عشق دليمي للكاتب عصام الدليمي
البارت الرابع
قصص نور قلبي
بقيت اتصل علئ جماعتي بالرمادي وهم ميعرفون شي عن اهلي بسبب القهر والتفكير وخوفي علئ اهلي حالتي الصحيه تعبت حيل
كمت افقد ويغمئ عليه
مره بالليل اني بالمستشفئ واتصل بيه رقم مااعرف جاوبت طلع اخويه الصغير كال لتخاف كلنا بخير واحنا من عرفنا الجيش تقدم طلعنا لغير مناطق بس ماكو شبكه حتئ نطمنكم
كلتله ولك شسويتو بيه وكعمت ابچي ولك من شفت البيت مضروب اني انتهيت عبالي انتو بالبيت كال يا بيت كلتله بيتنا كال شبي
منو ضاربه عرفت همه ميعرفون بالسالفه
كلتله البيت مالنه مضروب و منتهي ولتكول لاحد ابويه يمه وسمع الكلام اخذ الفون منه وحجئ وياي كال الحمد لله طلعنا وكلنا بخير والبيت يتعوض لتفكر بشي
يالله مااريد لابيت ولا فلوس المهم اطمنت علئ اهلي ثاني يوم طلعت للبيت وحجيت ويه رسل كلش فرحت
بس اني متأذي حيل احس المرض رجعلي وراسي ابد ميخليني ارتاح بعض مرات من شدة الوجع اضرب راسي بالحايط
استقرت الاوضاع وتحررت كل الانبار ورحت لأهلي شفتهم بعد غياب طويل
الحمد لله اطمنت عليهم مره امي فتحت الجنطه مالتي وشافت هوايه اوراق واشعات وتقارير طبيه واخذتها لبويه شافها وعرف اني مريض
وهم كم مره يغمئ عليه ويشوفوني اتوجع كال نروح للطبيب ونعرف شنو بيك حاولت مااروح ويا بس هو ماقبل من رحت كال عنده كتله براسه ومسوي عمليه قديم وراجع دم متكتل لازم يسوي عمليه
طبعا رسل تحجي وياي بس مو ع طول مره بالليل كلت الها اني راح اسوي عمليه ادعيلي
گالت لشنو كلت الها لراسي هاي انهارت
وكامت تبجي اني تفاجئت بيها
عرف حبتني بس هيه قويه كلش ابد مابينت هذا الشي بس صرت افهم من طريقة تعاملها وكلامها
قرب موعد العمليه رسل زاد جنونها كالت تيم
اريد ترجعلي طلبت منها صوره رسلت 4 صور
وقبل العمليه بيوم كلت الها اني باجر موعد العمليه هيه انهارت من صدك كالت عليك الله ارجعلي والله اذا صارلك شي حياتي تنتهي
كلت الها لعد اعترفي كالت لا الصداقه احلا من الحب وانت اغلئ،شي بحياتي
ثاني يوم سويت العمليه واني بالبنج حجيت كلشي وابويه يصورني فيديو وفضحت روحي
من صحيت كال ابويه اي ابني منو هاي رسل اني عرفت روحي امسلت هواايه
كلتله معرف كال شوف فتح الفيديو
بس اصيح رسل ويضحك عليه كلتله هاي وحده صديقه خوش بنيه كال الله يستر عليها اتوسلت بي يمسح الفيديو ومسحه و
من رجعت من العمليه اتصلت برسل وطمنتها عليه كلش فرحت ،،،،يتبع
