انت قدري

الحلقه واحد وعشرون

#انت_قدري
#البارت_21 والاخير
#الكاتبه /// Rehab ///

مساء الحب 🕊🎋

ﺳﺄﻟﺘﻬﺎ ﺃﻳﻦ ﺍﻟﻘﺒﻠﺔ ..؟
ﻓﻘﺒﻠﺘﻨﻲ ﻭﺍﻟﻌﻴﺎﺫ ﺑﺎﻟﻠﻪ ،
ﻭنيتي كاﻧﺖ ﺍﻟﺼﻼﺓ !!

.................................

_ مااريد حيدر يعرف ويلتقي بأمه واني متأكد لو مامصلحتها وخوفها من ابن رجلها جان ماطلبت مساعده وتردين الصراحه يمه اني مامصدگ بيها

_ وشنو مصلحتها تجذب والله اني مثل حالتك سالفتها ماتدخل بعقلي ولااگدر استوعبها

_ افكر اغير مكان شقتي وخلص اترك السالفه كلها مااگدر ارجع لحيدر تعبه ومرضه ولا حزنه والمه مااريد اكون السبب بأنتكاسته اني السبب جان المفروض مااحجي وياها ولا اخليها تعرفني ماعرفت اتصرف صح هالمره وغلطت غلطه عمري كله

_ وشلون يمه خاف يطلع حجيها صح

_ مايهمني جانت تگدر تسأل عن ابنها ذيج السنين اذا هي صدگ متندمه وتريد بتها ترجع يم ابوها واخوها من غير اذا حجيها يطلع صح خايف ع عمي شلون يتقبل الوضع ومستحيل اني ابلغهم برجعتها مااريد اكون سبب بتدهور حالتهم

_ زين يمه اتأكد اول مره وبعدين قرر الي تشوفه صح

_ شلون ترديني اتأكد الا اذا نسوي تحليل واكيد لازم يحتاجون عمي من غير سالفه زواجها اذا هي جانت حامل من اطلگت معناها الطلاگ باطل

_ ماادري يمه دخت

_ خلص ماطول هيج اذا ارجع مثل قبل مااعرف عنها شي واتصرف كأني ماالتقيت بيها ولا شفتها ولا سمعت منها حجايه نهائيا من باجر ارجع اسكن بالقسم الداخلي وابلغ جماعتي اذا سألت عني مره ثانيه ماينطونها خبر ولا اي معلومه تخصني وخلص انتهينا

سديت المكالمه من امي وگعدت دايخ وراسي يفتر واحس بعجز مااعرف وين الصح من الغلط
بلگوه غفيت من تعب التفكير
ثاني يوم من رحت للدوام رجعت للقسم سويت دخوليه واجراءات القسم دوخه بدوخه وتعب خلصت النهار كله افتر منا ومنا بين ماحصلت غرفه ويه الولد واخذت موافقه من رئيس القسم لان دخوليتي جانت متأخره

ثاني يوم لميت غراضي وكلشي يخصني
وبلغت الولد كلهم اي احد يجي يسأل عني
ماينطون عنواني ولا اي معلومه تخصني
بس وصيت نصير تضل عينه ع لمار واذا صار شي جديد عدهم بالبيت يبلغني ومااعرف ليش هيج اتصرفت وشنو معنى قلقي مااگدر افسره

بس شي بداخلي مايريد يتركها بدون مااحد يكون عينه عليها حتى لو ماجانت بت عمي سعد يكفي هي اخت حيدر حتى لو من امه بس
هذا كلشي يهمني واريد احققه
انتقلت وخلصت عبالك جان هم ع گلبي وانزاح عني وخلصت منه جنت عايش بكابوس خلال اسبوع
بس ابد ماارتاحيت كل ثانيه ويرجع كل كلامها يرن بأذني وينعاد للمره الالف