البارت السادس .
.
✍روز علي . rose_____ali.
.
فهد .
صعدت للغرفه و كلمات تبارك بأذني من تكول نسيتهه . طلعت كل الصور الصور مالاتهه شلون انساها . شلون . وانه سبب موتهه . . بقيت صافن عليهه واتذكر حياتي وياها . انه واباوع ع الصور اجت شهد وضحكتهه ع بالي . ضحكت من يمي . هزيت راسي ورجعت افكر . هيج الك عين وكدام صورهه تفكر بوحده ثانيه لا يافهد مو انت الي تفكر بغيرهه . الي نطت عمرهه علمودك و الي ماتت بسببك تفكر بغيرهه . . تالي هيج تسوي ضميت صورهه وكمت . باوعت ع الساعه بال ٧ نزلت جوة لكيت امي بالمطبخ تسوي ريوك .
.
ها يمه صباح الخير .
.
ام فهد . صباح النور ياروح امك .
.
فهد . اسعد وين .
.
ام فهد . يمه اسعد من غبشة الله طلع . مرته شدت اله تروح الاهلهه واخذهه هي والجهال وراح .
.
يمه ما تكلي شبيك انت والبنت مكعدهه هنا بالمطبخ وخليت تبارك تكلبهه عزه علينه شكو
.
فهد . يمه البنيه البارحه باليل احنه ونايمين طلعت .
.
ام فهد . ها وليش تطلع وين تروح .
.
فهد . ماعرف الضاهر سامعه حجي . وتكول ماريد اكون ثكيله عليكم . وانه متأكد ماكو غير تبارك .
.
ام فهد . تعال يمه . نجي للصح . تبارك هم حكهه تخاف ع رجلهه . والبنت حلوة وصغيره . وجمال وجسم . والعين تصير عليهه . ليش نلوم تبارك . بت غريبه بوسطنه . شتريدهه تسوي .
.
فهد . يمه اذا متريدين ابقيهه كولي اخذهه البغداد . هناك . شقه صاحبي فارغه واكعدهه بيهه .
.
ام فهد . لا يمه والناس شتكول عليك انت تريد تجيب الحجايه النفسك كوة مروة . عوفها هنا يمي ويم عيني انه اعلمهه وافطنهه .
.
فهد . ليش يمه قابل هي جاهله عمرهه ١٨ .
.
ام فهد . اي جاهله مازالهه بكد رقيه جاهله .
.
فهد . بكيفج بعد .
.
ام فهد . اصبلك ريوك . اجت ام الكيمر واخذت منهه كيمر عرب . وانه البارحه سويت دبس .
.
فهد . الله وايدج . بس يوم البارحه من رجعتهه جانت مصخنه . ماشفتيهه شلون صارت .
.
ام فهد . لا تشغل بالك انت بيهه . انه بالي يمهه . بس يمه مروتك اعرف قصتهه . لا هي مرتاحه ويانه ولا احنه مرتاحين . .
.
فهد . ماشي يمه صار .
ام فهد . انه طالعه بنت خالتك جابت وليد البارحه ورايحه اشوفهه
.
فهد . الله وياج .
.
كملت ريوك . وكمت رحت الغرفه رقيه ردت اشوفهه دكيت الباب ولا وحده جاوبت فتحتهه باوعت رقيه نايمه بسابع نومه وشهد نايمه بس موخره الغطا من عليهه كانت لابسه بجامه برموده والتشيرت مالتهه تعاليك . تقربت عليهه . هزيت راسي وغطيتهه بس لحظتهه حسيت الحراره صعدت الراسي خليت ايدي ع راسهه حرارتهه زينه هي فتحت عيونهه ورجعت غمضتهه. عفتهه وطلعت . من الغرفه طلعت كعدت بالحديقه . ليش هيج يصير بيه من اشوفهه . كمت رجعت للمطبخ صبيت جاي الي رفعت راسي شفتهه واكفه باب المطبخ .
.
شهد ..
البارحه الليل كله مكدرت انام من وره الصخونه وخطيه رقيه للصبح كاعده ويايه للصلاه . عاد صلت ونامت واني وراها بشويه نمت حسيت الصبح . شربت مي ورجعت نمت
كنت اغفي بين النايمه والكاعده شفت فهد واكف يم راسي . فزيت من نومي ملكيته . كلت اكيد حلم . كمت بدلت لبست بجامه شتويه ولبست ستره وجواريب وطلعت شفته بالمطبخ محجيت شي بقيت واكفه بمكاني رفع راسه شافني وحجة
.
فهد . تعاي .
.
شهد . رفعت راسي . بتفاجئ .
.
فهد . تعاي تريكي .
.
شهد . مجوعانه . بس اريد جاي .
.
محجه ويايه بس طلع كوب وصبلي وخلا ع الميز
.
فهد . اكعدي .
.
شهد . كعدت ع الكرسي كدامه بس محجيت ولا كلمه كان الصمت سيد المكان . اكثر من دقيقه احنه ساكتين . مكدرت اسكت بعد كتله .
.
حلمت بيك .
.
فهد . بيه انه .
.
شهد . اي انت .
.
فهد . وشنو حلمتي .
.
شهد . ولاشي .بس كنت واكف يمي .
.
فهد . بس واكف .
.
شهد ..اي.
.
فهد. اي زين نعمة .
.
شهد . شنو .
.
فهد . اكو احد تعرفين رقمه من الاقرباء او الاصدقاء .
.
شهد . اي عندي صديقه اعرف رقمهه .
.
فهد . شنو اسمهه .
.
شهد . رؤى
.
فهد . (انطيتهه الموبايل ) هاج سجلي رقمهة
.
شهد .
اخذت الموبايل وكتبت رقمهه . وهو اخذه مني واتصل .
.
فهد .
اتصلت ع الرقم الي سجلته طلعت بنيه .
.
روى . الو . منو .
.
فهد . السلام عليكم خيتي .
.
روى . عليكم السلام .
.
فهد . تعرفين بنيه اسمهه شهد .
.
روى . اي بلي وينهه .
.
فهد . شتصير منج .
.
روى . صديقتي ويايه بالمدرسه .
.
فهد . موجوده يمنه حاليا .
.
روى . صدك وينهه
.
فهد . راح اخليج تحجين وياها .
.
روى . اي فدوه
.
فهد .. قبل ما انطيهه الموبايل دست تسجيل مكالمه .
هاج احجي ويه صديقتج ..
.
شهد . الو .
.
روى . ولج شوشه وينج . ولج والله كلبنه الدنيا عليج.قلوبنه نار .
.
شهد . لتخافين عليه اني بأمان حاليا .
.
روى . ولج اخوج شسوه وراج كام يحجي جذب ويتهمج ويطلع سوالف عليج و وين ميمشي بالمنطقه يصيح انهزمت ويه صاحبهه . وابو صاحب بلغ ع اخوج كاظم وهسه ماخذي الشرطه لان طلع اخوج . متداين من ابو صاحب فلوس . مو بس فلوس ملايين كولي . واخوج موقع انه خلال سنه اذا مرجع الفلوس ابو صاحب ياخذ البستان الجبير مالتكم وياخذ البيت . وابو صاحب من شايفج .كايله الاخوج اتنازل ع كل الدين بس اخذ اختك . وطلع يكبسل وحيل شكد لكو عندة حبوب .
.
شهد . مادري شنو اكلج ..
.
روى . ولج انتي ليش نهزمتي . بس فهمينه.
.
شهد . بعدين اكلج .
.
فهد .
فهمت تريد تحجي وياها اشياء خاصه كلت خل اطلع شويه وارجع . كمت طلعت للحديقه .
.
شهد . روى جانو كاعدين يمي ومكدرت احجي . ولج كاظم موتني كتل . بالحزام وبعوده الماسحه وبذيج الليه كال رايح اصيح ابو صاحب واجيب شيخ يعقد الكم ولج شتريدين ابقه اصخم وجهي واتزوج واحد اكبر من ابويه بمرتين
.
روى . عزه العزاج يعني هو السبب زين انتي وين هسه .
.
شهد . اني كاعده بيت ضابط صرت بوجه سيارتة ع الشارع وكلت لو بالهدف ويساعدني لو بالنجف . المهم داواني وجابني البيت اهله ناس طيبين والله .
.
روى . ديري بالج ع روح . شوشه اني جان كتلج تعالي يمنه بس تعرفين ابويه من وره اخوج شفتي ذيج المره شسوة بيج ..
.
شهد . لا اني ماريد ارجع البغداد وين ارجع وانتي تكولين حتى بيتكم اخذه ابو صاحب .
.
روى . اي حبيبتي وحتى هسه كاتب قطعه الدار للبيع .
.باعي شهد انتي لازم تدورين ع خوالج . لازم تروحين الهم خوما تبقين هيج بيت الناس لاتعرفيهم ولاتعرفين اصلهم
.
شهد . وين ادور عليهم كل عقلج . هو اني اعرف عنهم شي . كل الي اعرفه همه بالبصرة بس . هاي كل معلوماتي .
.
اني واحجي ويه روى شفت فهد دخل للمطبخ . كتلهه .
.
ياله حبيبتي رورو اني اروح . اذا صارت فرصه مره ثانيه اخابرج .
.
روى . الله وياج عمري ديري بالج ع نفسج . ومن تحتاجين شي خابريني .
._____
شهد . اسفه يمكن خلصت رصيدك .
فهد . مو مهم الرصيد اهم شي عرفتي شي ..
.
شهد . كل الي عرفته ماخذين بيتنة وتكولي لتجين ابويه ميقبل . وكالت روحي الخوالج واني خوالي ما اندلهم ولا اعرف عنهم شي . كل الي اعرفه همه من البصره .
.
فهد . متعرفين بيت منو شنو عشيرتهم .
.
شهد . اني اعرف امي من بني سعد .
.
فهد . تره بني سعد خير من الله . مو بس بمكان واحد . بيتمن ابوهه منو . ع اسم امج ندور
.
شهد . فاضل ابوهه اسمه . فاضل جواد .
.
فهد . ماشي . عوفي الموضوع عليه اني ادور . وسولفيلي قصه بيتكم شنو .
.
شهد . من سألني هذا السؤال عفته وكمت ماريد يعرف عني شي اخاف يرجعني .
.
✍روز علي . .
أنت تقرأ
أنثى بعثرت كبريائي
Lãng mạn((قصه باللهجه العراقيه)) . تتكلم عن فتاة يتيمه تحت رحمة اخيها المتوحش . تعاني منه مثل ماتعاني من اليتم والحرمان هاربة منه الى المجهول . ليرسل لها القدر من ينقذها من قسوة حياتها .. . . بقلم✍ روز علي .
