أنثى بعثرت كبريائي

انثى بعثرت كبريائي ٧

البارت السابع .
.
✍ روز علي .     rose_____ali .
.
فهد .
صدك ضجت من تجاهلتني وعافتني وكامت  اني هم كمت من مكاني لزمتهه من ايدهه قوي  
.
انتي شبيج مو جاي احجي وياج . سألتج سؤال جاوبيني عليه .
.
شهد . واني ماريد اجاوب  
.
فهد . جا هي على مرامج وبكيفج .
.
شهد . اي بكيفي شنو الي يخصك انت ماريد احجي بهاي المواضيع .
.
فهد . مادام هيج يعني عندج شي يعني اكو شي ضامته .
.
شهد . يعني شنو مثل شنو تقصد .
.
فهد . الا اذا انتي مهزومه ويه احد او مسويه مصيبه واهلج كاشفيج .
.
شهد . شتقصد . مصيبتيش .
.
فهد . لتغبين نفسج عاد وتسوين نفسج كل شي متعرفين .
.
شهد . والله العظيم مدا اعرف شنو تقصد .
.
فهد . (تقربت عليهه وهي صارت ترجع ليوره الى ان وصلت للحايط. ) .
.
يعني مثلا تكونين مو بنت .
.
شهد .
متت خوف من صار يتقرب عليه رجعت ليوره الى ان نلزكت بالحايط  وهو صار كلش قريب بحيث احس بحراره نفسه خله ايده الثنين ع الحايط وحده منا و وحده منا واني بالوسط صرت .  . بس رغم هذا مفهمت شنو يقصد . يمكن تستغربون . وتكولون ماكو هيج شي . وتقريبا هيج موضوع موجود بالسادس .  بس فعلا مكنت اعرف شنو يقصد . لان عمري كله منفتح هيج موضوع كدامي او تلمح الي . الي فهمته  شي علمي . حسب كتاب الاحياء . بس من منظور  عامي وحسب ما معترف ومعلوم  بي بين الناس اني مادري ومفاهمه  .  لذلك استغربت من طريقه كلام فهد . بقيت رافعه راسي و صافنه بعيونه والدمعه واكفه بطارف عيني  محجيت شي بعد  ولا هو حجه .   هو بقه يباوعلي و يتأفأف  بحيث حرارة نفسه صارت بوجهي . ابتعد عني وراح كعد ع الكرسي دنج راسه وصار يفرك بشعره .  رفع راسه .
.
فهد . شلعتي قلبي والله .
.
شهد .من كلي هيج دموعي صارت تنزل . اني وابجي كتله .

ليش شسويت .
.
فهد . مسويتي شي . ليش تبجين

كمت عليهه . وكفت كدامهه .  احاجيهه بهدوء .

ليش تبجين .
.
شهد . مادري .
.
فهد . كافي بجي . ماريدج تبجين ماشي .
.
شهد . هزيت راسي بأي . 
.
وخر من يمي وراح صعد . الغرفته واني رحت ع رقيه اشوفهه كاعده لو نايمه .
.
فهد .
صعدت الغرفتي .  واني عقلي مشغول بعيونهه وقلبي مشغول بيهه .
  لا اكيد ما احبهه . بس ليش هيج اموري كلهه تتخربط يمهه .  كعدت ع داير الجربايه ولزمت راسي .   وصرت احجي ويه نفسي .
.
لا فهد دير بالك تحبهه .  معقوله .  بعد هاي الفتره كلهه ترجع تحب . لا هذا الشي مو الك يالنجر .   طلعت موبايلي  سمعت تسجيل المكالمه كله . شويه توضحت عندي الصوره . .
.دزيت رساله  الصديقة شهد . اسمهه روى .
.
💌 . السلام عليكم . انه الضابط فهد .  مثل ماعرفتي شهد موجوده بيتنه . فمحتاج تنطيني معلومات . عنوان بيتهم  والمنطقه الساكنين بيهه . واي شي يخصهه .
.
روى .
اجاني مسج . من الضابط الي عايشه بيتهم شهد .. من قريت رسالته . مخفت لان كالت بأمان ومرتاحه يمهم .  رديتله ..

  عليكم السلام . ثواني وتكون المعلومات يمك ..
.
كتبتهن كلهن بمسج كل شي اعرفه . ودزيته اله .
.
فهد
جتني الرساله بيهه معلومات كامله . دزيتهه الصاحبي نقيب واثق  بالمركز ... ورجعت خابرت عليه  فهمته وشرحتله التفاصيل . وفهمته يسأل ويعرف شنو قصتهه . .
تقريب ساعتين رجع خابرني . نطاني قصتين . ناس تكول مهزومه وناس تكول تأذت من اخوهه وعرفت رجال كبير يريد يخطبهه ونهزمت . .
.
عرفت القصه الثانيه هي الصح . لان متطابقه ويه كلامهه وكلام صديقتهه .