#انت_قدري
#البارت_العاشر
#الكاتبه /// Rehab ///
مساء الورد 🕊
ولگيت بدمي شي منك
وقبل لا ادري البروحك
دريت بروحي احبنك 🕊🕊
_____________
رقيه
ركضت بسرعه قبل لاتگعد امي وتشوفني
وتسويلي سالفه وتگعد تحقق وياي ومااخلص
غسلت وجهي وخليت شال وطلعت
بره بالممر وامشي ع اطراف اصابعي
اريد الحگ عليه قبل لايروح
احس گلبي مشتاقله ولهفان عليه
صار يومين مشايفته
من اخر مرة اجانه يودع عباس لان راح لبغداد يداوم
همه قبلها سافروا وعمي وياهم
قدموا ع قسم داخلي والجامعه وزاروا ورجعوا
بنفس اليوم وصلوا المغرب
وراها بأسبوعين وعباس گال اروح بعد
هم اتعرف ع جماعتي وارتاح من تعب الطريق
والاحد اداوم اشوف شكو ماكو
الوضع شلونه وهم استقر بغرفتي
فتحت الباب ع كيف مااريد الفت انتباه احد
اريد بس اشوفه شطالع اليوم
شويه وفات من يمي
عيوني ضلت صافنه عليه وع شكله
وگلبي يدگ مثل الطبل
انتبه ع فتحه بابنا واندار عليه
بقى صافن بوجهي
خجلت ونصيت راسي
هسه شيگول عليج طاحظج رقيه مابيج خير
اجه يمي گاعد حاجبه ومستغرب وگفتي
فتحتله الباب دخل
_ ليش واگفه بالباب
اتلعثمت ومااعرف شجاوبه
كل الي جان ابالي اشوفه قبل لايروح لدوام
ومافكرت بغير شي
مااعرف عبالك گلبي مسيطر عليه وهو يقودني
وعقلي متبنج مكادر يفرض سيطرته ع مشاعري
صفن بوجهي مستغرب !
واني سرحت بملامح وجهه اتأملهن
بشرته حنطيه مائله للاسمرار
عيونه العسلي كأنهن في الحسن ايه 🕊
شاربه الي توه يخط
ضايف اله وسامه رجوليه
نزلت نظري لمنحره صفنت ع تفاحه ادم الي بارزه
وتتحرك بس يبلع ريگه
اتخيلت نفسي قريبه منه واشم منحره
واستنشق عطره الي اتوغل لاعماقي
بلعت ريگي بصعوبه
مجرد اتخيل اني قريبه منه واتلمس رگبته ووجهه
احس العرگ يبلل گصتي
وجسمي يرجف
فزيت من صفنتي وتخيلاتي الي خجلت منهن
_ رقيه شنو بيج شي
نصيت خجلانه منه هاي اول مره اركز بملامحه
وهو ينتبه ويلاحظني
بتلعثم جاوبته
_ هاا لا ماكو شي
_ خوش معناها ادخلي جوه واني رايح اداوم اليوم اول يوم اليه ادعيلي اتوفق
_ ربي يوفقك ويحرسك
تركني وطلع واني ادعيله واتحسر ع قربه
حيدر
وصلت للكليه بعد ماركبت سياره توصلني
وتارك وراي رقيه الي حيرتني بتصرفاتها وصفناتها
اول مره اشوفها هيج صافنه عليه
أنت تقرأ
انت قدري
Romanceمابالُكَ أيها القلب مُضطَرِبٌ .. ما الذي فعلتهُ عيناهُا بك ؟ لم أربَكَتك هكذا ؟ أنها فقط نظرةٌ عسلية قلبتنا رأسًا على عقب ! تابعوني بأحداث قصتي الجديده
