عشق دليمي للكاتب عصام الدليمي
البارت الخامس
قصص نور قلبي
رسل بس اول يوم بقت وياي بعدها ابتعدت
صارت باليوم لو ادز مسج لو ماكو بقت علئ هاي الحاله اكثر من اسبوع
مره بالليل هي اون لاين و اراسلها مجاوب الصراحه ضليت مقهور وعرفت هي تريد تبتعد نطيتها مجال
بعدين هيه رجعت عادي ما عاتبتها ابد خليتها بداخلي
رسل! !!
طبعا تيم هوايه حاول وياي بس اني ماقبلت هو معجب بيه وكم مره يفتح الموضوع وياي وارفض فكرت
زين اني ليش ما اتركه حاولت ابتعد بس هو غالي عليه مره اتصل كال رسل بيت اهلي مضروب ومااعرف شي عنهم اني حيل تأذيت وحتى بجيت علئ حالته يعني بعيد عن الصداقه او التواصل بس صعبه شخص تارك اهله و مغترب و يجي هيج خبر و ميعرف اي شي عنهم
هو بدئ يقل تواصله وحتئ ترك الكروب ابد مااله دخل بي اني دائما اراسله ميجاوب
بعدين انفجرت علي كلتله انت شايف روحك عليه كال لا مو هيج بس اني كلش مريض واخذ صوره ورسلها اليه يمه شلون صاير متغير حيل مبين الحزن بوجه حيل انقهرت علي وبقينا لحد يوم اتصل بيه كال اهلي زينين و اتصلو بيه
كلش فرحتله خطيه
مرت الايام وكال اني حنزل لأهلي اشوفهم وكلش مشتاق الهم
نزل واني ويا بقينا متواصلين بس تيم فاجئني كال رسل راح اسوي عمليه براسي وحجالي التفاصيل اني طكيت من البجي والله حتئ اهلي لاحضوني وسألوني كلت الهم لا قريت قصه حزينه وتأثرت بيها
قرب موعد العمليه واني احس تيم اخذ روحي حيل ضعفت واكتشفت اله بداخلي حب جنوني
مو عادي يمكن الله عاقبني لأن كتمت هذا الحب وماكلتله بي طلب صوره رسلتله 4 صور
وبديت اتوسل بي يرجعلي وراح
من راح اني خايفه كلش خايفه يجيني اتصال ويگولي تيم مات طكيت من البجي وبالليل اسهر بس اصلي وادعيله ردت اتخبل
نطيت وعد لربي بس يصير زين وترجعله صحته اتركه
مره كاعده اتصفح بالفيس ادور اي شي يلهيني
واتصل تيم يمه كمت ارجف من الخوف خايفه اليتصل مو تيم جمعت قوتي وجاوبته طلع تيم اول كلمه كال هلو عمري شلونج اني زين والله
اني من اطمنت علي سجدت لله سجدة شكر
كلتله اني زينه ظل بالي عليك كال والله كلش زين ودزلي صوره واطمنت بقيت ويا بذاك اليوم وبديت ابتعد عنه
وبالكوه كاتمه الوجع بداخلي خايفه من الحب
ومااريده بس تيم اخذه غصب عني
تيم فرض روحه وحبه بداخلي
بقئ يرسل اني بس اجاوبه واطفر
