.
البارت السادس عشر .
.
✍ روز علي . rose_____ali .
.
فهد . انت تستغبين لو غبيه من صدك . (بصايح) .
.
جريت الموبايل من ايدهه وركعته بالكاع .بالكوة سيطرت ع اعصابي وما الزمهه اموتهه بأيدي .
اريد من الله بعد اشوف موبايل بأيدج . تنشرين صورج . هم ياريت لو صفحه خاصه واكول عادي بس بكروب عام ومختلط تستعرضين بنعالاتج (بغمازاتج) متونسه ع غزلهم متونسه ولج هذوله اكبر ساقطين . ولج بسوالفهم هاي يطيحون حظ الوحده بسوالفهم هاي يستدرجون . كل عقلج تسوين هيج تصرف . اني جنت متوقعج عاقله وفاهمه طلعتي زعطوطه وجاهله .
ول يابه شسوي بحالي هسه ولج تحركين الفاد انتي ..
.
جانت هي كاعده ع الجربايه ولازمه خدهه بأيدهه وتبجي واني واكف فوك راسهه واصيح والموبايل يم رجلهه مطشر . . بقيت اروح وارجع بالغرفه . ومحجيت بعد شي . وهي كاعده وتبجي . وشهكاتهه ويه البجي تمرد بروحي .مكمت اتحمل .
ول يابه كافي بجي . .ابويه انتي كافي .
.
ويل قلبي من اكلهه سكتي هالمره تزيد . تقربت عليهه وكعدت ع ركبي يم رجلهه . ولزمت ايدهه .
.
من فدوات لعيونج كافي والله مردتي افادي مرد . كافي ابويه انتي .
.
ولج عسى ايدي بالكسر .اذا بعد تضربج .
.
شهد ..
من كاال هيج ضحكت كتله . .
.
اسم الله .
.
فهد . من دعيت ع نفسي بالكسر هاي ضحكتج . اروح فدوة الضحكتج كافي دموع . واذا ع الموبايل انه اجيبلج اغاته .
.
شهد . اكيد .
.
فهد . اكيد . بس شوفي . انه ماعندي مانع تفتحين فيس او اي برنامج . بس بحدود . شهد ما اقبل تحجين لا بالتعليقات ولا خاص ويه اي ولد . انه اريد بس التعرفيهم وبنات بس . مو غير . فاهمه . ورمز ماكو . وصور هم ماكو . واضح .
.
شهد . اي .
.
فهد . وعد تسمعين كلامي .
.
شهد . اي وعد .
.
فهد . كلام ارجال .
.
شهد . ضربته بأيدي ع جتفه وكتله. اني مورجاال .
.
فهد . انه اريدج تصيرين رجال يم الكل . بس يمي اريدج مره .
.
شهد . وهاي شلون .
.
فهد . تعاي اكلج شلون . .
كمت واخذتهه من ايدهه للحمام .
الحمام خارج الغرفه . غسلت الهه وجهه بأيدي . وصرت احرك ايدي ع وجهه بهدوء واصابيعي تمشي ع شفتهه . جانت هي واكفه وصافنه بعيوني . تقربت عليهه وبستهه بهدوء من شفتهه . شويه وخرت كنت حاب اشوف رد فعلهه . وخرت واني اباوع بعيونهه .
بس وخرت منهه رادت تطلع من الحمام اني جلبت بأيدهه .
.
اوكفي لتروحين ماسوي شي بعد والله بس ابقي .
.
شهد .
اول بوسه بحياتي . لحظتهه احس روحي ماعت مادري شنو راد يصير بيه ماعرف شلون اوصفهه . لحظتهه طلعتلي جناحات وطرت بالسما . كنت بداخلي اريده يستمر . وبنفس الوقت اريده يوكف . من وخر مني متحملت بعد اباوع بعيونه احس روحي صخنت . وخجلت . ردت بس اطلع هو جلب بأيدي . اخذني ويا للغرفه . نشف وجهي بالمنشفه من المي . ونام هو وجرني نيمني بصفه . اني مكدرت احجي شي بعد . بقيت بس صافنه بعيونه .
.
فهد . شوكت حترحميني .
.
شهد . شلون يعني .
.
فهد . يولي انتي شاعله ابو ابويه وشالعه قلبي وتكليلي شلون يعني .
.
شهد . اي غير افتهم .
.
فهد . اريدج .
.
شهد . شتسوي بيه .
.
فهد . تغبين نفسج لو شنو .
.
شهد . فهد والله مدا افهم .
.
فهد . اريد اخذج .
.
شهد .وين تاخذني
.
فهد . ول يابه قلبي ماريد شي عمي . وعلي الفحل ماريد شي . خل اكوم .
.
شهد . قبل ميكوم لزمت ايده . ومخليته يكوم . فهد . شبيك .والله مدا افهم شنو تقصد .
.
فهد . تقريبت عليهه وحجيت بهدوء .
أنت تقرأ
أنثى بعثرت كبريائي
Romance((قصه باللهجه العراقيه)) . تتكلم عن فتاة يتيمه تحت رحمة اخيها المتوحش . تعاني منه مثل ماتعاني من اليتم والحرمان هاربة منه الى المجهول . ليرسل لها القدر من ينقذها من قسوة حياتها .. . . بقلم✍ روز علي .
