.
البارت العاشر .
.
✍روز علي . rose_____ali .
.
رقيه . صدك نقهرت عليهه تحجي واني من يمي تنزل دموعي . تالي جرت حسره وسكتت . واني محبيت اكلهه كملي واهيج عليهه جروح ومواجع . سكتت اني وهي هم سكتت . الضاهر بقت تفكر عفتهه ونمت .
.
فهد .
بقيت كاعد بالحديقه مطلعت من البيت باوعت ع الساعه ١٢ . فتت للبيت وصعدت للغرفه بدلت ونمت ثاني يوم كعدت من ال ٥ الصبح غسلت وصليت ونزلت الدوامي . حتى بدون ما اسلم او احجي ويه احد لان كنت احس نفسيتي كلش تعبانه . من وصلت للدوام خابرت امي انطيتهه علم .. كنت محتاج ابتعد عنهه وافكر واختبر نفسي بغيابهه .
.
شهد .
كعدت من نومي البيت هدوء كمت غسلت وسويت ريوك الي والرقيه تريكت اني وعفت ريوك رقيه . غسلت المواعين ولملمت البيت اجتي خالتي من السوك اخذت المسواك من ايدهه عزلته و كملت
.
خالة فهد فوك لو طلع .
.
ام فهد . لا يمه فهد بالدوام خابرني من الصبح .
شهد . خوش لعد راح اصعد اكوي ملابسه .
.
ام فهد . اي فدوة الطولج مابينه حيل العصبيته .
شهد .
صعدت الغرفته نظفتهه وغسلت ملابسه الوصخه كلهه وكويتهه ورتبتهه بالكنتور . بقيت اعزل وارتب بي اله خانه وحده مكدرت افتح الباب مالتهه مقفولة بس صابني الفضول حاولت افتحها منفتحت . عفتهه ونظفت الغرفه . بقيت هالسبوع كله هيج من اشتاقله اصعد الغرفته انظفهه وانزل حتى لو نظيفه . هالايام كلش مشتاقتله وضايجه بدونه احس وجوده كدام عيني حتى لو ميحجي ويايه يكفي .
اليوم صارله سبعه ايام بالدوام يعني اليوم ينزل كعدت من الصبح نظفت البيت اني ورقيه وسوينه غدا مقلوبه صارت ساعه ١ كعدنه نتغدا اني وخالتي واسعد ورقيه
كملنه غدا وغسلت المواعين ورقيه سوتلهم جاي . اسعد راح الغرفته لان خطيه اليوم جا ومرته لحد هسه مترضه ترجع ندك الجرص طلعت رقيه فتحت الباب طبن نسوان للبيت اني واكفه بالمطبخ شافني سلمن عليه وفاتن للهول .اني مرحت يمهن . اجت رقيه حضرت الهن صينيه جاي وماعون بي جرك . اخذت جركه وكفت اباوع عليهن و اكل سألت رقيه .
.
منو هذن
.
رقيه . خالتي خديجه ام تبارك وخالتي تماضر وعمتي نوريه ام سرمد . وعمتي ياسه تصير مرت عمي
.
شهد .
اخذت رقيه الصينه ورجعت اخذت الهن مي وعافتهن وجتي
.
رقيه . ياله امشي .
.
شهد .وين .
.
رقيه . نغسل لصبابه الوره البيت .
.
شهد . ياله .
.
فهد .
مر الاسبوع عليه مثل السم . بالكوة مسيطر ع نفسي اريد بس اشوفهه . كملت دوامي ونزلت للبصره وصلت البيتنه تقريب ساعه ٥ العصر فتت للبيت لكيت خالتي خديجه وخالتي تماضر كاعدات و وياهن مرت عمي وعمتي وامي ... سلمت عليهن وبوست امي وصعدت ابدل . بدلت ونزلت . سمعت حجيهن وكفت بنص الدرج منزلت كلت خل افتهم .
خديجه . اول شي عيب ع ابنج . يلفي وحده من الشارع ممعروف اصلهه من فصلهه بالبيت كاعده ماكله شاربه . ويخلي مرت اخو عد اهلهه مسربته هي وجهالهه . لا رجال يلمهه ولا عيال يلموهه .
.
ام فهد . سوده عليه وينه رجلهه . مجلب بهاللوري يوم هنا وعشره مو هنا . واذا ع العيال فبنت اختي بطن عيني محد جبرهه تطلع من بيتهه .
.
نوريه . خيه صدك تحجين . جا هي مو مخيرتكم وكايلتلكم لو بنت الشوارع لو انه بالبيت .
.
ام فهد . وشتريد تمشي كلمتهه ع فهد .انه امه ماكدر امشي كلمتي عليه .
.
العمه . والله انه اشوف وجودهه ماله داعي . ومازال هيج انبلغ عمومته همه ايتفاهمون ويا . البنيه مالهه كعده هنا .
.
فهد .
نزلت من الدرج وحجيت بصوت عالي .
.
باي حق تقررون بمكاني .
.
خديجه . خاله عيوني انت . مرت اخيك . لازم ترد بيتهه وشرطهه ماترجع اذا مو هالبنت تطلع .
.
فهد . راح انطيكم معلومه مثل ما تبارك هذا بيتهه شهد هذا هم بيتهه . لان شهد خطيبتي . يعجبكم اهلا وسهلا ميعجيكم . هاي مشكلتكم .
.
خديجه . اكف يعني هاي الي اخذت مكان بنيتي . من البشارع هي نستك . نستك شلون بنيتي ضيعت عمرهه . علمود تخلفلك الولد نسيت فهد .
.
فهد . خالة منسيت . ولا راح انسه . بس الراح راح . وشهد خطيبتي . بلغي هذا الكلام التبارك حابه ترجع اهلا وسهلا . متريد ترجع هذا الشي مو اني الي اقرره .
أنت تقرأ
أنثى بعثرت كبريائي
Romantik((قصه باللهجه العراقيه)) . تتكلم عن فتاة يتيمه تحت رحمة اخيها المتوحش . تعاني منه مثل ماتعاني من اليتم والحرمان هاربة منه الى المجهول . ليرسل لها القدر من ينقذها من قسوة حياتها .. . . بقلم✍ روز علي .
