أنثى بعثرت كبريائي

انثى بعثرت كبريائي ٩

.
البارت التاسع .
.
✍روز علي .
.
كنت اعرف مهيمن يقصد شهد بكل كلمه . وهذا اكثر شي ضوجني . محترم وجودي . وعينه عليهه واني موجود .  بقيت واكف بالمطبخ  لابيه اطلع واعوفه ولا بيه ابقى . اعصابي صارت نار . بالكوة سيطرت ع نفسي ومضربته . كمت احس الحراره تطلع من اذاني . صحت . 
.
فهد . شهد .(بعصبيه) .
.
شهد . ها .(بخوف) .
.
فهد . اريد استكان جاي .
.
شهد .
(التفت ع رقيه . وكتلهه) . رقيه من يمج استكان جاي الفهد .
.
فهد . كتلج الج مكلت الرقيه (بعصبيه) .
.
شهد ..
متت خوف كلت اكيد بي شي . صبيت استكان الجاي واخذته اله . تقرب عليه ودنج يم اذاني .  وصار يحجي وهو صاك ع اسنانه .
.
فهد . وحق علي ابو الحسنين .  اذا بقيتي هنا اخليج تنسين اسمج . وريني عرض اجتافج وروحي يم امي احسن الج فااهمه (بحده) .
.
شهد . محجيت شي .  بس هزيت راسي اي . تحركت وعفته ورحت للصاله .  .
.
نرجس . علكيفك ابن خالتي شدعوه هالعصبيه تره محد راح ياكلهه . .
.
رقيه .  نرجس سكتي .
.
نرجس . لا ليش . اسكت . غير نعرف ليش يريدهه تروح بالصاله . شنو ميريدهه تشتغل ويانه ويخاف عليهه لو لان الولد بالمطبخ . اذا لان الولد فمعناها يغار عليهه . لان هذا طبعنة بكل لمة ننجمع
.
فهد . صمي حلكج احسنلج فتهمتي لو لا   وشغله متعنيج حتى تدخلين بيهه . اكعدهه اكومهه امشيهه مالج دخل فاهمه     (بصايح وعصبيه) .
.
نرجس . اوووي واني شعليه .
.
رقيه . كتلج سكتي معليج .
.
نرجس . يعني هسه اريد افتهم هو يحبهه لو لا .
.
رقيه . ولج انتي شنو دكلج سكتي . نصي صوتج .
.
فهد . اي احبهه . عندج اعتراض . .
.
مهيمن . هلا هلا   طلعت مخيل عليهه . اكول  ليش صار عصبي من تغزلت بيهه .
.
فهد .
من كال هالكلمه . بعد مكمت اتحمله هجمت عليه لزمته من ياخته .بأيد وضربته بوكس بالايد الثانيه . ولد خالتي الباقين يجرون بيه .
.
احترم نفسك شنو مخيل عليهه . دحجي هذا الحجي مره ثانيه ورب الكون اخليك تحفر كبرك بأيدك .
.
عروبه . يمه راح ابني   وخر ايدك  خنكته  للولد . جاي متحمل علينه . من وره هاي الساقطه الي ملفيهه من الشارع . شنو عبالك غشمه وتكولون بنت عم ابونة  لو شفتونه جهال . امه لا اله الله تدري انت جبت وحده وياك من بغداد  وعايشه بيتكم والله يعلم شلونهه ملونهه . ياما تحت السواهي دواهي .
.
نرجس . لاعاب حلكج يمه . . ياما تحت السواهي دواهي .
.
فهد .
سمعت حجي خالتي . وخرت ايدي من على مهيمن  بدفعه قويه وطبيت للصاله . كومت امي وعطت بيهة
.
يمه ياله كومي
.
ام فهد . ها يمه .
.
فهد . مو وكتج . كومي يمه كومي . (بعصبيه)
.
ام فهد . اي يمه جايه بس اجيب عباتي .
.
فهد . رقيه اريدج كدامي . 

طلعت واني اجر شهد من زندهه وضاغط  ع ايدهه ع كد مو اعصابي متدمره من الحجي الي سمعته من خالتي  دفعتهه بالسياره   وصعدت رقيه وصعدت امي .صعدت اني ومشينه . اسوق . واني ضاغط ع اعصابي . ومتنرفز وبس احد يحجي يمكن انفجر بوجهه . متحملت الى ان اوصل للبيت . وكفت السياره ع جانب الطريق وحجيت
.
يمه انتي حاجيه الخالتي ع شهد .
.
ام فهد . لا يمه وغلاتك محاجيه .
.
فهد .  منو الحاجي .منو الحاجي . (بعصبيه وصايح) .
.
ام فهد . استهدي بالله يمه . صل على محمد وال محمد  شصايرلك شجراالك . 
.
فهد .
اخذت نفس عميق  وشغلت السياره باوعت عليهه من المرايه الاماميه . تبجي وتمسح دموعه .  هالمره اني شفتهه تبجي .لو احس قلبي احترك وصار نار .
.
استغفر الله ياربي .
.
ام فهد . اي يمه استغفر الله . استغفر .  موزين هيج هالعصبيه تعم ع روحك . اهدئ وفهمني شصاير .
.
فهد . مصار شي يمه .
.
وصلنه للبيت   دخلت السياره للكراج . نزلو من السياره ديفوتون للبيت . صحت  .. شهد .
.
شهد .
كلش تأذيت من جرني . اصابيعه كانت نابته بأيدي الى ان دفعني بالسياره . حسيت ايدي تريد تنكطم . شكد ضجت ونقهرت لان يعاملني بهيج طريقه  شنو لان هو ساعدني . راح يذلني ويسويني عبده عنده . الطريق كله اني دموعي تجري من وجع ايدي وهو بس يصيح  واني اموت ولا اسمع واحد يصيح كلش اخاف  من اني وصغيره صارت بيه خوفه . كل ما يصيح اخويه اعرف راح يضربني لذلك اي واحد يصيح تصير عندي رد فعل .  صياحه بالسياره . زاد الطين باله صرت احس كل شويه راح يندار عليه ويضربني الى ان وصلنه للبيت متت  .  نزلت من السياره . وصلت الباب المطبخ صاحلي . التفت عليه   بس بقيت واكفه بمكاني .
.
فهد . تعاي .
.
شهد . شنو . .
.
فهد . تعاي هنا شبيج شنو خايفه مني .
.
شهد . (حجيت بداخلي اي والله ميته خوف ) .
.
لا ليش اخاف .
.
فهد .
جتي تقربت مني . اني جريتهه من كف ايدهه وقربتهه عليه اكثر . صارت المسافه بيني وبينهه مجرد سانتيمات .  وايدهه بأيدي ترجف .
.
يعني مخايفه .
.
شهد . (هزيت راسي لا ) .
.
فهد . لعد ليش ترجفين .
.
شهد . مادري .
.
فهد . اسف . اذيتج .

(اول مره بحياتي اعتذر . اكثر شي اكرهه بالكون هو الاعتذار . ويمكن طول عمري ممعتذر الاحد مهما كان غلطي وحتى اذا اعرف اني غلطان وراح الشخص المقابل اخسره  وما اعتذر .  بس ليش الهه اعتذرت مادري ) .
.
شهد . لا .
.
فهد . اكيد . يعني ايدج هسه مكاعد توجعج . بصراحه .
.
شهد . بس شويه .
.
فهد . اسف مره ثانيه . مكدرت اسيطر ع اعصابي .
.
شهد . وشنو الي صار وخلاك هيج تصير عصبي .
.
فهد . لتشغلين بالج . وياله روحي نامي .  وارتاحي .
.
شهد . وانت وين راح تروح .
.
فهد . راح اطلع . 
.
شهد . بس هسه بارده . والوقت متأخر .
.
فهد . (رفعت الهه حاجب وكتفت ايدي ) .
يعني خايفه عليه .
.
شهد . مكدرت احجي من سألني توترت . بس صرت افرك اديناتي وحده بالثانيه .
.
فهد . فوتي ياله . روحي نامي . وارتاحي . تصبحين ع خير .
.
شهد . وانت من اهل الخير .
.
عفته واكف بره بالحديقه واني طبيت . بدلت ملابسي وتمددت . ورقيه متمدده بفراشهه . صحت الهه . رقيه .
.
رقيه . نعم .
.
شهد . شبي فهد ليش هيج صار عصبي .
.
رقيه . يمعود خالتي وبنتهه كامو يحجون حجي زايد . وهو تخبل .
.
شهد . بخصوص شنو .
.
رقيه . مادري احد كايل الهه انتي مو بنت عمنه .
.
شهد . تتوقعين منو كال .
.
رقيه . والله يا حبيبه ماكو غير تبارك .
.
شهد . تبارك ليش هيج تكرهني وتضوج مني .
.
رقيه . اووف يا شهد سالفه طويله . عوفج منهه . بس مختصرهه تخاف لا تاخذين مكان اختهه .
.
شهد . واختهه شبيهه وثانيا وهي تبارك شتصير منكم .
.
رقيه . تبارك بنت خالتي خديجه . خالتي الجبيرة .
.
شهد . اسعد اخذهه عن حب لو زواج تقليدي .
.
رقيه . عن حب مات عليهه .  وجان ابن عمهه يريدهه وانخطبت الابن عمهه غصب نهوة يعني وابن عمهه سماج جان ورايح من الغبشه يصيد سمج وكع بالشط وغرك ومات . الله يرحمه . وره السنه عاد نخطبت الاسعد . وجانت هي تحب اسعد من هي وصغيرة .
.
شهد . شكد حلو الي يتزوج عن حب .
.
رقيه . طبعا .ليش هو اكو احلى من الحب . اووف شيسوي بالواحد
.
شهد . عليج الله احجيلي شيسوي .
.
رقيه . الحب اذا انتي فرحانه يخليج تبجين واذا انتي حزينه يخليج تبجين . الحب يخليج تحسين انتي طايره بالسما وعايشه بارض الاحلام والسعاده محاوطه قلبج هاي اذا كان حبيبج هو هم يحبج . بس اذا هو باله مو يمج . باليوم تموتين الف مره .  ومن تشوفين الي تحبي هيج قلبج يرفرف ويطكطك ومتحسين بروحج شتسوين .
.
شهد . هم حبيتي .
.
رقيه . اي . بس لتكولين الاحد .
.
شهد . طبعا ما احجي .
.
رقيه . احب .سرمد ابن عمتي نوريه .
.
شهد .  وهو .
.
رقيه . هو هم يحبني . بس ماكو بيناتنه حجي بس من اروح الهم . وراد يجي يخطبني بس انه مقبلت عمن ارد اتخرج .
.
شهد . هو هذا الصح . اهم شي الشهاده .
.
رقيه . وانتي حبيتي .
.
شهد . لا ابد . تدرين اني حياتي كلهه مو مثل حياة الناس . من اني وصغيره ماتو اهلي .  اني وصف سادس ابتدائي .مات ابويه ورا ب ١٠ ايام ماتت امي . ومن بعدهم عشت بضيم  بالموت ياله تخرجت من السادس . عشت ع صدقات صديقاتي واالتبرعات . رغم ابويه جان عنده املاك خير من الله . عنده مزرعه وبستان يوكلن عوائل بخيرهن . يوكلن عوائل وبنته جوعانه . تتحصر ع اللكمه ...
.
✍روز علي .