انا وساجد مشينا بيتهم طول الطريق كل واحد فينا سرحان في حالو وفي اللي هو فيه
اتصلنا على سهى لما وصلنا تجي تفتح لينا الباب ما حبينا نزعج ناس البيت
سمري الحلوه نورتي بيتنا
سهى انا تعبانه عايزه انوم
سهى سمر تعبانه خليها تنوم على طول وبكره حنفرفش كلنا وحاطلعكم لو حابين
سهى انبسطت وقالت في سرها انو اكيد امورهم حتظبط مع بعض وهي للاسف ما عارفه انو ساجد ما عندو اي مشاعر اتجاهي
اكيد حنطلع العصر ومنها المساء نوصل سمر ولا شنو
طيب اتفقنا يلا امشو نومو بعد دا ونتلاقى الصباح
مشينا الغرفه سهى ادتني بجامه شلتها من سكات ودخلت الحمام استحميت وبكيت كتير في الحمام واتوضيت وطلعت
يا بتي اها احكي لي الحصل شنو
عايزه اصلي ركعتين
تمام صلي ونتفاهم
صليت ودعيت في السجود ربنا يصبرني ويقوي قلبي ويكتب لي الخير رغم كل الحصل ما دعيت ربنا يشيلو من قلبي ولا دعيت يكون لي بس كل الدعيت بيه انو ربنا يقدم الخير لي وليه ولساجد كمان وفرحتو تكمل وحبيبتو ترجع ليه وانو. سهى واحمد امورهم تظبط ويجتمعو بالحلال جيت رقدت في السرير من سكات
حبيبتي عارفه انك متضايقه ومريتي بيوم عصيب بس فضفضي احكي لي
دموعي جرو كانت ملاك وهو كان زي الملك كانو لايقين على بعض ربنا يسعدهم
ضمتني حبيبتي ربنا اكيد كاتب ليك خير كبييير وحتفرحي بيه علشان كده ما تزعلي نفسك
سكت ما رديت بغير ونعمه بالله فضلت ضامه سهى وببكي لفتره طويله بعدها رقدت في السرير رقدت جنبي وختت راسي في حضنها وبقت تقرا لي لحدي ما نمت
الصباح صحيت احسن حاولت اني افكر انو هو ديك حياتو وانا ما موجوده فيها ومفروض انا اتجاوز واعيش حياتي كمان
نزلت تحت سلمت على ام سهى وشربنا الشاي سوا كلنا حتى ساجد معانا وضحكنا وطلعت من المود شويه قعدنا نتونس لحدي ساعه الفطور بعد الفطور وصلاه الظهر دخلنا الغرفه فكرت انو انا طولت ما حكيت مع سهى يمكن هي حابه تفضفض لي حسيت اني مقصره معاها ويمكن تكون هي كمان متضايقه وانا ما بسأل عنها وما عايزه تزيد همي
سهى حبيبي احكي لي كيف ماشه علاقتك مع احمد
تمام كل امان الدنيا بحسو معاه نحنا كويسين شديد ما تشغلي بالك بينا
حلوو طيب اها احكي لي الطلعه كانت كيف
حلوووه
يعني حصل فيها شنو بالظبط
ما حصل شي مشينا مطعم ومنو مشينا منتزه قعدنا نتونس ورجعني البيت بس
سهى كذبت علي فكرت انو دي حاجه بينها وبين احمد واني ما حافهمها وحازعل منها ويمكن افهمها غلط وتخسرني واني حازعل عل الحصل بينهم وحاغلطها وكده وانو هي فاهمه احمد اكتر مني واني ما حافهمو زيها وفعلا دا حقيقه اكيد لو قالت لي انا حاشاكلها وما حاسمح ليها تكمل في اللي بيحصل دا بس مستحيل اتخلى عنها حافهم انها انجرفت عل حسب حبها ليه وحاحاول اوعيها بس ما حاتخلى عنها لانها اقرب انسانه لقلبي
العصر طلعنا وفرفشنا واتونسنا وضحكنا رغم الحزن الكاسي قلوبنا انا وساجد بس ساجد كان عندو امل انو حبيبتو ترجع ليه
انتهى اليوم ورجعت البيت ومرت الايام ورجعت للوحده والتفكير المستمر في همام وربا وكيف ماشه حياتهم اكيد مبسوطين اتنين في شهر عسلهم وبحبو بعض اكيد مبسوطين
ومرت الايام على ساجد وهو منتظر اشاره من لين كان في كل لقاء بحس بمقدار المهااا بس ما سألتو عني وهو ما حباا يوضح ليها شي من غير ما تسأل رغم صعوبه الموضوع عليهم الاتنين
ومرت الايام على سهى وعلاقتها هي واحمد بتقوى اكتر واكتر زبقى بغير عليها شديد وبحسب كل تصرفاتها ما شك بس غيره ما عايز زول يشوفها ما عايز زول يحس انها فاتنه زي ما هو بحس احمد بقى ما بحب انها تخت صورها في الاستوري وبشاكلها لو ختتها وبقى ما بخليها تلبس سمح الا لو حتلاقيه ما بحب انها تحكي عن اصحابها الاولاد الباقين علاقتها معاهم بقت محصوره علشان خاطرو وما كانت زعلانه من الحاجه دي وفاهمه انها حب وغيره وانها ابدا ما شك بس كان عندها صاحب مقرب منها من زمان ورغم ضيق احمد من علاقتهم بس ما قادر يغير مشاعرها اتجاه صاحبها دا علشان كده استسلم للوضع وخلاها على حبها لصاحبها لانو واثق فيها وعارف انو علاقتهم ما بتتخطى الصحبه والخوه وانو مشاعرها كلها ايه براهو وانا ما بتحب زول اكتر منو وانها ليه اداها كل الثقه وهي اصرت انها ما تكسرها في يوم
