أنثى بعثرت كبريائي

انثى بعثرت كبريائي ١٤

البارت الرابع عشر .
.
✍روز علي .

.شهد .
.
باوعت ع الساعه جانت ساعه ٢ . واني كنت ميته تعب . ونعسانه والبيت تراب مينام بي يخنك .
.
لزمته كله تنظيف . غيرت الجراجف ونفظت البردات مسحت الغراض ومسحت االكاع  رجعته نظيف ويلهث . باوعت ع الساعه . ب ٦ . مكدرت اتحمل النعس بعد .  اخذت ملابس سبحت وطلعت شغلت التلفزيون بالصاله وتمددت ع القنفه  ونمت . ...
.
فهد .
حاولت اخلص شغلي من وكت    لان ميصير اخليهه تبات وحدهه . باوعت ع الساعه ب ٨ . كلت خل اتصل عليهه . ادك عليهه متجاوب . بقيت كاعد ع اعصابي وبالي يمهه .  خاف بيهه شي . خاف صار الهه شي . المشكله ماكدر اطلع هسه .  بقيت ع اعصابي . الى ان كملت شغلي . طلعت بسرعه وصلت صعدت للشقه بركض اعبر درجتين درجتين .  فتحت الباب وفتت . لكيتهه نايمه ع القنفه ومكورة نفسهه . الشقه نظيفه و بارده ثلج من وره السبالت  رحت جبت الهه غطه . وغطيتهه   وبدلت ملابسي وطلعت كلت اروح اجيب عشا .
.
جبت . نص كيلو كباب لحم ومقبلات وزلاطه . وجبت  بيض واجبان . وصمون .  جبت . نص كيلو باميه ولحم وتمن كلت حتى تسوي غدا . تسوكت هم  مخظر    كملت مسواك  ورجعت للبيت . فتت خليت الغراض ع الكاونتر هي كعدت تفرك بعيونهه . .
.
شبعتي نوم .
..
شهد . اي .
.
فهد . تدرين اني هم ميت نعس بس جوعان . ياله كسوله كومي حتى نتعشا . .
.
شهد . كمت غسلت وكعدت اكل ويا . جان جايب كباب مشوي .  صفنت . قبل وين شكد جنت اتحسر ع اللكمه . الكباب من ماتو ابويه وامي اني  ماكلته حتى نسيت طعمه  . جنت بس اشتم ريحته . من افوت من يم المطاعم  .  ابتسمت ع ذكرياتي التعيسه كملت اكل شبعت وكمت غسلت ايدي   ورحت سويت جاي الفهد اني ما احب الجاي   فسويت بس اله   . باوعت عليه هو هم كمل اكل . وراح غسل  اخذ خيارهه غسلهه وكعد بالصاله  صبيتله الجاي و وديته اله .
.
فهد . شهد .طلعيلي هدوم اريد اسبح .
.
شهد . ماشي .

طلعتله ملابس داخليه . وتراك وخاولي علكتهن بالحمام  
.
حظرتلك الحمام .
.
فهد . اي عاشت ايدج .

كمت طبيت للحمام وعفتهه هي تلملم بالمواعين ووتغسلهن .  كملت وطلعت هي بعدهه عفتهه و اخذت البطانيه من ع القنفه ورحت  تمددت بالفراش جنت ميت تعب   غفيت وهي بعدهه .
حسيت هي تمددت ع الجربابه بصفي جتني من الله. جنت مسوي نفسي نايم  تمددت واني خليت ايدي ع رقبتهه وحشكت بيهه .
.
شهد ..
كملت تعزيل المطبخ  واخذت ملابس وسبحت وطلعت لان هدومي كلهه تبللت . طلعت من الحمام . باوعت ع الساعه ب ١٢ .  طبيت للغرفه كلت اشوف بلكت اكو فراش حتى انام بالصاله . دورت بالكنتور ملكيت .

شقه شكبرهه شكدهه مابيهه فراش . بس بطانيه ومخاديد ٣ . هو نايم ع ٢ . وباقيتلي ١ .   كلت خل انام يمه شسوي تمددت بهدوء حتى ميحس .  ونمت بطارف الجربايه مشفت غير ايده صارت فوكايه . ع رقبتي .وهو صار راسه يم رقبتي   لابيه اوخره وادفعه ع كد مو  ثكيل  و لابيه اوخر نحبست بمكاني .  تالي عفته ونمت .
.