عشق دليمي للكاتب عصام الدليمي
البارت الثالث عشر
قصص نور قلبي
اجت عليه كالت ولج شسويتي انتي وهذا الولد
هاي تاليها يوصل هيج كلام عنج كلت الها والله الولد ابد ميحجي هيج اعرفه اكثر من روحي بس شوفي هذا النذل الساقط شلون يحجي عليه كله في سبيل يكسرني بس والله مااخذه لو يبقئ اخر رجل بالعالم
ماما تركتني وراحت لخويه كالتله اختك بعدها بنت ولتكبر السالفه وتجيها حجايه مو حلوه
اسكت وهم اتصلت بأابن عمي وكالتله اسكت لتحجي شي ابد اني دزيت مسج لـ تيم وكلتله ولك احترك الجوو يمنا انت شنو حاجي عليه
گال اسكتي وابقئ علئ موقفج ولتخافين
كلتله بالعكس اني هسه موقفي كلش تمام
وابن عمي انكتل من اخويه وشرد من البيت
كال اووف برد گلبي ويضحك گال روحي هسه ومن تهدأ الاوضاع يمكن نحجي
تيم! !!!
طبعا اني كل هذا الشي مخطط اله وابن عم رسل بلع الطعم الغبي وفهمت رسل بكلشي
اتصل بيه رقم مااعرفه جاوبت كال انت تيم كلتله لا عمي وسديته
رجع اتصل رقم ابن عمها كال انت تيم كلتله لا خويه اني من البصره وهذا ثاني رقم يتصل يسال عن نفس الشخص اعتذر وسده
واني كلش مرتاح اصلا تركت شغلي وكعدت
من المتعه الي اني بيها اااوف اعشق المغامرات
وصلني مسج من رسل تكول انت شنو مسوي وشنو حاجي كلت الها كولشي ماكو بس ابقي ثابته كالت ولك اني هسه ام الزود عليهم 😂
وابن عمي انكتل من اخويه وشرد من البيت
اويلي برد كلبي وخربت ضحك 😂
كلت الها اوك روحي هسه وابقي ع نفس الموقف
ولتخافين اني وياج كالت تمام بس ماما متورطه وبس تريد تسد الموضوع وتتستر علي؟
اويلي وهذا هم خبر يجنن كلت الها تمام
لعد اعتبري ابن عمج من هسه طااار يله بااي
راحت اني معندي شي كولش مرتاح ومطمن
بالليل اتصلت كالت تيم ماما تريدك
كلت يالله انطيني الحجيه
گالت الو يابه شسويت وليش هيج ابني الله يستر عليك سد الموضوع انت شتريد كلت الها لا خاله
انتي اساس هاي البلاوي و المشاكل واني رجل احب المشاكل وللعلم معندي شي اخسره ابد
كالت يمه اني ليش اشو اول مره احجي وياك
كلت الها لعد منو هدد ويكول ننهي حياته
ليش يمه هيج لان حبيت بصدق تنهين حياتي
فكري عدل اني اذا تصير السالفه معقده والله
والله اخربها اكثر وهذا الصار مجرد درس بسيط هديه مني وهم رد علئ تهديدج
( الصراحه صارت عندي ثقه بنفسي عمياء )
كالت يعني انت مراح تترك رسل كلت الها بس الموت يخليني اتركها
