عشق دليمي للكاتب عصام الدليمي
البارت السادس
قصص نور قلبي
حاولت هواي اتركه او ابتعد بس ماكدرت دائما اشتاق لصوته ولرسائله كلش تعبت ماكدرت ابتعد ورجعتله بس هو صار عنده قوه بسبب رجوعي اله عرف اني احبه وبعد مااكدر ابتعد بس مع هذا اني مااعترفت بحبي اله
بقينا اكثر من 6 اشهر هو يتقدم واني من احس بروحي ضعفت ابتعد شويه ومن احسه بده يمل ارجع اله وعلئ هاي الحاله بقيت خايفه من شي مااعرفه يعني اريده او مااريده يعني اريده يكون قريب مني بس مااريده يكون حبيب
تيم! !!
رسل لعبت وياي لعبه قويه وابتعدت واني ماحجيت شي بس من كيفها رجعت عرفت شنو اني بالنسبه الها وصار عندي شي يقويني اكثر
وبقت تلعب وياي هاي اللعبه يعني نتقرب من بعض
كولش ومن تحس بروحها ضعفت ترجع تبتعد عذبتني ودمرت نفسيتي كلش وكل مره اكول خلص راح اتركها تبدي تقترب اليه
كملت زيارتي لاهلي وقررت ارجع للشمال
وفعلا رجعت بس خايف حيل من رسل وخايف من تعاملها وياي دوختني ابد مو مستقره بتعاملها بقيت وياهئ بس ضاغط علئ مشاعري كلش
مره صادف رمضان اني اتصلت بيها مجاوبت
رسلت الها رساله كلت الها لازم نبتعد وخلص اني
بعد مااكدر اكمل
بعد ساعه جاوبتني كالت ليش بشنو اذيتك كلت الها لا مو علئ شي بس اني مريض وماافيدج
الصراحه اني تعبت من هالحاله مااعرف بعد شلون اتصرف وياهئ تعبتني
واني استسلمت هي رفضت كالت ماكو ممنوع تبتعد ابقئ محتاجتك واريدك قريب مني
كلت الها والحل كالت شتريد كلت الها افهمي شي واحد اني حبيتج حب و بعمري ما اعتبرتج صديقه خووش
گالت عادي منو منعك ابقئ حبني بس اني ابقئ احبك كـ صديق زاد جنوني
وسديته منها ثاني يوم بلشت ادزلي مسجات غراميه وفديوهات اوووف جننتني هي تحبني بس متقبل تعترف
