ظلام الصمت
بقلمي/زينب العنزي
البارت الخامس عشر
ليث:ايامي متشابهة مابيها اي شي يخليني اتمسك بالحياة
ماعدا وجود ضرغام لجانبي
وطبعا فضل لعمي ابو انمار عوضني عن فقداني لاهلي وجان دائما يواسيني ويصبرني
بس انا ادري مامقسمولي ارتاح وي الاحبهم
عمي ابو انمار صحتة كامت تتراجع ضغطة نهار كله مرتفع
حتى الدكتور مل من عدنا من كثر ما نراجعة
لحد مااجة اليوم الي خسرت بي عمي
اثر جلطة بسبب ارتفاع ضغطه.
البيت الي وجدت بي شخص يعوضني عن ابوي صار عبارة عن كهف مهجور لا يخلو من حزني.
« ساعات حياتي ودقائقها وثوانيها تشهد على حزني
جدران المنزل تشهد على الظلام الذي احتواني
صفحات دفتري تشهد على كتاباتي وكلماتي
خلايا دماغي تشهد على أرقي وسهري
عظام قفصي الصدري تشهد على الم قلبي
بؤبوان عيناي تشهد على اشتياقي لرؤيتهم
وجنتاي تشهد على تشبعها بالدموع
أذناي تشهد على فقداني لصوتهم
وفمي يشهد على امنيتي للنطق معهم
و كل شيء يشهد على مللي وحقدي على حياتي التي لم تترك لي سوى حزني ومرضي واخي »
بقلمي:زينب العنزي
بعد وفاة عمي بشهر طلعت من بيته لأن احد اقربائه طالب بورثة للبيت وجانت هاي فرصة الي علمود تهاجرني ذكريات عمي الي تدور بأركان البيت.
ماعندي مكان يحتويني غير محل ابوي
قررت ابقة بيه واتحمل حر الصيف وبرد الشتاء
سلوتي بهل الايام هو ضرغام و الكتب الي جانت تجيبهن الي طيف
صار ثقل المحل كله علي
صبري بلش ينفذ وي الناس الي ماتفهمني من ابيعلهم واذا مافهموني استهزؤا بخرسي وتركوا المحل
جنت ارتب بمواد المحل واجة شاب
ضخم ولابس زي شرطة يجوز شرطي او ضابط
علي: هي ياولد انطيني عشر كليوات تمن
ليث:التفتت عليه و وعيوني تحوم بالمحل تدور على دفتري ماادري وين شمرتة شلون راح اتواصل وياه
علي:مو جاي احجي وياك يلا بسرعة لأن مستعجل
ليث:الدفتر اختفى ماادري وينة
ضليت افتر بالمحل وادور عليه
علي:شنو القضية تبيع لو اروح
ليث:اشرتله بأيدي شوي وبقيت ادور ع دفتر
علي:اي يعني ليش متحجي شنو ماعندك لسان مو جاي الغي وياك ليش تأشر
ليث:ضليت محتار شسوي اشرتلة بأيدي
وصفكتهن ايد بأيد بمعنى ماكو تمن بالمحل
ماجان عندي غير هذا الحل
علي:دولي من عابت لشكلك صار ساعة انتظر وتالي تأشرلي بأيديك
ليث:استغفرالله بله شسوي لهيج ناس مرضى
رمقني بنظرة استهزاءو تفل بعتبة المحل وراح
لحظات واجة ضرغام والحزن مالي وجهة وكعد ع كرسي بدون ان ينطق حرف
رجعت ادور ع الدفتر والعن الشيطان الي نساني مكانة
واخيرا لكيته يم رف البهارات
اخذته وبلشت نوبة السعال عندي
ابتعدت عن رف البهارات
كعدت ع كاع وانا احاول اجر نفس
تقدم ضرغام وانطاني مي وهو يحجي وعيوني تترقبني
ضرغام:هسة ياخوية ترى مامجبور تبيع بهارات ليش تأذي نفسك وانته عندك ربو وتحسس
ليث:شربت المي وانا احاول انظم نفسي
دقائق وهدئت
سحبت الدفتر وكتبت لضرغام
ليش ضايج؟ سئلته هذا السؤال وانفجرن كلماتة وهو يشكيلي
ضرغام:صديقي سلوان شالوا من بيتهم وتركني
ابو البيت المأجرينة همة طردهم علمود اتأخروا وماانطوه الايجار
هسة لو كايلي جان انطيناه هل الي يطلع من وارد المحل بس راح فجأة بمجرد توادع وياي؟؟
ليث:انقهرت عليه و بقيت احاول اواسيه بكلماتي واهدئة
زينب العنزي
أنت تقرأ
ظلام الصمت
Romansaما ذنبي ان ولدت اخرسا هل ليحتويني الظلام ام لأعيش الانعزال ؟ هذا انا...وهذا صمتي ...وهذا عنائي ...وهذا ألمي ...وهذا دماري...كله بسبب ألسنتكم الجارحة التي لا تتحكمون بها زينب العنزي
