أنثى بعثرت كبريائي

انثى بعثرت كبريائي ١٢

البارت الثاني عشر .
.
✍روز علي . rose_____ali .
.
فهد .
من بين دموعهه وكلماتهه وقلبي الي يجري دم مثل ما تجري دموعهه ع خدهه ايدهه الي لازمه ايدي ودقات قلبي الي تزيد . نطقت هالكلمه .
.
تتزوجيني .
.
شهد .
بقيت صافنه . بعيونه من كالهه . والافكار تدور بعقلي ليش بهالوقت بالذات الهدرجه اني ذليت نفسي وخليته يشفق عليه . جريت ايدي من على ايده .
.
لا ماريد هيج زواج لمجرد انه انت انقهرت عليه .
.
فهد ..سمعي زين . خل افهمج . مجرد عقد ع ورق . حتى انتي تكدرين . تكملين دراستج .حرامات تعوفيهه ومبقه شي ع التقديم . وبنفس الوقت . تكدرين تبقين هنا شكد ميعجبج . وشوكت متقررين انه تنهين كل شي مراح امنعج .
.
شهد . كنت اباوع عليه واحجي ويه نفسي . ((هيج ميريدني هيج ميشوفني ولايفكر اكون زوجه اله . بس كلامه صح . اني وين اروح اذا ارفض . شلون اعيش هنا بعد . شلون اكمل دراستي . وين اعيش اذا طلعت . )). بكسران خاطر . كتله .
.
ميخالف . موافقه .
.
فهد ..فرحت من وافقت كنت بس اريد اضمن وجودهه يمي . اريد ابقيهه يمي ومتحس انه هي ثكيله كنت احاول اعوضهه عن الشافته بأي طريقه . بعد محجت ويايه اي شي .كتلهه .

وين تحبين تنامين .

كامت من يمي وراحت كعدت ع المندر بالكاع .
.
تعاي نامي انتي ع الجربايه واني انام بالكاع .
.
شهد . لا ميحتاج . خليني اني هنا بمكاني . ارتاح اكثر .
.
فهد . بكيفج .
كان الصمت سيد المكان . تمددت ع الجربايه . وبقيت افكر بيهه . الليل كله بس اتكلب مره اتغطى ومره اتكشف . وجودهه بالغرفه موترني . تالي متحملت كمت ورحت كعدت ع الكرسي كدامهه . جانت هي نايمه بسابع نومه . صبيت كلاص مي وكعدت اشرب وانه صافن عليهه .

يا يابة اول ليله وياها هيج حركت قلبي جا اذا تبقه يمي كم يوم شيصير بحالي .
.
كاعد واحس النار بيه تلهب حتى النفس الي اتنفسه احسه مجمر . وتطلع روحي ويا . بقيت للصبح ع هاي الكعده . لحد ما صارت ساعه ٦ متت . جن تحررت من قفص نار . لبست بلوزتي ونزلت للمطبخ . لكيت امي وخالاتي وعماتي كاعدات بالمطبخ . صبحت عليهن وفتت .
.
ام فهد . يمه تريد ريوك .
.
فهد . لا يالغاليه تسلمين . اريد بس جاي .
.
ام فهد . اي يمه تدلل .
.
خديجه . اكول . مريتك متكوم تسويلك لكمه لو من هذن لينامن للضهاري .
.
فهد . تسويلي بس اني ماريد .
.
خديجه.. واحنه هم منريد . لو مو بعينهه ع الاقل تكول خالات رجلي . احظرلهن ريوك
.
فهد . استغفر الله ذبيت كوب الجاي من ايدي ع الميز بعصبيه وعفته ورجعت صعدت للغرفه . انزل جوة خالاتي يكركن . اصعد بالغرفه هاي نايمه وين انطي وجهي صحت بحده .

اووووف
.
ع صيحتي فزت من نومهه .
.
فهد . ابويه انتي رجعي نامي بعد وكت .
.
شهد .
فزيت من نومي ع صيحته باوعت عليه شفته يفتر بالغرفه وعصبي مدري شبي . كتله
.
صباح الخير .
.
فهد . صباح النور . حجيت بقلبي
.
شهد . فهد بيك شي .
.
فهد .مابيه رجعي نامي . بعد وكت .
.
شهد . ماريد انام بعد ... بس اكيد مصاير شي .
.
فهد .
مجرد محجت ويايه هيج هدأت . هاي لو تحظني شيصير بحاالي . كعدت ع داير الجربايه .
.
مابيه شي ابويه انتي بس شويه تنرفزت .من خالاتي ميعرفن يحجن . (بهدوء)
.
شهد . ابتسمت وكمت من الفراش عدلته وطلعت نزلت الغرفه رقيه اخذت ملابس وفتت للحمام . غسلت وطلعت سويت شعري . وبلشت بتعزيل البيت مجان بي شي فتت للمطبخ . غسلت المواعين . الوصخه ومسحت الغراض باوعت من الشباك جانن خوات خالة كاعدات بالحديقه . كملت المطبخ وطلعت رحت الغرفه خالة اريد اعزلهه سمعت صوت خالة خديجه . تحجي بالموبايل وتبجي فاتحه سبيكر .
.
خديجه . ولج تبارك طلعو مخطوبين .
.
تبارك . يوم .اني هسه راح اجي ولايهمج جايه .
.
شهد .
سمعت هالكلمتين وخرت من يم الباب . خفت احد يشوفني ويكول تسنط ع الحجي . رجعت للمطبخ . شويه وجتي هي ورايه محجت ويايه . غمتني بأيدهه وفاتت .طلعت للحديقه اخذت نفس بقهره . والدمعه صارت بطرف عيني بس منعت نفسي ماريد ابجي بعد . شفت باميه ع الكاونتر كعدت اكلمهه الهي نفسي . خلصتهه باوعت ع الساعه ب ٩ كمت غسلت ايدي . طبتلي تبارك للمطبخ هجمت عليه كفشتني من شعري وتجر بيه وتصيح