#زوجة_مع_وقف_التنفيذ
الفصل العشرين
قصي .. فرحة شنو لابسة
انا باحراج وخوف .. كنه مش حلو والله مضايقك في حاجة
قصي صبا من على السرير وجاء حذاي وحول طرف الروب ونا رعشة في جسمي غريبة زي يوم فرحي وحط ايديه على شعري وحضني زين وباعدني شوي وباسني بوسة هادية وحلوة نين نفسي راح وفصل البوسة لما حس بيا قصي
قصي .. فرحة قلبي تقولي مش حلو اكيد هو مش حلو لو انتي مش اللي لابستيه لكن انتي اللي حليتيه انتي اللي ضفتي ليه ياقلبي
انا ضميته ليا ثاني
قصي وهو حاضني .. تصدقي شعرك هضا بالذات كنت بنموت بس عشان نشوف خصلة منه ومش مصدق اني شايفه ولامسه بايديا
انا .. مش شعري بس نا كلي لك
قصي بهدوء ومازال حاضني .. فرحتي
انا .. نعم
قصي .. عارفة اني مازالتـ
انا وحطيت صبعي على فمه .. ما تكملش كلامك عارفة ماهو الدكتور قالي ونا حاليا راضية بالتحسن اللي صار
جبدني قصي وبدون اي كلام تمدد ومددني بحذاه وحط راسي على صدره ونا نسمع في دقات قلبه المتسارعة زي دقات قلبي وسؤال يدور في بالي ولازم نسئله
انا.. حبيبي
قصي .. ياروحه
انا.. بنسئلك ممكن
قصي .. من غير ما تستأذني فرحتي
انا.. في حاجة محيرتني
قصي .. شنو
انا.. الدكتور قال انك بمجرد ما تشوف التحسن اللي صارلك حتى ولو البسيط حيخليك تحاول وممكن مع كل مرة تحاول فيها نفسيتك حتتعب لكن نا اللي شايفته العكس من لما قعدنا في الفندق ماحاولتش وحتى تو ومعاها نفسيتك رايقة حتى مع موقف ريم خفت عليك بس كانت عصبيتك خفيفة فمستغربة
قصي .. انتي السبب
انا ونهضت راسي وقابلت عيونه .. نا كيف السبب
قصي ورجع راسي على صدره .. انتي يا فرحة اللي ماخلاتينيش نحاول ومقتنع بلي قاله الدكتور اني مانحاولش من اول عملية عشان مانتعبش نفسي لما المحاولة مايصيرش منها وهضا كله بسببك انتي نظراتك ليا عمرها ماحسسني اني ناقص او انك مستعجلة على الشئ هذا
بالعكس نظراتك ومعاملتك ليا مخلياتني اني ناخذ كل حاجة بشوية
انا .. ربي يحفظك لي يارب ونا قلتها لك لو نعيش عمري معاك هكي مستحيل ينقص حبي بسببك وحتى لما حكيت ليك على قصتي نا وعثمان بس عشان نخفف عليك شعور الذنب اللي كان واكلك
قصي باس راسي .. ربي مايحرمني منك ويقدرني اني نسعدك
انا .. امين يارب وانك تسعدني هذي تقريبا وصلت ليها بين احضانك تو قمة سعادتي دفاعك على حقي قدام ريم قمة قمة سعادتي معاش نبي شئ من دنيتي
قصي .. اصلا كيف تبيني نسكت وهيا تحكي معاك بالطريقة هذي
انا.. ماتنساش ان ريم مدلعة واجد
قصي .. حتى انكان مدلعة لكن مش سبب يخليها قليلة ادب وسكري فروحة على الموضوع هذا
انا.. به
قصي .. فرحة ليش ماتكمليش قراية
انا بضحكة .. بعد شاب خش الكتاب
قصي بضحكة .. شاب شنو يا فرحتي وانتي في عز شبابك
انا.. والله ماني عارفة مش متخيلة منظري هضا ونا خاشة اولى ثانوي
قصي .. شنو رايك انسجلك انتساب وانجيبلك مدرسات يقرنك في الحوش
انا.. والله ماني عارفة خليني لبعد عمليتك الثانية وبعدها ساهل
قصي .. لا يا فرحة انسجلك السنة هذي وبعدين نا والشباب والبنات نسعدوك كلنا وبالذات انك بتمتحني آخر السنة يعني نمشو ونجو قبل امتحاناتك بما ان القراية تبدا الاسبوع الجاي
انا .. من الشباب والبنات قصدك
قصي .. مروان ومحمد وحمزة وماهر وحسن ومالك ومرح وسيلين وراما وفرح وبلقيس وريم
انا .. قصدك بتسخر العيلة كلها
قصي بضحكة .. وان لزم نجيب مدرسات خاصات شنو رايك
انا .. شنو بنقول وانت منسق لكل شئ
قصي .. تمام معناها بكرة انسجلك ونجيب الكتابات
أنت تقرأ
(سلسلة البيوت اسرار) الجزء الثالث بعنوان زوجة مع وقف التنفيذ
Contoسلسلة متصلة منفصلة يعني مش لازم تكون قريت الاجزاء السابقة عشان تفهم الجزء هذا التنزيل يومي باذن الله
