عشق دليمي للكاتب عصام الدليمي
البارت الثامن عشر
قصص نور قلبي
ابد ماتركت تيم وبقيت علئ تواصل ويا 24 ساعه
احلئ شي من اكعد الصبح علئ اتصاله
صوته صار ادمان حياتي من دونه ابد متسوئ شي والله رغم كل المصاعب بس هو صار حياتي
مره كال رسل اني لازم اروح للرمادي احجي ويه اهلي واشوف شلون ارتبها
كلتله ماشي بس لا هم تطلعلي مشاكل كال لتخافين مستحيل يصير شي
سافر تيم للرمادي واني انتظر منه جواب علئ نااار
اتصلت بي كال حجيت ويه اهلي عادي موافقين
وكالو شوكت تريد احنا نروح نخطب الك
يالله فعلا صرت بعالم ثاني من الفرحه
حسيت بالامان واطمنت اكثر وخلصت من اجواء القلق والمشاكل
بس انتظر هذا يخطب واخلص منه لأن فعلا نفذ صبري
مع مرور الايام
مره اتصلت بيه بنت عمي اخت هذا الي يريدني
وكالت تعالي اخويه خطب وحده منا
وباجر الحفله لازم تجين
اويلي فرحه ابد متنوصف خلصت منه
ماما دخلت تبشرني بس عليها علامات الحزن
تكول والله انضلم وصار هو ضحيه واخوج لليوم حاقد علي
كلت الها طبه مرض اني مااريده ليش ميفهم من الاول كالت اتركي هذا الكلام وباجر نروح للحفله مالته كلت الها مو اكيد خلي اشوف شيصير وياي
كالت لتكذبين اكيد راح تاخذين الموافقه من
تيم يله تقررين مبين من هسه كلامه يمشي عليج
كلت الها اي والله من هسه كلامه سيف فديته
واذا موافق مااروح كالت طاحضج مخبله
لعد مراح يوافق اعرف بي وبسوالفه
تيم! !!!
طبعا نزلت للرمادي علمود احجي ويه اهلي
والحمد لله بعد معاناة بسبب الوالد وافق
جان يريدلي بنت خالي واني رفضت
كلتله اني لو اخذ رسل لو مااتزوج ابد
گال بكيفك هاي بالاخر حياتك اتصل برسل وطمنتها وهم بعد ايام قليله رجعت للشمال بعد فتره تفاجئت برسل اتصلت طايره من الفرحه
تكول خلصت من ابن عمي وباجر الحفله مالته
اخته اتصلت تعزمني شتكول اروح لو لا
كلت الها كيفج حبي بس راح يغثج ويستفزج
اذا مستعده لهذا الشي روحي كالت والله هو والنعال بس اني اريد اروح علمود ليكولون
جان يريدها ومااجت لان هاي كسره عليها
كلت الها لعد روحي ولتخافين من شي البسيهم كلهم واهتمي بس بفرحتج كالت اوك
ثاني يوم مااتصلت للليل انتظرتها ماكو
رحت نمت وكعدت الساعه 2 الصبح
علئ اتصالها جاوبتها كالت اسفه مصار مجال
طمنتني وكالت ابن عمي حجئ وياي وكال
روحي شوفي حياتج بس خليها ابالج
مهما تصيرين مراح اخليج تصيرين احسن مني ومن زوجتي
وضحكت كلتله مو مشكله نشوف بس افهم شي واحد
و للعلم اني فرحتي اكبر لأن خلصت منك
هاااا وكسرت خشمك ولو اني من بمكانك اطم روحي علئ الي صار تركته ومشيت بكل ثقه
وغرور والله انجن من صارت الحفله
طبعا زوجة عمي تعرف بكل السالفه
وهم ماقصرت بس لازمه ابنها وتبوس بي وتذب كلام عادي وغلاتك لبستهم ولا مهتمه الهم
وتكول يمه والله جنتي الجديده راح اخليها اسعد مخلوقه بالعالم واخلي هواايه ناس يندمون لأن ماوافقو علئ ابني
وووو هواي كلام سمعوني بس ماما كلش ضاجت من كلامهم وكم مره تخزرني بعيونها
من رجعنا للبيت كالت ماما والله اذا تيم ماسوئ الج شي احسن منهم اموتكم ثنينكم
وگوليله هذا الكلام
