(سلسلة البيوت اسرار) الجزء الثالث بعنوان زوجة مع وقف التنفيذ

الفصل الحادي والعشرين

#زوجة_مع_وقف_التنفيذ

الفصل الحادي والعشرين

قصي
من يوم ماجابت مرح ونا حاسس بفرحة تضغط على روحها واجد وبالذات مع الدعاء لها في كل وقت بان ربي يرزقها  الذرية واليوم خوتي بلغوني بحمل صبايهم وعرفت ان الضغط حيزيد على فرحة فعديت للمكتب وحجزت لتركيا ومنها بنعدو لسويسرا قبل امتحاناتها اللي مازال عليهن شهر وبعد اسبوع بيكون ذكرى زواجنا الاولى اللي تمنيت اني نهديها بانها تكون زوجة طبيعية مش وهيا معاي

#زوجة_مع_وقف_التنفيذ

وبعد ماحجزت جيت شور ڤيلا مروان اللي نعتبرو من جيبت مرح ونحن اقامة عندهم نا وصلت على صوت ريم العالي ومافيش حد في الحوش واستغربت وين مشو وشدني صوت ريم تحكي بصوت عالي ولما قربت سمعت كلامها لفرحة وشوي حسيت بفرحة مش متوازنة وقبل ما اطيح بعد ماجبدتها ريم من لاورا كانت ايديا اقرب منها للوطى

قصي بخوف ونخبط بشواش على خدها  .. فرحة فرحتي افتحي عيونك يا قلبي (ورفع راسه لريم ) امشي كلمي مروان وانتي مادة وجهك

قالها بعيطة سمعها مروان طلع من دار في الدور الاول حطو فيها مرح بدل ركبت الدروج للدور الثاني وفطن بيا وانا بين ايدين قصي 

مروان بخوف .. كنها يا قصي
قصي .. مش عارف يا مروان طاحت واغمى عليها

جاب مروان شنطته من فوق وحطني قصي على الكنبة وهو يكشف عليا

ريم بصوت واضح فيه الخوف .. بالك حامل

قصي التفت ليها وعطاها نظرة انها تسكت وبعد ماشافني مروان طلع ضغطي هابط  وبداية انهيار عصبي وقلت اوكال عطاني ابراة وقال لقصي يركبني للدار بيش نرتاح ولما قاله قصي ليش ماوعتش قاله مروان هكي افضل وبدون زيادة  حكي رفعني قصي لفوق ومددني وتمدد احذاي واخذني في حضنه

قصي
يعني زي ما كنت حاسس ان الضغط وصل حده عندها بالذات بعد كلام ريم معاها وعلى خطرت ريم بعدت فرحة بشويش عليا وخذيت فوني واتصلت بمروان وقلت ليه يكلم خوتي وصبايهم وعمتي ماسة ورغم استغراب مروان الا انه قالي باهي وبعد وقت ونا حاضن فرحة سيبتها ونزلت تحت ولقيتهم كلهم
عمتي ماسة و خوتي قاسم وحسن وصبايهم اريام وعزة وريم وراجلها منذر ومروان ومرح رغم تعبها لكن كلمتي مايراجعنيش فيها حد كلهم يعني كلهم 

مروان بهدوء .. ان شاءالله خير
قصي حاوالت نكون هادي .. لو نا ضنيت عيالي بيكوني ليا صح (مافيش حد رد عليه لانه هكي معودهم ) وانتم ماليكم فيهم شئ غير التسمية اللي بتحصلوها من وراه عم او عمة او حتى جدة او حتى خالة واما مسئلة تحبوه او لا هذي في علم الغيب يعني لاحد بيسهر معانا ولا بيربي معانا ولابيصرف عليه زينا فهمتي عليا يا ريم
ريم هزة راسها وعارفة ان اللي قالته ليا مش حيمشي على خير
قصي يكمل .. لعلمكم كلكم ان السبب في عدم الانجاب لتو مش فرحة زي مافهماتك يا ريم فرحة تحشمت تصغر بيا بينكم وقالت انها تتعالج وانا والله ما عرفت انها قايلة لكم هكي الا لما الست ريم دايرتلها تحقيق وهيا بكل وقاحة تدخل في خصوصيات خوها الكبير
السبب في عدم الانجاب لتو هو نا وفرحة بنت ناس ومربية صح لا تكلمت ولا حكت وبالعكس حطت العلة فيها فهمتو تو انتو شنو كنتو اديرو لفرحة بدون ماتشعرو لدرجة وصلتوها للانهيار
مروان .. والله ما كان قصدنا حاجة
قصي .. عارفة روحها كويس اللي نقصدها بكلامي والله عندك اعتراض يا ريم
ريم بخوف وتوتر  .. والله ما كان قصدي حاجة الا اني بنطمن عليك وانت خونا الكبير
قصي ببرود .. اهو اطمنتي وعرفتي
ولو مثلا العلة في فرحة شنو بديري ترا والله صورلك عقلك اني ولو للحظة ممكن انطلقها عشان العيال
نسيب فرحتي عشان عيل مانندريش كيف يطلع ليا اذا صالح او طالح يشقيني والله يكون مرضي نسيب حب كنت نستنى فيها امتى تكبر بيش نصارحه بيه
تعرفي لو الف علة في فرحة كنت حنتمسك بيها لاخر يوم في عمري ولايهمني اذا حصلت عيال او لا ولكن للاسف العلة فيا نا (وبنبرة وجع ويخبط على صدره ) وان شاءالله هيا بس اللي ماتسيبني
منذر .. والله ريم ربايتك وانت عارف لسانها
قصي .. لا يا منذر المفروض اذا نا مربيها صح راه اي حاجة مريحة خوها تحترمها وتحبها عشان خوها مش كل مرة نسمع انها مضايقة فرحة وواجد اخرى (والتفت لريم ) اسمعي يا بنت باتي وامي شكلي ماعرفتش انربيك كويس خوفي عليك وتدلليلي ليك خلاك من غير اخلاك وبسبب هضا مانيش قايل معاش تكلميني او تحكي معاي او معاش تخشي حوشي لان قبل كل شئ انتي اختي لكن اللي مايحترمش مرتي معناها مش محترمني يبقى وجوده مش لازمني في حياتي كلها
ريم بشهقة ودموع نزلن .. والله ماكان قصدي حاجة شينة صدقني يا خيي
قصي لف وجه عليها .. لو كان ماشفت بعيني وسمعت بوذاني كنت صدقتك يااااا اختي