ظلام الصمت
زينب العنزي
البارت التاسع
ضرغام:بعد الي صار دخلنا ليث للغرفة
وحاولنا نجبرة يشرب شي أو ياكل
لكن هو رافض لأي شي وحقة يسوي هيج خلينا وطلعنا من يمة لأن دموعة باقليهن ثانية
مرت الساعات وامي هدئت بعد ما انطيتها المهدئات الي جابهن خالي الها
صار الليل تعشينا وليث بعد ع حالته
رغم عمتي تتوسل بيه
صارت بالعشرة كل واحد راح لغرفتة
ليث: صافن بالظلمة الي اني بيها ودموعي ما يتوقفن
وافكر بكلام امي
صح اني موتت ابوية؟ ؟
مات من وراية؟ ؟
يارب خلصني من الي انا بيه يارب ارحمني برحمتك
كمت للحمام
ورجعت تمددت ع فراشي
لحظات وانفتح بباب الغرفة ودخل الضوة لغرفتي الظلمة
الضوة الي صار اكثر شي ممكن يزعجني
ويخترق ظلامي
ضرغام: مااجتلي نومة طلعت اشرب مي
انتبهت ع حركة طيف وهية شايلة القرأن بيدها وتخلي بمكتبة الهول
ها طيف شعندج كاعدة
طيف:مااجتلي نومة كلت اقرة قرأن امي كلتلي اذا تردين تنامين بسرعة اقري قرأن
ضرغام:ها عفية
طيف:وانت شعندك كاعد؟
ضرغام:هم مااجتلي نومة افكر بأمي وليث
وحالنا الى متى نضل هيج
لو ابوية ماميت جان هسة احنا مو هيج حياتنا!
طيف:تريد تعترض ع حكم الله هذا قضاء وقدر وكلمن يروح بيومه
ضرغام:اي ولله صح كلامج بس مااكدر اتحمل اشوف ليث هيج منكسر
طيف:عندي فكرة بس ماادري اذا هو نايم لو كاعد
ضرغام:كاعد حسيت ع صوت باب الحمام من سداه مساع
وعساس اذا حاجينه راح يقتنع مثلا
طيف:اسمنا حاولنا وخلي الحجي عليه هالمرة
يلا كوم روح يمة علما اسويله اكل واجي
ضرغام:ماشي
دخلت لغرفته بس فتحت الباب غمض عيونة وانرسم ع وجهة ملامح الانزعاج من الضوة لان غرفته حييل ظلمة فتحت كلوب الغرفة
ها ليث كاعد؟
ليث:اشرتله بأيدي ع ضوة يطفيه
ضرغام:افتهمتة يردني اطفي الضوة بس سويت روحي مافهمتة ورحت كعدت يمه ع جرباية وواحد يباوع ع ثاني
دقائق ودخلت طيف شايلة صينية الاكل بيدها
طيف:حطيت الصينية بالكاع
ردتت اكعد يمهم ع جرباية بس ماكو مكان واحد متمدد وواحد كاعد
وواحد يباوع ع ثاني واثنينهم عيونهم كلها دموع
وتالي راح تضلون هيج
ليث اكعد ع حيلك يلا
سوولي مجال يمكم لو اكعد بالكاع
ضرغام: سويتله مجال وليث كعد ع حيله
ليث:ضليت اباوع واتأمل وجه ضرغام ملامحة حيل تشبه ابوي
كعدت واجت طيف كعدت يمنا
طيف:جبت الصينية وخليته يمنا
يلا اكل شوف وجهك شصاير بيه راح تموت
ليث:اشرتلهم مااريد ودفعت الصينية بعيد عني
طيف:ليش هيج جاي تموت نفسك حرام عليك
انتبهت اكو دفتر وقلم يمه
شلتة وانطتيها
يلا اكتبلي سبب مقنع ع حالتك هاي
ليث:اخذت الدفتر وفتحت صفاحتة وشفت كلامي وي ابوية نزلن دموعي بهدوء رأسن شمرت الدفتر بعيد
طيف: الله يطيح حظي شلون انطتيه دفترة شي اكيد كاتب كلامة وي عمي
انكسر كلبي وانا اشوف دموعة
اسفة ليث ماقصدي اذكرك
ضرغام:اووف يا طيف شسويتي
حضنت ليث واحاول اهدئة
ليث كافي رحمة لربك عود انته اخوي الجبير المفروض انت الي تهدئني وتواسيني مو اني
طيف:ماسيطرت ع دموعي وانا اشوفهم منهارين اثنينهم
كافي الله يخليكم رحموني ولكم
ليث:صح كلام ضرغام انا الجبير المفروض اكون اقوى من هيج
انتبهت ع طيف وهي تحجي وشكلها يموت ضحك ملامحها مكلوبة كلب
ضحكت عليها وع كلامها
ضرغام:ضحكت ع ضحكة ليث واخيرااا
وشفت طيف صايرة مسرحية ووجهة احمر
خايبه شبيج هيج تنوحين جنج عجوز
هههع
طيف:ها شو كمتوا تضحكون عليه غير من وراكم
وانت ضرغام ليش تعيب عليه
ضرغام:ماقصدي ولله بس شكلج يضحك
ههه
طيف:عمي ميخالف ضحكوا عليه بس لا تضلون هيج ولله كلبي يتكطع عليكم
ليث:اشرتلها تجيبلي الدفتر الي شمرتة
طيف:شفته يأشر ع دفتر جبته الة واني مترددة
اخذة مني ويريد يكتب بس ايديه ترجف
ليث لا تضل هيج ضعيف لازم تواجه الماضي وتتقبل وفاة ابوك
هو راح لرحمة الله
ليث:كلام طيف شجعني لازم اواجه ومااضعف كتبت
اسف لان جاي اعذبكم وياي
طيف:ليش تعتذر شنو تعذبنا انته اخونا الحبير وسندنا
ضرغام: اي ولله بس لو تصير حباب وتاكل وترجع مثل قبل
طيف:اي يلا اكل اذا مو علمود نفسك فالخاطرنا ولله حرام عليك تأذي نفسك هيج هاي امانة انطاها الك ربك ميحقلك تأذيها
دنيت الصينية عليه
ضرغام:بروح ابوي اكل يلا
ليث:كلام طيف اقنعني
وقررت اكل وماافشلهم
اكلت وضلوا يسولفون وانا هم اكتب
وضمن سوالفنا اتفقنا اني وضرغام الصبح نفتح محلات ابوية ونشتغل بيهن
وصار اذان الفجر صلينا اني وضرغام بغرفتي وطيف راحت لغرفتها
علما خلصنا صلاة اجت طيف جايبه بيدها قرآنين
طيف:يلا اقروا شوي قرأن علمود ترتاحون اكثر واهدوه لروح ابوكم وخلوا باجر بداية جديدة الكم .
ضرغام: انشالله وانتي قريتي
طيف:اي رايحة اقرة وانام
ضرغام:شكد مؤمنة انتي الله يحفظج
طيف:يلا تصبحون ع خير
ليث:كعدنا نقرة بالصفحات الاخيرة
تقريبا قبل سورة الشمس
ومن وصلنا لسورة الشمس تذكرت ابوية من حفظها النا التفت ع ضرغام واشرتلة عليها
ضرغام:اي فهمت قصدك وتذكرت قبلك ابوية
ليث:كملنا قرآن وشعور الراحة مافارقني لحد ما غفيت
أنت تقرأ
ظلام الصمت
Romanceما ذنبي ان ولدت اخرسا هل ليحتويني الظلام ام لأعيش الانعزال ؟ هذا انا...وهذا صمتي ...وهذا عنائي ...وهذا ألمي ...وهذا دماري...كله بسبب ألسنتكم الجارحة التي لا تتحكمون بها زينب العنزي
