عشق دليمي للكاتب عصام الدليمي
البارت التاسع عشر
قصص نور قلبي
رسل
طبعا من رجعت الوقت متاخر بس كولش مشتاقه لحبيبي واتصلت بي لكيته نايم
كعد وحجينا وكلتله بكلشي صار بس شنو
ماما صارت نار وكالت نصبر فتره ونخلي تيم يتقدم والله اذا ما سوئ شي يكسر خشومهم
ويخليهم يغارون اموتكم فهمتي وصلي هذا الكلام
تيم ماقصر وكال ادللي بس خليها تصير وشوفي شلون راح اموتهم طمني الحجيه وكوليلها تدلل
بس خليها تصير
طبعا ورئ 3 اسابيع ماما كالت رتبت كولشي
وحجيت ويه ابوچ وكلتله ولد من طرف اختي
ومناقصه شي ويريد رسل وكال اذا انتو تعرفو وخوش ادمي هلا بي
اتصلت علئ تيم وماما حچت ويا وكالتله يله جيب اهلك وتعال بس هااا
اريد شي راقي واريدك تسوي لرسل شي محد سواا قبل واذا قصرت لتلومني
كال ادللي انطيني فرصه اسبوع ارتب وضعي وانزل للرمادي اجيب اهلي ونشوف
رسل من سدته ماما اني بدون وعي كمزت عليها
وكمت ابوس بيها يالله فرحه متنوصف
مااعرف شنو من احساس صار احس اليوم نولدت علئ الدنيا
تيم! !!
اتصلت بيه ام رسل بعد خطوبة ابن عم رسل بفتره وكالت رتبت كولشي وفهمتني انو اني من
طرف اختها وطلبت منها اسبوع بس ارتب وضعي يالله واخيرا ضحكتلي الدنيا بعد المرض والغربه اليوم انكتبت اليه حياة جديده وحلوه يارب تممها علئ خير
عندي فلوس وديون جمعتها واتصلت بأهلي
وكلت الهم بعد كم يوم اجي ونروح نخطب البنت
وفعلا نزلت للرمادي واخذت اهلي ورحنا لبغداد
ذاك يووم ولا اروع وصلنا ولكينا اهل رسل ينتظرون من دخلت شباك المطبخ صاير علئ الگراج عرفت اكو لجنة تقييم داخل 😂
وضلت عيني ع الشباك فجاه انفتح شويه وشفت رسل
دخلنه للصاله والناس ماقصرو
تمت الخطوبه بشكل رسمي وكال السيد اطلع
شوف البنت النظره الشرعه طلعت ولكيت ام رسل تنتظرني كالت هاا ملعب ادور نظره شرعيه
ولك اني ماافهم شي اذا ماطلعت لاعب لعبتك 😂😂 انت وياهئ
كلت لا خاله صدك جذب بس خلي اشوفها يمكن جكمه واخاف مبدليها
كالت طاح حضك تعال وياي دخلت للصاله الداخليه
