عشق دليمي للكاتب عصام الدليمي
البارت الخامس عشر
قصص نور قلبي
تيم! !!
الحمد لله ابن عمها طيرته خطيه بس بقئ يتصل بيه ويرسل رسائل تهديد فـ غيرت السيم كارت
وارتاحيت منه مرت الايام ام رسل بعد متضايقني ابد يعني تقريبا اقتنعت بالامر والواقع
وهم اعتقد بيها خوف من تصرفاتي
مره اني طلعت سفره لبغداد واتصلت برسل
علمود اشوفها كالت لا مااكدر اطلع اخذت العنوان مالتهم وكلت الها اطلعي بالباب اشوفج
اتفقنه علئ الوقت ورحت شفتها سبحان الخالقها
كامله مكمله اجنن اكو ماركت مقابيل الباب مالتهم دخلت وانتظرتها شويه واجت للماركت تقابلنه وجانت احلئ فرصه بحياتي بعدها رحت جنت طاير من الفرح
رجعت للشمال ورئ تقريبا 4 ايام اتصلت رسل كالت تيم ماما اجت للشمال هيه وخالتي عدها مراجعه علمود عيونها گلت هاي فرصه
اخذت رقمها واتصلت بيها سلمت عليها كالت انت منو كلتله الها اني تيم كالت هلا يمه اامرني
((گلت لازم احسن موقفي وياهئ واكسبها لأن اني بحاجتها هسه))
كلت الها خاله سمعت انتي بالشمال سلامات
كالت اي والله اجيت للطبيب وماكعد اعرف بالضبط وين اروح حاليا اني بالفندق كلت الها انطيني العنوان كالت ليش كلت مو عن شي احتمال اكدر اقدم مساعده نطتني العنوان بس مبين عليها مو بواهس ضايجه مني بسبب الصار
عرفت مكانهم مو بعيد عليه رحت الهم العصر
من وصلت اتصلت بيها نزلت من الغرفه
مره كبيره مبين عليها الترف والراحه بس عيونها توحي انو هي مو قليله ابد
سلمت عليها وكعدنا بصالة الانتضار كالت والله شكلك حباب وخوش انسان ولك شسويت بيه
تدري انت ردت تجلطني والله بالليل اكعد من النوم افكر بيك وبسوالفك البايته ضحكت كلت الها لا خاله بس غير انتي ميبسه راسج كالت يمه اني مااعرفك وهاي بنتي من حقي اخاف عليها
كلت الها مو مشكله المهم بيش اكدر اساعدج
كالت لا سلامتك لحيت عليها كالت الصراحه
كلشي مااعرف هنا وهم مااندل طبيب زين كلت الها يله نروح لبيتي كالت لا اختي وياي ومااريدها تعرف شي واذا سألتني راح اكول هذا من طرف ابني واجئ يساعدنه بس شوفلي طبيب زين
كلت اوك تركتها وطلعت سألت عن طبيب شاطر
گالو بالمشفئ الالماني اخذت العنوان وثاني يوم
اجيت اخذتها قررو عليها عمليه بقينا يومين
و سوت العمليه وراحت لبغداد طبعا بقت عدها مراجعه علمود الفحص بعد العمليه اني ابد ما اتكلمت وياها بخصوص رسل
بقينا اني و رسل علئ تواصل مستمرين
تقريبا انتهت المشاكل وما بقت عوائق
،،،،،،،يتبع
