمل الغده لان تركته ع النص
ودموعي تنزل غصب عني
روحي فرفحت ومتت
بداخلي نار هايجه وشياطين الدنيا كلها بعقلي
عيوني ورمت من گثر البجي
وفوگاها جنت اثرم بالبصل كملت السالفه
ضليت اناشغ وامسح بدموعي ويرجعن ينزلن بغزاره
گلبي مكبوت خايفه لا ماما تسويها عناد وانجبر
والله غير اموت كلشي ولااخذ واحد غريب
عسى ماابقى عانس طول عمري
مااخلي احد يلمس جسمي غيره
بس هو وينه عني !
شو اني باقيه بس احلم بي وبالحقيقه مو يمي
القهر زاد عليه اضعاف
واختنگت !
كملت شغلي ع عمه عيوني
اريد اروح اراضي ماما وهم اقنعها ترفضهم
مااريد تجبرني واتندم !
غسلت وجهي وطلعت
عيوني منتفخه من كثر البجي
والخشم احمر
جانت گاعده بالغرفه تسبح والسبحه السوده بيدها
ولافه العگال ع راسها شادته
اكيد يوجعها من وراي
دخلت وگعدت يمها افرك بيدي
دنگت ع راسها بسته
_ العفو ماما موقصدي ارفع صوتي والله
_ ماصار شي
_ شلون ماصار شوفي معناها بعدج زعلانه مني وماخذه ع خاطرج مبين من جوابج
أنت تقرأ
انت قدري
Любовные романыمابالُكَ أيها القلب مُضطَرِبٌ .. ما الذي فعلتهُ عيناهُا بك ؟ لم أربَكَتك هكذا ؟ أنها فقط نظرةٌ عسلية قلبتنا رأسًا على عقب ! تابعوني بأحداث قصتي الجديده
