أنثى بعثرت كبريائي

انثى بعثرت كبريائي ٢٣

البارت الثالث والعشرون .
.
✍ روز علي . 
.
شهد .
خابرت خالتي ع فاطمه . ربع ساعه وجتي لان هي بيتهه مو كلش بعيد . رحت اني وياها للدكتوره زوجهه اخذنه . فحصتني الدكتوره واخذتلي سونار . . كل شي مابي وصحته تمام وكلش زين الحمد لله  واسبوع وادخل بشهري . بس اني  . صاير عندي استبراد . من وره ملابسي الخفيفه و حتى صدري متأذي .  سجلتلي دوه .  شراب . ولازم اشرب سوائل دافيه . واتدفه .   كملنه مرينه من طريق السوك . اشترينه كم شغله مال طفل حبيتهم . فانيله وحذاء صغير . كملنه ورجعنه للبيت .
.
فاطمه . يمه . تره الدكتوره كلتلهه تدفي وشربي سوائل دافيه .
.
ام فهد . شهوده حبابه . اكيد اهم شي عدهه صحتهه وصحة ابنهه . روحي بنيتي بدلي ملابسج وتعاي تمددي . .

.
رقيه . اي غصباً ما عليهه . تدفه . شنو مثلجه ابنه .
.
شهد . ههههه . ابني هم .
..
فتت للغرفه . رجعت لبست الدشداشه القصيره الوحيده الي البسهه وما اختنك . لبست روب فوكاها وطلعت
تمددت ع الكرويت الي بالهول   جابتلي خالتي كلاص حليب دافي   ..
.
ام فهد . هاج يمه شربي . ورقيه جيبيلهه بطانيه . خل تتغطه .  . هم رجعتي لبستي قصير  
.
شهد . خاله والله ما اكدر اختنك .
.
رقيه . ست الحسن شتريد عشا .
.
شهد . ماريد عشا يوكف ع قلبي .
.
ام فهد . تاكلين بسكت ويه الحليب خفيف .
.
شهد . اي خاله . فدوة الايدج . متعبتج اني والله .
.
ام فهد . يمه انتي بنيتي حالج حال رقيه وفطومه .
.
فاطمه . مبقالج شي هينه . اسبوع وطبين بشهرج . وتجيبين وتخلصين وتكومين بالسلامه انتي  والنونو .
.
شهد . ان شاء الله .
.
رقيه . خل اروح اسويلجن عشا . بس قبل ماروح اسوي عشا اروح اصلي . مواح حياتم اموت عليجن .
.
شهد . شكد لوكيه .
.
بقيت اني وفاطمه كاعده  بالهول اني متمدده ع الكرويت وهي كاعده يم رجلي وتسولفلي ع الولاده .  جتي بنتهه من بره تركض وتصيح .
.
اجه خالو فهد . اجه خالو فهد .
.
لحظتهه احس قلبي يريد يوكف .  صار كدامي  عيوني متصدك اني شفته ..  واكف باب المطبخ . 

كعدت بالكوه   ردت اكوم مكدرت بطني كبيره . عايقتني  خليت ايدي بأيد فاطمه وكمت وكفت  دموعي كامت تنزل من وحدهه .  .
.
فهد ..
صارلي ٦ شهور بالاردن .  اول ٣ شهور خلصتهن تدريب ويه الفوج الاول قبل منرجع  بأيام اجاني خبر راح يرجع الفوج الاول   يجي الفوج الثاني فقررت ابقه . ال ٣ شهور الثانيه . . كل هالفتره كان فكري يمهه . بس بنفس الوقت من طلبت هيج منهه خايف عليهه . خايف تروح مني . واعيش الي عشته سابقاً . كنت اخابر امي واسأل عليهم   واسأل عليهه الهه بالذات مرات اسمع صوتهه قلبي يفرفح عليهه   ع كد ما اشتاق الهه .  . كملت التدريب ورجعنه للمقر من البارحه  انطوني اجازه شهر  كامل .  . طلعت من المقر الضهر . وصلت للبيت تقريب ساعه ٦ . تلكوني بنات فاطمه بوستهم . وفاتو يركضون قبلي .  نزعت البسطال وفتت . للبيت وكفت باب المطبخ صارت هي كدامي . نايمه ع الكرويت  شافتني كعدت .  . وبالكوه وكفت اباوع عليهه بطنهه شكبرهه . واكفه ودموعهه تجري . وعيونهه تعاتبني .
طلعت امي من الغرفه بجادر الصلاه . جتي حظنتني  وتبجي . .
.
ام فهد . هلا يمه . هلا بعد روحي ونظر عيوني  هلا بشمعه البيت .
.
وخرت امي مني هي وتمسح دموعهه بوست ايدهه وراسهه . جتي فاطمه حظنتني .