(سلسلة البيوت اسرار) الجزء الثالث بعنوان زوجة مع وقف التنفيذ

الفصل الخامس

#زوجة_مع_وقف_التنفيذ

الفصل الخامس

عثمان بهدوء .. انا آسف ورغم اني عارف ان الاسف ماينفعش لكن والله لو كنت نعلم ان ماعندكش علم بطبيعة زواجنا ماكنت كملته وهذا سبب تعاملي البارد معاك لاني نسحابك موافقة على بيعت روحك
انا بوجع .. صار مقتنع اني مبيوعة
عثمان .. آسف بس عارف ان الاسف مايدير شئ ولايغير شئ
انا وحاولت نبان قوية لاني حاسة ان الوجع المزبوط مازال جاي .. على قولتك الاسف مش حيغير شئ وتو نبي نعرف كم المدة اللي متفق مع عماد عليها بيش بعدها اطلقني او بمعنى اصح شنو اتفقت انت وياه
عثمان بتوتر خوفني .. اتفقت مع خوك اني نتزوجك لمدة ستة شهور وفي الشهر السابع نطلع فرحي على مرتي الاولى وبعدها بشهر او اثنين نطلقك
انا ودموع خانني .. به ليش ما اطلقنيش قبل ماتتزوج
عثمان .. لازم تكوني على ذمتي عشان حلوفة باتي
انا ومسحت دموعي .. وزعمك مطلوب مني نحضر الفرح
عثمان .. لا وصدقيني انا من جوا قلبي آسف واللي تبيه انديره لك
انا وصبيت .. شكرا لانك حسيت بأسف شوري لكن فيش بيفيدني وبعدين نا مش لايمة عليك لومي الاكبر على خوي

وجيت بنطلع من الكوجينة التفتت لاني اذكرت اهم حاجة

انا .. خطرها انت قلت ليا عادي نرجع خدمتي بعد شهر ونحن في اخر اسبوع من الشهر
عثمان .. ابدي عادي وتو نكلملك السواق يرفعك ويجيبك
انا .. ممكن تسمحلي انكلم الدكتور صاحب الشركة اللي نخدم فيها بيش نشوف امتى نبدا
عثمان .. كلميه عادي ليش الاستأذان
انا .. حتى ولو كنت مجرد صفقة او كبش فداء انت اسمك قدام ربي  راجـ  زوجي حرام اندير حاجة منغير اذنك لابال اني نتصل براجل اخر

وطلعت قبل مانسمع رده شفت في عيونه نظرة احترام وهذي هي المهمة وسكتت لما جيت بنقول راجلي علشان  راجلي ماتنقالش الا على الراجل اللي يحسسك بالامان والدفاء والحب والاهتمام والاحترام لكن الزوج في وقتنا هذا عادي تلقي فيه جميع الصفات السيئة رغم ان المفروض الزوج يكون راجل وزوج في نفس الوقت
وخشيت داري وتمددت على السرير اصلا شنو عندي بندير بالذات اني عارفة مازالي في هالحوش شهر او شهرين عليش بنتعب روحي

عثمان
لاول مرة نحس بوجع في قلبي ومتعاطف معاها واجد وحسيت بيها انها انظلمت بيني وبين خوها بس المشكلة في قلبي مش فيها هيا قلبي اللي عشق وحب ايمان وكانت اول حب واخر حب في قلبي وبسبب عناد باتي الله يهديه خشينا في المعمعة هذي وقديش احترمتها لما قلت ليها ليش الاستئذان في تكليمة صاحب الشركة يعني رغم طينة خوها طلعت متربية صح ونزلت طالع للشركة تلقتني امي

امال .. صح طلعت ماتعلمش زي ماقالت حنان
عثمان .. اه طلعت ماتعلم بشئ وخوها كذب عليا وعليها
امال .. يا روحي عليها شنو دايرة تو
عثمان .. كان تشوفيها تصعب عليك يا امي
امال .. الله يسامح باتك وعناده
عثمان .. الله غالب يا امي ويسامحك حتى انتي 
امال .. بنركب ليها وبنشوفها بالك نهون عليها شوي
عثمان .. ياريت يا امي وحددو حتى الفرح حتى تنتهي القصة وترتاح هيا
امال .. بالك يا ولدي البنت كويسة وتسيب ايمان وتكمل معاها
عثمان .. والله كويسة يا امي لكن المشكلة في قلبي مش فيها هيا