ظلام الصمت
بقلمي: زينب العنزي
البارت السابع عشر
ليث:وصلنا للبيت وضرغام محاوطني بأيديه
رجعت ذكرياتي بيه من موت ابوي لحد طلعتي منه
كلشي بالبيت مامتغير نفس وضعيته وبساطته
ضرغام:نورت بيتك ضلعي
ليث:ابتسمتله
فاطمة:اي ولله يابعد عمتك توه نور البيت
ضرغام:يلا اني اعوفكم واروح اقفل المحل لان ضل بدون قفل طلعت من البيت وعيوني اطلقن دموعهن مايهون عليه اشوف اخوي وسندي هيج مريض وتعبان
وصلت للمحل قفلته ورحت للاسواق اشتريت شكو شي طيب ورجعت للبيت
ليث:عيوني تتفحص بيتنا وتدور على امي
مشتاقلها ارد اشوفها
عيوني مفتقداتها من ست سنين
عمتي وطيف عافني بالهول وراحن يحضرن عشا
شوي ودخل ضرغام
ضرغام: دخلت للبيت وشفت ليث كاعد بالهول وصافن ع غرفة امي ادري بيه يريد يشوفها بس هو ميدري هي راحت لاهلها تشوفهم
كل مااشوفة شلون تعبان هيج وهلكان كلبي ضل يأذيني عليه كتله:
ها ليث الاشكر شداتسوي
ليث:صفكت ايد بأيد 👏👐 بمعني كل شي مااسوي
اشرتله ع غرفة امي
ضرغام:امك راحت لبيت اهلها تشوفهم وانته حارمتك من عدنا شايف هيج بله
ليث:خزرته بعيوني بعصبية مااقبل يحجي عليها هيج
بس ضجت هواي لان ردت اشوفها
ضرغام:يماا شنو هاي عيونك هنة منا خضر مدري عسليات وتخوزر بيهن على كيفك ويانا مهند العراق
ليث:ضحكت على سوالفه واشرتلة اريد دفتر وقلم 🗒✍
اجت طيف وطلعت جايبتلي دفتر وقلم
اخذته من عدها وضلينا نسولف علما جابت عمتي صينية العشا وتارستها اشكال والوان
كتبت لعمتي «شنو هاي عمة مامخليه شي مامسويته»
فاطمة:تدنيت وبسته من خدوده ولك يما اريدك تاكل شوف روحك شلون ضعفان
ليث:تعشيت مثل الي ما شايف
صار سنين ما ماكل وياهم وعمتي تشيل اكل وتحط كدامي
ضرغام:شفت عمتي تشيل اكل وتحط كبال ليث
اكلج عمة هاج هذا ماعوني هم حطي كدامة (¬_¬)
فاطمة: ايي ميخالف جيبه
ضرغام: يا شو صدكتي عمي اتشاقة
طيف:حييل تستاهل محد كلك تغار
ضرغام:حتة انتي وياهم واكفة
خل اكوم انتحر احسلي
طيف:دكعد يمعود هاك ماعوني خلصت اني
ليث:ضليت اضحك على سوالفهم وشلت اكل وانطيته هم
ضرغام:شفتي اخواني يحبوني اكثر منج حتة اكلهم انطونياه
فاطمة:اعذرني عمة بس انا ما مشتركة بجمعية الرفق بالحيوان الي مسويها طيف وليث
ضرغام:غصيت باللكمة وضليت اضحك
ها عمة شو كمتي تقصفيني هيج صار ضرغام كخة
ليث:خلصنا عشا و فتحنا التلفزيون وكضينا الليل سوالف واكل اشكال
وكلساع عمتي وطيف يسونة اكلة ويجيبنها غير الاكل والحلويات الي مشتريهن ضرغام
نفسيتي ارتاحت كلش صار شكد محتاج لوجودهم وياي
ضلينا الليل كله سهرانين وعمتي عود كاعدة ويانا بس خطية كضتها تغفي واحنا نضحك عليها تالي كامت نامت بغرفتها
ما ابالغ اذا كلت جانت هاي احلا ليله بحياتي
عيوني شبعت شوف بيهم وشبعت ضحك وياهم
كتبت الهم
وكلساع اطكها صفنة على واحد بيهم
طيف:ليث شبيك تصفن علينا هيج امي ماخلصت من نظراتك الها لحد مانامت هلكد احنا حلوين وماندري
ضرغام:ولج اني مايقهرني غير من يطكها صفنة وعيونة الخضر يخبلن
جا شبي حظي عيوني مو مثله
ليث:كتبتلهم ولكم ولله مشتاقلكم ومشتاق لهيج كعدة
طيف:ولله احنا هم
ضرغام: يلا كوموا خل نصلي ترى اذن الفجر واحنا كاعدين
ليث:كمنا صلينا وقرينا قرأن وطيف راحت نامت وضرغام بقة ينام بغرفتي
ناموا وماتمنيتهم ينامون ارد ابقة اسولف وياهم
نمت وكعدت الصبح مختنك كلش
كمت ارد اطلع برا شفت عمتي بالمطبخ تحضر الاكل
بستها ع راسها وطلعت رأسن برا لان الهوا مجاي يدخل لرأتيني
فاطمة:صباحك خير وعافية وليدي عافني وطلع
ليث: ماكدرت ابقة بالحديقة لأن ريحة ورد
فتحت باب الشارع وانا احاول اتنفس
نسمات هوا باردة دخلت لرأتيني ريحتني
كعدت بالعتبة لان جسمي تعبان كلش
ثنيت رجلي لصدري وتجيت راسي ع الباب
ودوامة حياتي كلها مرت كدامي وتوقفت بمجرد شفت المكان الي شمرتني بيه امي
مااستفاديت بشي من حياتي وما فدت احد بحياتي ماعدا شغلي بمحل ابويه
ولا دراسة ولا شهادة وجودي مجرد اسم بالمجتمع
الشي الوحيد بحياتي هو اني راضي ربي ومامقصر وي احد
باختصار حياتي عبارة عن فقدان لاهلي وجفا امي وذلة الناس وعدم فهمهم الي
حسيت شخص يمي فتحت عيوني شفت امي
لله شكد متغيرة وشكد مشتاقلها باوعتلي بنظرة مافهمتها بس عيوني التقن بعيونها واخيرا
رادت تدخل للبيت كمشت ايديها ثواني وانا واحاول التمس حنانها الي حرمتني منه
شمرت ايدي ودخلت جوة
اجاني شعور راحة بعد ماشفتها وحسيتها راضية عني.
بقيت اتنفس وانا احمد ربي واشكره لان خلاني التقي بأمي 💔
ضرغام: بالكوة كدرت اغمض عيوني و وكلساع اتفقد ليث واتاكد من انفاسة روحي خايفة عليه
فزيت مخترع ليث ماموجود بالغرفة
كمت اركض وكلبي سبقني بدكاته
شفت باب الشارع مفتوح
طلعت لكيته ثاني رجلينه و ضام راسه بين رجليه وكفت كباله وايدي تطبطب ع اكتافه
ها صباح الخير ضلعي
ماتحرك ولا انتبه رفعت راسة
فاتح عيونه
تحسست نبضه ونفسه✖✖
ليث خوية رد عليه
لييث ليييييييث
انتهى البارت
زينب العنزي
أنت تقرأ
ظلام الصمت
Romanceما ذنبي ان ولدت اخرسا هل ليحتويني الظلام ام لأعيش الانعزال ؟ هذا انا...وهذا صمتي ...وهذا عنائي ...وهذا ألمي ...وهذا دماري...كله بسبب ألسنتكم الجارحة التي لا تتحكمون بها زينب العنزي
