عشق دليمي للكاتب عصام الدليمي
البارت الاخير
قصص نور قلبي
رسل! !!
بقينا لليل گاعدين وكلش متونسين
صارت الساعه 12 وابدو يتفرقون كلمن لغرفته
بقينا اني ويا وماما وزوجة
اخويه هو باوع ع زوجة اخويه كال خيتي مانعستي 😂
كالتله لا اني للساعه 1 او 2 يله انام
كال لعد فد مره
كال لعد فد مره روحي للجامع اذني وصلي بيهم وتعالي
كالتله اي عادي اروح ليش لا
كال هسه اخليج تروحين وصاح علئ اخويه
گاله عمي اخذ مرتك ترئ هاي مو سالفه اني بعدني خاطر وغريب ميصير تكعد وياي
خطيه اخويه صدك بي و كاللها كومي يله
وتيم خرب ضحك عليهم
اجت ماما كعدت كال خاله شنو المطلوب مني
كالتله ابني احس راح تصير مشاكل والافضل تتزوجون بسرعه
كال ماشي باجر نروح
وناخذ ذهب ونجهز كلشي
وبعد باجر الحفله وبعدها اروح للشمال
اخذ بيت واجره من كلشي واجي اخذ رسل
يعني حفلة بعد باجر هي حنه وهيه زواج لأن
مراح اسوي حفله بعد
وباوع عليه كال شنو رائيج كلتله عادي هيج افضل
ماما كالت خوش فكره اني عبالي ترجع وتزوج بالرمادي ابيت اهلك كال لا رسل الها بيت وحدها
گالت حلو بس تبقئ هنا يومين بعد الحفله يله تسافر كال ماشي
ماما راحت تنام وبقينا اني ويا كاعدين للصبح
خبيث ماخله شي بنفسه من بوسات ووو كلشي
طبعا من احلا ايام عمري هي ذيج السهره
ثاني يوم العصر نزلنا للسوگ
جهزنا كلشي وبيوم الحفله اهله جمي الضهر
وشلون دخلو علينا فدوه لربهم 4 جگسارات
وشلون اللبس العربي والاناقه
وهم ممخلين شي ومجايبي
خبلو اهليتي خبال بالهديا والتجهيزات
واني اصور وانزلها ع الفيس علمود
يشوفوها الشمات ويطگون قهر
تمت الحفله وطبعا ام تيم كالت هاي حفلة الحنه والزواج بنفس الوقت لأن تيم مراح يرجع للرمادي راح ياخذها منا للشمال والها بيت لوحدها وقريبا نشتري بيت ملك الهم
ضربتهم بصدمه اكبر من صدمة الدلال
والهديا والله زوجة عمي اشوف القهر بعيونها
وماما ماقصرت ردتلهم كل الي سوو بحفلت
ابنهم
اووووف برد كلبي من صدگ
كملت الحفله والناس راحت وابو تيم قبل ميروح
گال لتيم تاخذ رسل وياك وتنزلون بأرقئ فندق
وتجهز بيت علئ كيفك ليش تتعب وترجع اخذها افضل الك
راحو اهل تيم و بقئ هو يمنا كال جهزي اغراضج وكلشي يلزمج علمود نسافر
ماما كالت بعد يومين يله تسافرون
من دخلنه للغرفه ماما اجت بوست تيم گالتله
طبعا والله اني كل الي سويته ميسوئ عندي شي بس لأن بردت گلبي بسلفتي وابنها وبناته واهليت رسل
كال مسويت شي هاي اعراسنا والله ماسويت شي زايد بالعكس اكو ناس تسوي اكثر من هذا الشي
كالتله بالعكس كفيت و وفيت فدوه لعينك
كال بعد باجر لازم اروح وبده يتصل بجماعه بالشمال علمود يأجر بيت ودزو هواي صور
عجبني بيت واحد وكلتله اخذ هذا گال ماشي
سافرنه وصلنا الشمال ونزلت بأرقئ فندق
اويلي شلون حياة ولا اروع كل انسانه متاخذ حبيبها عمرها خساره
من حجزنا بالفندق اخذ سويت وكال الهم عرسان احنا گالوله لعد الك مفاجئه
بالصدفه اكو فنانه نازله بالفندق
واليوم بالليل نسوي حفله علئ شرفكم
والحفله
هديه من الفنانه وصاحب الفندق وفعلا
كال لعد اجت راهمه امشي اخذلج بذلة عروسه
واخذت البذله واخذني للصالون واجينا وبدت الحفله اويلي شلون ليله اجنن
رجعنا للسويت الفجر فات سبح وطلع كال
يله تعالي نزعني البذله ووووو؟ ؟
وتمت احلا ايام عمري بقينا بالفندق 3
ايام اخذني اختاريت اثاث للبيت ورحنا استقرينا بالبيت وبعد 6 ايام اجمي اهل تيم زياره بقو يومين ورجعو للرمادي
وماما وبابا اجمي زياره
ماما كلش فرحانه اليه تكول حقج تقاتلين علئ هيج واحد هنيالج علي وهو بقئ اسبوعين كاعد وبعدها رجع
لشغله
الحمد لله حياتنه كلش هادئه وحلوه عباره عن حب وتماسك لمن يكون بالبيت الضحكه ابد متفاركني
هاي نهاية القصه و اتمنئ من كل بنت تحب تتمسك بحبها ومتخسره لأن الحب هو الحياة
احبكم
رســل & تــيــم
ملاحضه// طبعا اكو نظره علئ الدليم اهل نسوان او يحبون النسوان ليش منو ميحب النسوان بس اكو انسانه تقدمله كلشي وتخلي يحبها ويكتفي بيها واكو انسانه مجرد زوجه او حبيبه لا اهتمام ولا تقدير لذلك يلجئ للعلاقات او للزواج الثاني وغيرها
اتمنئ عجبتكم القصه
(الكاتب عصام الدليمي )
