#زوجة_مع_وقف_التنفيذ
الفصل الرابع عشر
قصي
كنت نحكي معاها ونعبر على مشاعري اللي كنت دافنهن جواي لاني حسيت بيها لما سكتت كأنها تفكرت اني طلبتها للزواج عشان حل لمشكلتي فقررت ان هذا الوقت اللي لازم نحكي على مشاعري بيش مايعديش عقلها بعيد مع اني كنت بنخلي اعترافي ليها لعند يوم زواجنا لكن لقيت الوقت لازم من اعترافي تو وقبل ماتنطق بكلمة ترد بيها على اعترافي شفتها كيف طاحت من طولها وبعيطة ناديت اسمها وجيتها نجري وقعدت انادي على ابتهال اللي جابت ليا عطر وبخيت على ايدي وقربته من خشمها وبدت تفوق وراسها فوق ركبتي
فتحت عيوني ولقيت قصي قريب مني نحس في نظري مشوش
قصي .. فرحة فرحة تسمعي فيا هزي راسك
انا هزيت راسي وبصوت واطي .. شنو صار
قصي وحط ايده على خدي .. شئ دختي بس شكله ضغطك هبط
انا فطنت لروحي اني متوسدة ركبته وايده على خدي تمسد عليه بحنيه انحرجت وحسيت بحرارة في خدودي وحاوالت نصبي بشوية ومعاها زاد من احراجي لما ساعدني قصي على التصباي وقمعزني على الكرسي
قصي .. ابتهال بالله جيبي جهاز الضغط خليني نقيسه ليها
ابتهال .. حاضر هاك شربها امية
قصي خذا الكباية ولما جيت بنمسكها هز راسه بلا وشربها ليا ونا خلاص وصلت قمة الاحراج
قصي
رغم مرضها واللي خوفني عليها كيف طاحت قدامي ركب الرعب فيا ولما وعت وفطنت لروحها انها على ركبتي كيف خدودها انحمرو عرفت انها انحرجت وبالذات ونا نشرب فيها المية وجت ابتهال وخليت ابتهال تقيسه ليها شفقة عليها من الاحراج صح عارفها محترمة وخلوقة وعمري ماشفت منها حاجة مش تمام لكن برضو عمري ماعرفت انها خجولة هكي بالذات لما كيف تعاملت مع قصتي تعاملت بكل قوة وقديش حبيت خجلها
ابتهال .. فعلا زي ماتوقعت الضغط هابط
قصي .. فرحة شنو وكالك الايام اللي فاتن
انا بهدوء .. عادي
ابتهال .. كيف عادي اصلا ضغطك مايهبطش الا لما تكوني ماتاكليش كويس ومعاها نعرفك كويس تلقيك مقضيتيها كابتشينو بس
انا سكتت لاني شنو بنقول وكان نكذب حيعرفو طول خصوصا ان يبان عليا
قصي .. تو نطلع نجيب وكال وناكلو كلنا
ابتهال .. انا اعفيني شوي وبنروح
قصي .. مافيش اعفيني نا وانتي وفرحة حنتغذو هنا حتى نا ليا ايام ماكليتش كويس كان في موضوع موترني وتو اطمنت عليه
ابتهال .. خلاص امنا وربي يطمن قلبك ديمة
وطلع قصي ونا مش عارفة شنو اللي صايرلي وقاعد كلامه واعترافه بحبي يردد في عقلي ومازالت مش مصدقة ان قصي يحبني نا فرحة وفطنت بابتهال وركزت عليها في عيونها ضحكة وكأنها عارفة شنو قالي قصي بس ماسئلتش تبيني نحكي
انا بتوتر .. دكتور قصي يحبني ابتهال وطلبني للزواج
ابتهال بفرحة .. واخيرا طلع على جموده
انا باستغراب .. كيف
ابتهال .. نا والدكتور مروان ملاحظين واجد اهتمام الدكتور قصي بيك غير البعيد عنك عمية قلب وعيون
انا .. نا
ابتهال .. اه ماتشوفيش فيه عمره ماهزبني لما نبتسم لزبون او طولت ونا نحكي معاهم عكسك انتي امنا لما تزوجتي كنا مانقدروش نقربو منه بكل وهو رايح زي القنبلة الموقوتة اللي في اي لحظة تنفجر
ومازالت باستغراب من كلام ابتهال اللي عمري ماركزت عليه وكنت نفسر في تصرفاته غلط وجاء قصي جايب الغذاء وكان برجر ليا وبيتزا لابتهال وشاورما ليه ومعاها عرم فواكه
أنت تقرأ
(سلسلة البيوت اسرار) الجزء الثالث بعنوان زوجة مع وقف التنفيذ
Historia Cortaسلسلة متصلة منفصلة يعني مش لازم تكون قريت الاجزاء السابقة عشان تفهم الجزء هذا التنزيل يومي باذن الله
