#انت_قدري
#البارت_الخامس
#الكاتبه /// Rehab ///
مساء العنبر ...
حسيت رجليه خدرن وماگادر احركهن
رجع احساسي مثل قبل
شلون من اتمرضت
وبقيت فتره طويله نايم بالفراش مااگدر احرك رجليه
خوف
وقلق
وارتباك
وصدمه
خوفي ع خاله لايصير بيها شي
خلاني افكر اني اموت وراها هالمره لامحاله
بقيت صافن ع رجليه اريد احركهن ماكو
عجز موطبيعي صاب كل جسمي
انتبه عليه بابا اجاني يركض
خايف ويلهث ولسانه مابطل من الدعاء ابد
گعد يمي ولزمني يباوع بعيوني بخوف وقله حيله
نفس ذيج النظره من وگعت بيوم تركتني ماما
هسه رجعتله ودااشوفها بعيونه
لمني بحضنه وبجى
شالني اتعلگت برگبته ومحاوط ايديه ع رگبته
اشوف بس الخوف بعيونه
بقى واگف گدام صاله العمليات وحاير مايعرف شيسوي لايگدر يترك خاله
ولايگدر يتركني واني لازم طبيب
يفحصني ويتلاحگ قبل لايرجع الضمور
اقوه من قبل
حسيته قوته وحيله كلها خلصت وبادت
اشوف نظره الكسره بعيونه
وحايره وحده بالمستشفى
محد موجود يمه ويعينه ويطمن گلبه المخترع
همس قريب مني
_ ادعيلها بابا انت صغير وماعندك ذنوب والله سبحانه يقبل دعوتك ماكو حجاب بينك وبين السمه ادعي بابا لخاطر اخوتك مااريدهم يتربون يتامى
_ مااريدها تموت وتعوفني بابا
_ مااتموت مااتموت بس ادعيلها تگوم بالسلامه
معجزه ربي دخيلك اريد معجزه تگومها بخير روحي بعد ماتگدر تتحمل حزن اكثر ولا فقدان شخص عزيز عليه
بقينا ندعي ونتوسل وبعدني بحضن بابا
متمسك بي ولاهو يگدر يتركني
گعد بالگاع وخلاني بحضنه
شويه واجت خاله تركض
_ هاا ابو حيدر طمني علياء وينها
_ بصاله العمليات خويه يگولون عنق الرحم متمزق ويريد ينفجر وصاير عدها نزيف ومعجزه يلا تگوم بخير وتطلع سالمه
بجت خاله وضلت تدعي
وگالت خاله ولدت بنيه وولد
انتبهت عليه مااگدر امشي
لطمت ع صدرها حيل
وبخوف
_ يمه شبيك حدوري
_ خاله مااكدر احرك رجليه
_ دخيلك ربي رحمتك ولطفك بينا اختبارك صعب ربي كلهن اتكومن بنفس اليوم
گوم خويه ابو حيدر اخذ ابنك
وروح لاي دكتور يشوفه
لاانوب حالته تتأزم اكثر من قبل
اتلاحگ لابنك خويه وعلياء اني يمها
وصدك اخذني بابا شايلني وراح يدور ع دكتور
دخلت فحص والدكتور گال ضمور العضلات رجعلي بسبب هبطه او خوفه او شي مأثر عليه وراجعلي
بابا سولفله ع حاله خاله
أنت تقرأ
انت قدري
Romansaمابالُكَ أيها القلب مُضطَرِبٌ .. ما الذي فعلتهُ عيناهُا بك ؟ لم أربَكَتك هكذا ؟ أنها فقط نظرةٌ عسلية قلبتنا رأسًا على عقب ! تابعوني بأحداث قصتي الجديده
