ظلام الصمت
زينب العنزي
البارت الثامن
ضرغام:بوفاة ابوي اختفت سوالفنا وضحكتنا واختفت راحتنا
وحياتنا صارت عبارة عن كآبة وحزن واعتكاف ع النفس
كلمن حاير بحزنة ودموعة
بس الي كسرني اكثر من وفاة ابوية وغياب امي عنا بالمستشفى هو ليث الي
حالتة تبجي الصخر ومكضيها بجي وسهر بس حقة ما ألومة لان هو شاف ابوه يموت كدام عيونة وخاصة هو ميكدر ينطق.
حاولنا اني وعمتي بكل انواع المواساة نخرجة من اعتكافة وعزلتة لكن ميفيد رافض لكلشي
كأن حياتة توقفت بلحظة
الساعة 12الظهر اندك بابنا
طلعت افتح الباب لكيت خالي و امي
ما قاومت شوفة امي ذبيت روحي بحضنها امي جنها منومة مغناطسيا و وجهها اصفر وذابل وهالات سودة فحم تحت عيونها المتروسة دموع
كلشي بيها يدل ع انتهاء الحياة
تفاجات بيها ابتعدت عنها سلمت ع خالي زيدون وراح
دخلت امي للبيت واني مسندها
سلمن عليها عمتي وطيف
ماردت عليهن كعدتها بالهول وطيف راحت تجيب مي
وعمتي دخلت لغرفة ليث لحظات وطلعت عمتي وكامشة ليث بايدها
ليث مثل الواحد الي راح يغمى عليه
فاطمة:تعال ليوثي سلم ع امك تعال
ليث:امشي ورجلي بالكوة حاملات جسمي وصلت يم امي واني منهار اجت عيني بعيون امي الي خازراتني ودموعي اعلنت سقوطها
سعاد:وخرررر عني لاتجي يمي
لا ولله ولله هسة اموتك بأيدي وانت واكف بمكانك انته السبب بموت حامد كله من وراك انته السبب والك عين تجي يمي
جا شبي الموت مااخذك ليش اخذ ابوووك ليتني ماولدتك للدنيا ليتك ميت ببطني
ليث:صدك يما لو ما جايبتني للدنيا
تخلخل توازني وما حسيت بشي بعد
ضرغام: تفاجأت بردت فعل امي وكلامها ع ليث ولو اني امي من يوم يومها تكرهه
اتاذيت كلش ع ليث الي فقد وعيه بعد الي سمعة من امي
عمتي خلت راس ليث ع رجليها وطيف ترش ع وجه مي
وامي مازالت تصيح وتلطم ع ابوي وماهمها اخوي الي وكع من حيلة
بقينا نحاول نكعدة ضربتة بايدي ع وجهة الي صاير عبارة عن عظام وجلد
انتبه ع روحة
باوعلي بعيونة الم و دموع
واشر بأيدة ع حلكة فهمت عليه يريد مي
رأسن شربناه مي
فاطمة:يما طيف كومي جيبلة عصير شي اكيد سكرة منخفض
طيف:اي يما رحت للمطبخ ركض صبيتلة
عصير بكوب
ورجعت يمهم بس هجمت عليه عمتي سعاد واخذت العصير من ايدي بقوة
مع العلم هي جانت منهارة وتبجي وتلطم
سعاد:المن جايبتلة عصير عوفيه خلي يموت ولك شكد دعيت عليك تموت ليش مجلب بالدنيا لييش ماتموووت ليش
الله ياخذك چفيت العصير
ضرغام: امي صياحها وكلامها اكبر اذية وتجريح وانتقام لليث واجت تريد تكلب العصير ع ليث
ذبيت جسمي عليه وصار العصير ع ملابسي وعطت بيها
كافي يماااااا
فاطمة:ولج شجااج ليش هيج تخبلتي
كمت عليها وبالكوة سحبتها ودخلتها لغرفتها وهي مستمرة تدعي على ليث
طيف: الله يساعد ليث اذا امة هيج
تدعي
ساعدت ضرغام وكومنا ليث ودخلناه للغرفة
وهدوئة يدل على اذيته
زينب العنزي
أنت تقرأ
ظلام الصمت
Roman d'amourما ذنبي ان ولدت اخرسا هل ليحتويني الظلام ام لأعيش الانعزال ؟ هذا انا...وهذا صمتي ...وهذا عنائي ...وهذا ألمي ...وهذا دماري...كله بسبب ألسنتكم الجارحة التي لا تتحكمون بها زينب العنزي
