ظلام الصمت

البارت الرابع عشر

ظلام الصمت

زينب العنزي
البارت الرابع عشر

ضرغام: نجحنا اني وطيف من الاول متوسط لثاني متوسط
ليث لليوم ما دخل لعتبة البيت وبقة عايش وي عمي ابو انمار
امي مشاكلها ماتخلص
طردت ليث وما خلصنا من مشاكلها وكليومية تتعارك وي عمتي علمود تدز اكل بيدي لليث بس عمتي ماتهتملها

يعني اني مرات اصفن واكول هم يجي يوم ويحن كلب امي على ليث وترجعة للبيت بدل ماعايش عند رجال غريب ومنا هو الربو مأذيه ومنا بعدة عنا
وهو ميكدر يحجي 
يعني بالمختصر ليث حالته النفسية شبه مدمرة بس يحاول مايبين هذا الشي
بس انا احاول دائما اكون وياه

بدت سنة دراسية ثانية ووضعنا نفسه
الصبح جنت كاعد بغرفتي وصافن واليوم سبت وباجر عندي امتحان فيزياء ومتعاجز اقراه لان كلشي ماافتهم
منها
كمت واتجهت لغرفة طيف ماعندي حل غيرها
دائما تشرحلي الي مافاهمة  بس مو دائما نقرة سوة لان لازم أروح يم ليث ماينطيني كلبي ابتعد عن اخوي
دكيت باب غرفة طيف

طيف:ادخل ضرغام

ضرغام:دخلت للغرفة وشفتها مبسطة كتبها ومتربعة على جرباية
ها مبسطة

طيف:اي ولله عندي امتحان فيزياء وواجبات هواي

ضرغام:ولج حتة اني عندي امتحان فيزياء وها ترى اني جايلج ومتعني من غرفتي لغرفتج علمود تشرحيلي

طيف: هههه دكعد اكعد خل اشرحلك لأن خطية انتة جاي ومتعني من جنوب افريقيا شحال لو ماغرفتك خطوتين من غرفتي

ضرغام:(-_-)هاا
اذا انا وبهل البياض والجمال جاي من جنوب افريقيا لعد شبقيتي لشباب باريس

طيف:اووه غير يستقر شاب باريس
ترى ليث اشكر ومشايف روحة هل الشوفة ಥ⌣ಥ

ضرغام:ما راح اجاوبج لأن ادري بيج مضغوطة(˘⌣˘)

طيف:ليش يما مضغوطة منك اشو الحمدلله بس عيوني اكبر من وجهك ಥ⌣ಥ

ضرغام:اي عمي بهاي صدوك عيونج شكبرهن
بس اكلج غرفتج حارة وتدرين بعد انا بباريس مامتعود على هيج جو

طيف: هههه خاب دكوم  انته علي البنكة وتعال خل اشرحلك يلا ترى طولناها

ضرغام:حاضر ست
عليت البنكة وشرحتلي وضلينا نقرة سوة
لحد اذان الظهر خلصنا
صليت ورحت للمطبخ علمود اخذ الغدا الي مجهزتة عمتي لليث

ها عمة خلصتي غدا ليث

فاطمة:اي يما هذا اخذة الة وسلملي عليه

ضرغام:تقربت من عمتي جاي اخذ الغدا من ايدينها  ودخلت امي للمطبخ وسحبت محافظ الغدا من ايديها بقوة

سعاد:انتي شنو من بشر انتي شكم مرة كتلج لا تدزيله غدا خيولي

فاطمة:استغفرلله وتالي وياج انتي مو طردتي الولد من البيت شتردين منه بعد

سعاد:ولله عاد بكيفي البيت بيتي
انتي شعليج فوك ماكاعدة ببيتي وماكلة وشاربة ببلاش

فاطمة:اكلج لا تضلين تحجين كلام ما ألة لا معنى ولا داعي ترى هذا بيت اخوي فاهمة
سحبت المحافظ من ايديها
هاك. يما ضرغام اخذة وروح معليك بيها

ضرغام:انا وطيف الي طلعت من غرفتها ع صوت العياط مجتفين ايدينا وننتظر امي تخلص معركة حقدها
من عمتي كلتلي اخذ الاكل اتدنيت اخذة سحبتة امي من ايديه من جديد

سعاد:لا ولله اليوم ما توصل لكمة اكل لأخرس لو على جثتي
سمعتني ضرغام

ضرغام:يما ترى كافي زودتيها انا طالع وخلي هذا الغدا الج اتغديه بيه زين بلكت كلبج يشبع من الحقد ع أبنج
عفتها ورحت وانا ضايج حييل
الى متى تضل امي هيج
وصلت للمحل
لكيت ليث كاعد هو ووعمي
هلا ضلعي ليث شلونك
شلونك عمي
رد عليه ليث بالأشارة وعمي رد السلام

ابو انمار: هلا وليدي
ها شنو اليوم ماكو غدا لأخوك لأن ماقبل يتغدا وياي الا وياك مايهون عليه يتغدا بدونك

ضرغام:احتاريت شجاوبة كتلة
عمي اليوم طابخين مركة بيذنجان وانا مااحبها كلت اليوم نشتري لفات من ام صديقي سلوان

ابو انمار:اهاا براحتكم وليدي  اني اروح للبيت انام شوي مدام اثنينكم بالمحل

ليث:من اجة ضرغام مبين عليه ضايج وبس راح عمي كتبتله
ضرغام  انته من يمتة ماتحب مركة البيذنجان؟ ؟

ضرغام:ما اشتهيتها وبعدين هاي ام صديقي خطية خل نرزقهم اليوم

ليث: كتبتله ماقنعتني
كول شصاير بالبيت بدون لف ودوران

ضرغام:ماكو شي شبيك بس تدري بأمي ومشاكلها ماخلتني اجيبلك الغدا وتلاغيت وياها وطلعت

ليث: كتبتله ضرغام ماأريدك تتعارك وي امي. بسببي وما أريدها تخسرك مثل ماخسرتني
ولو ما جاي احسن لأن هسة تلكة امي انهضمت منك وخاصة هية تريدك

ضرغام:انته شتحجي امي انانية بحبها الي لأن اني مافاقد النطق  وتريد بس تتفاخر بيه كدام الناس لا اكثر ولا اقل  ولله لو مثلك مااحجي جان هم شمرتني بشارع

ليث:كتبتله ولك لا تكول عنها انانيه تراها صدوك تريدك وتحبك ولعلمك حتة اني تحبني وتريدني بس الله يسامح اهلها والناس الي خلو امي تشمئز مني وتتفشل بسبب خرسي

ضرغام:المهم الله يهديها
كوم خل نشتري لفات لأن دكني الجوع
رحنا واشترينا لفات من ام سلوان الي هوة صديقي
ابوه متوفي وعايش هو وامة
وبالكوة مدبرين عيشتهم وامة من كثر ماتحبة ماتخليه يشتغل بالسوك أو اي مكان ففتحتلها دكان صغير من بيتها تبيع بي لفات واكلات بسيطة

زينب العنزي