أنثى بعثرت كبريائي

انثى بعثرت كبريائي ١١ .

.
البارت الحادي عشر .
.
✍روز علي . rose_____ali .
.
شهد .
صعدت بركض ع الدرج . وكفت باب الغرفه . جان هو كاعد ع الجربايه ويكلب بالموبايل .
.
اجيت .
.
فهد . سدي الباب وتعاي .
.
شهد . ها ليش ..
.
فهد . ما اكرر كلامي .
.
شهد .سديت الباب وبقيت واكفه
.
فهد . تعاي كعدي خل احجي وياج بصراحه ..
.
شوفي خالاتي وعماتي جايات لان ميريدوج تبقين بالبيت يمنه .
.
شهد .
من كال هيج صدك نقهرت وغرغرت عيوني بالدموع . كتله .
.
يعني شنو بعد ما ابقه هنا .
.
فهد . اسمعي . الكل صار يعرف انه جبتج من الشارع والكل عرف اكو بنيه غريبه فهد جايبهه من بغداد . وهذا شي صح لو غلط . . وصار يطلع عليج حجي . لذلك اني مردت احد يمسج بكلمه او يضوجج ويغثج او تطلع عليج سالفه موزينه . كتلهم شهد خطيبتي
.
شهد . اني (بصدمه) .
.
فهد . سمعي . عماتي ميجن اذا ميباتن وراح يبقن هنا فالاريده منج متباتين وياهن بالغرفه لان راح يسمعنج كلام ويقهرنج وخالتي خديجه احتمال حتى تضربج . اصعدي انتي نامي هنا بالغرفه الى ان يروحن هنه ميطولن اكثر من اسبوع . لذلك اريد اخليهن يتأكدن انتي فعلا خطيبتي وبنفس الوقت اخاف يأذنج . فلازم تنامين هنا بالغرفه ولتخافين انه بمكان وانتي بمكان
.
شهد . بقيت صافنه مادري شنو احجي وشنو اسوي .
.
فهد . ها ولعلمج . اليوم اريد تحجيلي بالتفصيل عن كل شي صار وياج واريد اعرف اخوج ليش مسجون وليش نهزمتي منه .
.
شهد . يمه من كلي هيج تبلعمت معرفت شحجي بس هزيت راسي .
.
فهد. ياله . نزلي .
.
كامت وصلت للباب . صحتلهه . شهد . لحظه . بقت واكفه بمكانهه . واني كمت فتحت خانه الكنتور المقفوله طلعت صندوق فتحته بي حلقه ذهب . اخذتهه بأيدي ورجعت الصندوق وقفلت الباب ورحت عليهه .

انطيني ايدج اليمنه
.
شهد .مديت ايدي واني اباوع بعيونه . لحظتهه تمنيت الي ديصير حقيقه .
.
فهد . لبستهه الحلقه بأيدي . واحجي بداخلي

.ياله تكدرين تنزلين .
.
شهد . نزلت ركض بسرعه دخلت الغرفه رقيه شافتني متوتره .
.
رقيه . شبيج يمعوده شجاج ..
.
شهد . اخوج .
.
رقيه . شبي .
.
شهد . حاجي الخالاتج كايللهم شهد خطيبتي ونطاني هاي الحلقه هو لبسيالي .
.
.
رقيه . خطيبته (بصدمه ) .
. من شفت الحلقه بأيدهه . ضجت كلش . مو ضجت لان لبستهه هي لا . وانما ضجت لان ادري فهد . راح يخليهه تحبه بهاي تصرفاته حتى لو بدون ميقصد . واني ماريد شهد تنقهر او تضوج . كتلهه بس

حبيبتي لتنسين هاي وهميه مو حقيقه .
.
شهد . طبعا مناسيه . امشي نصب عشا .
.
رقيه . ياله .
.
شهد . طلعنه للمطبخ . حظرنه الاكل . وحظرت صينه اكل الفهد . رقيه انتي صعديهه اله واني حودي الخالاتج . .
.
رقيه . ماشي .
.
شهد .
شلت الصينيه وديتهه بالهول يمهن وكعدنه نتعشا اجت رقيه كعدت بصفي .
.
خديجه . الغريبات مسعدات وبنياتنه كاتلهن الضيم .
.
ام فهد . خيتي سمي بسم الله . يمه شهد وديتي عشا الفهد
.
شهد اي خالة .
.
رقيه . خالة تبارك شلونهه ..
.
خديجه . وشلونهه يحظي . بالظيم . .
.
شهد.
كملنه اكل شلت الصينيه غسلت المواعين اني ورقيه وهي سوت جاي . ودتلهن واني دا اصب جاي الفهد .