.
البارت العشرون .
.
✍ روز علي . rose_____ali .
.
فهد ..انتظريني هسه اجي .
.
نزلت من الغرفه . تلكتني خالتي .
.
خديجه . ها بشر .
.
فهد .
عفتهه ومشيت رحت الغرفه رقيه وصحت الامي .
.
ام فهد . ها يمه .
فهد . اريد قطعه قماش بيضه .
ام فهد . شحتسوي هاي خالتك كاعده وتحرك بعماتك وتحجي بالبنيه . لو مخليهه لليوم ليش استعجلت ييمه .
.
فهد . يمه ومنو كلج استعجلت تره شهد بعدهه بنيه مصار شي بيني وبينهه .
.
ام فهد . جا مو كتلي عريس ..
.
فهد . اي يمه جان قصدي اعترفتلي تحبني وتقبلتني كزوج . الهه .عريس لان بعد جان بعد اسبوع ع زواجي يعني ماصار شي بيني وبينهه .
.
ام فهد . كللولوووووووووش .
.
فهد . ها يمه شبيج .كمتي تهلهلين بسرعه .
.
ام فهد . يعني راح اطب بعين خالتك واكسر خشمهه .
هاك يمه . وماوصيك . لتنسه الصلاه .
.
فهد . صار يالغاليه .
.
ام فهد . خليهه بجيبك . واني حوكف انتظرك جوه براس الدرج .
.
فهد . صار . تأمرين بعد شي ثاني
ام فهد .سلامتك .
.
.فهد .
صعدت للغرفه وامي وكفت براس الدرج . فتت جانت شهد كاعده ابدلتهه . طبيت للغرفه وقفلت الباب .
.
شهد . وين كنت .
.
فهد . رحت اجيب قطعه قماش بيضه .
.
شهد . وشتسوي بيهه .
.
فهد . راح يكون بيهه الدليل . .
.
فتحت الجرار طلعت شفره مالت حلاقه .
.
شهد . فهد بطلت ماريد انطي اي دليل ولا انطي اي اثبات .
.
فهد . انه لو بس ماخذج اليوم للفندق ع الصار تندمت ندم مصاير . .
.
شهد . فهد . ماريد تأذي نفسك علمودي .
.
فهد . (حظنتهه وبوستهه) . ولج انه مستعد اموت وانطي روحي علمودج .
.
اخذت الشفره وجرحت ايدي شويه من يم العكس . مجرد صارت قطرات بالقماش الابيض . عقمت الجرح وخليت لزكه وعادي ولا كأنه شي صار بدلت ملابسي و . لبست دشداشتي .
.
وهسه .
.
شهد . وهسه شنو .
.
فهد . نزعي البدله ولبسي هذا السيت الابيض .
.
شهد .ليش .
.
فهد .لان راح انزل انطي هاي الامي ... واصعد بس اخاف يصعدولج ويايه .
.
شهد ..لاعفيه لتنزل لعد ..
.
فهد . لتخافين تعاي اساعدج .
.
قربتهه عليه وفتحت الهه سحاب البدله ونطيتهه السيت . وفليت من ماشات شعرهه . خربطت الجرجف مال مندر الصدر . .
.
شهد . هاي ليش .
.
فهد . بعدين افهمج . . .
بستهه من شفتهه بوسه سريعه وطلعت من الغرفه . نزلت من الدرج شافتني امي كامت تهلهل . انطيت البياض الامي وصعدت طبيت للغرفه وقفلت الباب مخليت احد يلحكني .
.
.
رقيه .
بقن خالاتي وره مصعد فهد يحجن ويتهمن بشهد . بس من نزل فهد وشايل البياض بيده كلهن سكتن امي اخذته من ايده وهو صعد بسرعه عرفنه ميريد احد يصعد . امي شالت البياض بنص الصاله وكامت تهوس وتدبج . خالاتي بعد محجن ولاكلمه لاهنه ولا عماتي .
كامن النسوان يروحن يتعذرن من امي ويطلعن .وخالاتي هم اجن بوسن امي وتعذرن منهه وراحن . بقن بس عماتي . بالبيت . .
.
أنت تقرأ
أنثى بعثرت كبريائي
Romans((قصه باللهجه العراقيه)) . تتكلم عن فتاة يتيمه تحت رحمة اخيها المتوحش . تعاني منه مثل ماتعاني من اليتم والحرمان هاربة منه الى المجهول . ليرسل لها القدر من ينقذها من قسوة حياتها .. . . بقلم✍ روز علي .
