انت قدري

الحلقه الحاديه عشر

#انت_قدري
#البارت_الحادي عشر
#الكاتبه /// Rehab ///

مساء الفل 🕊🎋

مرت يومين هي ماكو مابينت
وبقيت قلقان ع حالتها ومرضها
وبس منظرها من وگعت گدام عيني
لاگدرت اشيل من بالي وفكري منظرها وشكلها وهي تصارع الموت

ولا عندي قدره واروح اسأل عنها
وابرد نار گلبي المتوجره مثل ببركان هايج
ملامح وجها بعدها بذاكرتي

وضحكتها مثل الطيف يمر عليه بكل صفناتي
يومين احس اخذت كل طاقتي بيها
وبس صافن وافكر بيها
ومن افرش سجادتي بس ادعي ترجع بسلامه
بعدها بمقتبل عمرها
شابه بعمر الورد

والمرض ماخذ حيلها وعافيتها
يمكن احنه مانحس بنعمه العافيه والصحه
منا لمن نخسرها نضل نعض اصابعنا ندم
ع الايام الي جزعنا بيها

واحنه مامقدرين النعمه الي الله مكرمنا بيها
يوم الثالث واگف اني وفهد نسولف
واكفين باب القاعه ونضحك

_ اگول اليوم الدكاتره بس تعرف همام ماكو كلها تستبشر خير وتخلص من مقالبه وضحكه بنص القاعه

_ هههههه اي وربي انوب خطيه من خابرني الصبح ويبلغني بمرضه والفلاونزا مدمرته كلش يگلي هاي حوبة دكتور كمال لان البارحه حجيت عليه وهو فقير ومايزعل من اي احد الكل معتبرهم اصدقائه مو طلابه

_ هو ماعام عليه غير لسانه كل يوم القاعه يهرجها هرج بصوته وضحكه ومحد خلصان منه ماادري شعجب من يجي دكتور عمار لسانه ينبلع وماتعرفه هذا همام لو مبدلينه ع الهدوء العنده گدامه

_ اي يگول عنده حضور كلش قوي وهيبه تفرض ع الكل تحترمه وبلمح البصر يگدر يفرض سيطرته ويسكت كل واحد كدامه

_ صح والله والكل هيج كلها تخاف منه گد ماعصبي

بعدني مامكمل كلامي وقطع حديثنا ..
صوت كأني اعرفه هذا الصوت مو غريب عليه
انداريت وانصدمت بوجود رنا !

واگفه وراي وتبتسم
وغمازتها مبينه
اتسعت عيوني بفرح من شفتها گدامي

_ السلام عليكم

_ وعليكم السلام اهلا رنا الحمدلله ع السلامه

_ ربي يسلمك حيدر ، ممكن نحجي شويه

_ هاا اوك تمام

انداريت ع فهد الواگف يمي
_ شويه وارجعلك مااتأخر

_ اخذ راحتك حيدر اني ادخل بالقاعه يم الولد

_ شلونج ضل بالي عليج واستحيت اروح اسأل دكتور عمار عنج

_ لا الحمدلله بخير حالتي صارت احسن

_ ممكن سؤال اذا مايسبب احراج

_ لا عادي اتفضل

_ اه شنو مرضج اقصد ليش هيج صارت حالتج حتى مااعرف شلون اساعدج بقيت مشدوه واحس ايديه مربطه