أنثى بعثرت كبريائي

انثى بعثرت كبريائي ٤

البارت الرابع .
.
✍روز علي   ...     rose_____ali
.

شهد .
ابد متوقعت اكو هيج ناس طيبه . كنت متخيله العالم كله مثل وحشية اخويه من يكومني بكتله ويكعدني بكتله .
كنت اشوف ابسط شي منهم يقدمو الي . هو شي كبير . خصوصا خالتي ام فهد . حسيتهه مثل امي اما عن البنات فكلش حبابات بس شويه تبارك احسهه ضايجه مني . ..رغم كل هذا كنت خجلانه منهم  وكنت احس بأنكسار . لانه صدك اكره يباوعلي بعين الشفقه . 

مر ع تواجدي بيتهم تقريباً  ١٠ ايام . والحمد لله صرت زينه  وجهي رجع الطبيعته   بس مجرد اثار  زراك خفيفه .  عرفت من البنات انه فهد اليوم ينزل .. لذلك قررت بما انه صرت زينه . خلص لازم اطلع .ماكدر اعيش بهيج طريقه . كنت مفكره لازم اشتغل .

كل هاي الفتره اني نايمه بغرفه فهد . كعدت من الصبح غسلت وبدلت مشطت شعري . . طبعا شعري مو طويل كلش الوسط الضهر . بس كلش ثخين وسرح . رغم شكد ما كان اخويه يملخه بأيده ويجرني منه . بس كنت احس شعري بالكتل يفور ويثخن (يمكن تضحكون عليه) . 
نزلت يم البنات بالمطبخ لكيتهن يلفن دولمه .
.
هلو شلونكم .
.
رقيه . هلو شهوده . تعاي كعدي .
.
شهد . هاي تسوون دولمه . الله صارلي سنين مماكلتهه .
.
من حجيت هيج ثنينهن صفنن عليه . كتلهن .

لا اقصد عبالك سنين مماكلتهه .😁.
.
تحبون اساعدكم بشي . 
.
تبارك . منريد بس خلصينه منج  منريد شي  جفينه شرج واكعدي .
.
شهد .
كلماتهه شكد قهرتني احسه كسرت قلبي صدك حسيت نفسي عاله على غيري . الدمعه وكفت بطارف عيني . بس لو اموت ما ابجي كدامهه . لحظتهه صدك احس قلبي احترك .  طلعت بره المطبخ  اني وانتجي ع الحايط  طلعت وعيون رقيه عليه .

كعدت بالحديقه ع الثيل ورفعت راسي للسما .  نزلت دموعي
.
الهي سهل طريقي  الهي ماعندي احد غيرك التجئ اله . المن التجئ يا الهي .  عمام وماعندي . خوال وماعرف همه وين وبيا منطقه اصلا كل الي اعرفه انه امي تزوجت ابويه غصب عنهم مو برضاتهم بس جدي الله يرحمه الوحيد كان موافق .  لان ابويه بوقتهه كان انسان فقير وكل شي ميملك . وجدي زنكين لذلك رفضو .  لكن جدو الوحيد الي وافق ع زواجهم لان شافه انسان زين .  ومن تزوجت امي وره زواجهه بشهر جدي توفه الله يرحمه . راحت امي بالفاتحه . طردووهه وتبرو منهه كدام الكل وحتى الورث الي من جدي مرضو ينطو الهه ومن يومهه ابويه وعدهه يعوضهه وفعلا كام يشتغل ليل ونهار الى ان سوة بيتنه وبنا  واشترالهه بساتان وكبرت وسوالهه كياعين  .وهذا الحجي كان قبل ولادتنه اني واخويه لان ابويه وامي  مجان يصير عدهم جهال وره عشر سنه ياله صار كاظم اخويه  و ورا ب ٦ سنين ياله اني اجيت .  ومسامعه بيوم امي حاجيه عن بيت خوالي بس الي اعرفه عندي خوال ٥  وبالبصره .
.

____
رقيه . شجاج تبارك صدك تحجين قهرتيهه هيج للبنيه .
.
تبارك . رقيه مدا اكدر اتحملهه . البنيه صح ممسويتلي شي .  بس كل ما اتذكر . يمكن تاخذ مكان اختي الله يرحمهه اموت وافور من يمي .
.
رقيه . شجاج صدك هذا تفكيرج . بس دشوفيهه هي بيا حال . المسكينه مبينه مكسورة تكسريهه بالزايد وتدخلين بخطيتهه ليش . . لا تظلمين احد .
.
تبارك . ماكدر . (بصايح) .
.
رقيه.  اوي موصوجج  صوج اليحجي وياج . وهاج هاي الدولمه كمليهه وحدج لو تموتين ما اساعدج .
.
عفتهه وكمت غسلت ايدي . وطلعت للحديقه . شافتني مسحت دموعهه وابتسمت . اني هم ابتسمت الهه وكعدت بصفهه .
.
لا تزعلين منهه هي قلبهه طيب .  بس مو بسرعه يبين عليهه .
.
شهد . عادي .
.
رقيه . شمكعدج هنا بهالجو البارد والدنيا تكصب كصب .
.
شهد . مادري محاسه باالبروده ع كد مكنت محتاجه اشتم هوا .
.
رقيه .  شلون صارت جروح رجليج . 
.
شهد . الحمد لله كلش زينه. رغم بعد شويه توجعني بس كلش احسن .
.
رقيه . اي هواي احسن اول يوم الشفناج جانت حتى عيونج مسدوده .  اكول انتي شمخلصه دراسه .
.
شهد. اني هذه السنه نجحت من السادس . بمعدل ٩٨ .
.
رقيه . يا انه هم . نجحت من السادس . بس معدلي مو مثلج . ٨٧ وانه ادبي وانتي .
.
شهد . علمي .

رقيه . ماشاء الله يعني طب .
.
شهد .  محجيت شي دنجت راسي . لان وين اكدر اداوم واحقق حلمي بعد واني هذا حالي .
.

رقيه . شفتهه ضاجت وانقهرت . 
ياله كومي بارده . هنا ثلجت 😁 كومي نشوف مسلسل بغرفتي نتابعه بالحاسبه ونكرز حب ونحظن الصوبه ونكعد 😁.
.
شهد . تعرفين شكد اتمنى هيج كعده ..

رقيه . لعد كومي ياله .
.
شهد .
طبيت الغرفتهه كانت غرفه حلوة دافيه غرفه بنوته . شغلنه الحاسبه وكعدنه نتابع فلم اجنبي اكشن . وبقينه مستمرين فلم وره فلم . الى ان صاحت النه خاله ام فهد .
.
ام فهد .  بنات ياله كومو تغدو .  رقيه شهد ياله تعالو  . 
.
شهد .
طلعت رقيه قبلي واني رحت غسلت ورجعت اسمع تبارك تكللهه الخاله ام فهد .

تبارك .  انه ما اكعد ع الاكل اذا هي كاعده . اشيل بالماعون واتغدا بغرفتي .

ام فهد . عيب الي تسوي مو اصول .

.
شهد .
  فاتت من يمي وماعونهه بأيدهه . شكد استصغرت نفسي بلحظتهه . وكفت بدايه الهول .وكتلهه .
.
خالة ماشتهي اني راح اصعد انام .
.
ام فهد . ليش يمه تعاي اكليلج لكمه .
.
رقيه . تعاي شهوده انتي حتى ريوك متريكتي  والله الدولمه تفوتج .
.
شهد .  ماشتهي والله .
صعدت للغرفه تمددت بالفراش مكدرت انام ع كد مكنت مقهورة . بقيت بفراشي للمغرب الى ان ندكت الباب ....
.

فهد.
صارلي ٧ ايام بالدوام شكد بحثت ودورت عن اي شي يخصهه ماكو او حتى بلاغ بانه شخص مفقود ماكو لان لو فعلا مخطوفه كان احد من اهلهه بلغ لو الهدرجه ماعدهه احد .  لازم اخذ تفاصيل منهه اكثر حتى افهم . . كملت شغلي اليوم وطلعت من الصبح نازل للبصرة وصلت تقريب ساعه ٦ المغرب فتت للبيت تلكتني امي .
.
ام فهد . هلا يمه . هلا بشمعه البيت .
.
فهد . هلا بيج يالغالية . يمه ميت جوع مماكل شي
.
ام فهد . غالي والطلب رخيص من عيوني . هسه اكوم احميلك الدولمه مالت الغدا تخبل . بقيت الشهد وتالي مرضت تاكل صارت من نصيبك .
.
فهد . شلون صارت هسه .روز علي
.
ام فهد . الحمد لله زينه وين فرق من السما للكاع 
.
فهد . يمه صبي ماعونين واحد الي واحد خل اصعده الهه

ام فهد . اي يمه . هاك . 

اكعد ع الميز واكل ليش انت واكف .
.
فهد . لا هاهيه كلش كافي عود اتعشى وياكم .

اخذت الماعون خليته بصينيه وخليت كلاص مي وصعدت دكيت الباب وفتت للغرفه جانت هي متمدده .
.
كالو مماكله شي اليوم . روز علي .
.
شهد .
فزيت من سمعت صوته كمزت من الفراش جنت متمدده كعدت هو واكف يم الباب
.
اي لان ما اشتهي ..
.
فهد . لازم تاكلين حتى تصيرين زينه . 
.
شهد .  اني جنت انتظرك . ردت اشكرك على الي سويتو ويايه  انت واهلك .  مردت اطلع بدون ما اشكرك .
.
(كمت من الفراش وكفت كدامه )

فهد. وين تطلعين .
.
شهد . وجودي هنا بعد ماله داعي بس اتعبكم وبس اريد اروح .
.
فهد . اي غير اعرف وين تروحين .
.
شهد . بارض الله الواسعه .
.
فهد . ممنوع . صيري زينه وروحي بعدج مو كلش زينه .يحتاجلج بعد راحه

كنت احجي وياها مشفت غير دموعهه تنزل 
.
ليش تبجين . 
.
شهد . مابيه شي لا تشغل بالك وشكرا الك لانك انطيتي فرصه انه ترجع صحتي بالكامل .
.
فهد . بلاهه هالحجي .  . وهسه راح اصيح الرقيه تجي تنزلج وتنزل اغراضج بغرفتهه .  ماشي .
.
شهد .  ماشي . 
.
✍rose_____ali .