ظلام الصمت
زينب العنزي
البارت الاول
في عالم يسوده الظلم ويحكمه الحقد ويتسلطه الكره وتخترقه الانانيه وفي وسط هذا الزحام السيء من حسن الحظ ان تجد نفسك تائها في أزقة الدنيا وأضحيتها الواسعة بدلا من ان تكون محاربا في زوايه واحده منها
فقد يكون الفقدان محزنا ولكن لابد لهذا الحزن المؤقت أن يتحول الى سرور دائم ...أو قد يكون الضياع مؤلما لكن لربما يكون مصدرا لسعادتك يوما ما.
فاطمة:كلللللللووووووش كلللللللللوووش
مبروك خوية انشالله تستاهل كل الخير كلللللللوووش
حامد:الله يبارك بيج خايبة كافي هلاهل سطرتينا هههه
فاطمة:شسوي خوية غير فرحانة مبروك ام محمد
سعاد:لااااشنو ام محمد منسميه محمد
اسمه ليث ع اسم اخوي
حامد:جان بخاطري نسميه محمد بس عمي كلنالج الي تريديه يجرالج ليث ليث
فاطمة:استغربت من ردت فعلها اخوي من قبل لايتزوجها نلقبه ابو محمد
بس اتذكرت هية عدها اخو استشهد اسمه ليث فما حجيت
شلت ابنهم بين احضاني هادئ ولا بچى من طبيت لبيتهم لهسة
شو خل اشبع منه قبل لا ارجع لعيالي
يمه اروح فدوة لهل خدود شهل الجمال
خليت بملابسة خمسة الاف هذا الي عندي شسوي اخوية يعرف بوضعي ميسمح
بعد عمتك بسته بخديداتة وانطيته لامه سعاد الي نظراتها كلهن خوف وقلق عبالها احسدها علمود خلفت ولد و اني لهسة ما خلفت
ديري بالج عليه سعاد واهتمي بصحتج
سعاد: اخذته منها شكراا مااحتاج نصائحج
حامد:سعاااد
سعاد: سكتناا
فاطمة:تجاهلت ردها وماردت الوضع يتأزم رفعت عباتي من جتوفي خليتها ع راسي وكمت:يتربى بعزكم خوية
اني ارفع الزحمة
حامد:وين يمعودة. ستوج اجيتي الدنيا غروب باتي يمنا والصبح اوصلج انا شيرجعج هسة
فاطمة:لاخوية هم يلا هسة الرجال يرجع من الشغل هم يريدلة لكمة
واذا ع الرجعة اخذلي تكسي
حامد: براحتج فاطمة تقربت يمها وحجيت بصوت ناصي: محتاجة فلوس شي امريني بس
فاطمة:لاخوية عساك سالم ماتقصر
مع السلامة
حامد: الله وياج خوية محروسة
وصلتها للباب ووصيت ولد من منطقتنا يجيب خروف ويذبحة عقيقة لابني الي نور حياتي وبيتي
رجعت لغرفة سعاد بلهفة اريد اشبع من ابني وتلكتني بنبرتت استهزاء
«زينب العنزي»
سعاد: تعال تعال شوف اختك شكد حاطة لابنك فلوس ههه خمسة الاف لو ماحاطتها احسن ولله يالله
حامد:سعاادد شبيج تستهزئين باختي وتدرين هية عيشتهم ع كد حالهم و على اقل اجت ووجبت احسن من خواتج موو
سعاد:مارديت عليه فشلني
حامد: سكتي انبلع السانج
شلت ليوثي
وضليت اقرة عليه قران
وهو هادئ وبس يباوع
بعيونة الملونة
زينب العنزي
أنت تقرأ
ظلام الصمت
Romanceما ذنبي ان ولدت اخرسا هل ليحتويني الظلام ام لأعيش الانعزال ؟ هذا انا...وهذا صمتي ...وهذا عنائي ...وهذا ألمي ...وهذا دماري...كله بسبب ألسنتكم الجارحة التي لا تتحكمون بها زينب العنزي
